راپۆرتێك لەسەر بارودۆخی 7 ژنی كورد لە زیندانەكانی رژیمدا

 لانی كەم حەت ژنی كورد بە تاوانی چالاكی سیاسی و مەدەنی، ئێستا لە زیندانەكانی رژیم لە شارەكانی سنە و خۆی بەسەر دەبەن.
هەواڵدەری هەنگاو: ئەو حەوت ژنە چالاكوانە كوردە كە بە تاوانی چالاكی سیاسی و مەدەنی گیراون، بریتین لە:
1_ زێنەب جەلالیان
زێنەب جەلالیان تەمەنی 37 ساڵە و خەڵكی دێهاتی ماكۆیە، لەساڵی 1387 بەتاوانی ئەندامەتی لە پژاك دا گیراوە. ناوبراو سزای زیندانی هەتا هەتای بۆ دەركراوەو لە ئێستادا لە زیندانی ناوەندی شاری خۆی زیندانیە.
2_ سەحەر كازمی
خەڵكی سنەیە، لەرێكەوتی 18ی گەلاوێژی 1397وە لەلایەن هێزەكانی ئیدارەی ئیتلاعاتی سنەوە گیراوە و دواتر لەلایەن دادگای ئینقلابی ئەو شارەوە سزای 20 مانگ زیندانی بۆ دەركرا.
ناوبراو لەئێستادا لە زیندانی ناوەندی سنە زیندانیە.
3_ سیما مورادی
خەڵكی سەڵماسە، لەمانگی سەرماوەزی ساڵی 1397 وە لەلایەن هێزەكانی ئیدارەی ئیتلاعاتی سەلماسەوە گیراوە، ناوبراو لە مانگی بەفرانباری هەمان ساڵەوە بەتاوانی هاوكاری لەگەڵ یەكێك لە حزبە كوردیە ئۆپۆزیسیۆنەكانەوە، سزای 9 مانگ زیندانی بۆ دەركراو لەئێستادا لەزیندانی ناوەندی خۆی زیندانیە.
4_ مەقبولە سكاندوەند
خەڵكی ماكۆیە، لەمانگی سەرماوەزی ساڵی 1397 وە گیراوەو لەئێستادا لەزیندانی ناوەندی شاری خۆی زیندانیە.
5_ ئێران راهپەیكەر
خەڵكی مەریوان و تەمەنی 33 سالە، رۆژی سێشەممە 24ی بانەمەری 98 لەلایەن هێزەكانی ئیدارەی ئیتلاعاتی مەریوانەوە و لەكاتی گەرانەوە لە هەرێمی كوردستان گیراوەو لەوكاتەوە لە زیندانی شاری سنە زیندانیە.
6_ زارا محەممەدی
تەمەنی 28 ساڵە و هەڵكی دێهگولانە، رۆژی پێنجشەممە رێكەوتی 2ی جۆزەردانی 98، لەلایەن هێزەكانی ئیدارەی ئیتلاعاتی سنەوە گیراوەو بەتێپەرینی 3 مانگ لە گیرانی نادیار، لەئێستادا لە زینداندا راگیراوە.
7_ پەروین ئیدوایی
خەڵكی سەروئاباد و دانیشتوی شاری مەریوانە، رۆژی پێنجشەممە رێكەوتی 5ی گەلاوێژی 98، لەلایەن هێزەكانی ئیدارە ئیتلاعاتی مەریوانەوە گیراوە و لەوكاتەوە چارەنوسی نادیارە.
ڕێکه‌وت: 2019-09-04 09:46:25
به‌شی ( هه‌واڵی کوردستان )







سیاسی