پەیامی سازمانی خەبات بەبۆنەی هاتنی مانگی رەمەزان.  

موسوڵمانانی کوردستان، ئێران و جیهان
بەبۆنەی هاتنەوەی مانگی رەمەزانی پیرۆز، گەرمترین پیرۆزبایی بە موسڵمانانی كوردستان، ئێران و جیهان بەگشتی پێشكەش دەکەین.
هیوادارین ئەم مانگە ببێتە مایەی خێرو بەرەكەت‌ و ئاوەدانی‌ و ئاشتی ‌و خۆشی ‌و كامەرانی تێكڕایی.
ئەم مانگە پیرۆزە کە مانگی خێر و ئاشتی و بەڵێن دانەوەی بڕوادارانە بە خواپەرەستی، هومێدوارین ببێتە مایەی کۆتاییهاتنی ناخۆشی و زوڵم و نەهامەتیەکانی سەر گەلەکەمان و شاهێدی نەمانی دەسەڵاتی چەپەڵی ئاخوندەکان بین، کە سەرچاوەی ترۆر و ستەم و ئاژاوەیە، لە ووڵاتانی ناوچەو و جیهان بە گشتی و ئێران بە تایبەتیە.
سازمانی خەباتی کوردستانی ئێران جارێكی دیكە پیرۆزبایی گەرم پێشكەش بە هاونیشتمانیانی موسڵمان رادەگەێنێ‌ و گومانی نیە مانگی رەمەزان دەبێتە مایەی سەقامگیری و سەرکەوتنی بەرەی خێر و راستی و شکستی بەرەی تیرۆر و تاریکی.
ئازادو ئاوەدان بێ‌ كوردستان
سازمانی خەبات ی كوردستانی ئێران
15 ی بانەمەڕی 1398 كۆچی خۆری
ڕێکه‌وت: 2019-05-05 20:40:04
به‌شی ( کۆمه‌ڵایه‌تی )







سیاسی