له‌سه‌رهێل 28
شه‌ممه‌ 25 گه‌لاوێژ 2720
سازمانی خه‌باتی کوردستانی ئێران
دەورەیەكی دیكەی فێرگەی پێشمەرگایەتی سازمانی خەبات كۆتایی پێهات

 دەورەیەكی سەرەتایی پێشمەرگەی تازە پەیوەست بوو بەریزەكانی سازمانی خەبات كۆتایی پێهات. رۆژی هەینی ریکەوتی 13ی سپتامبری 2019، رێورەسمی كۆتایی هاتنی دەورەی سەرەتایی و چەكداركردنی پۆلێك پێشمەرگەی تازەپەیوەست بوو، لەژێر چاودێری و بەرێوەبردنی كۆمیسیۆنەكانی سیاسی نیزامی و پەروەردە و لەژێر ناوی دەورەی شەهید " محەممەدئەمین غەزاڵی" بەرێوەچوو.
سەرەتای رێورەسمەكە بە دەقەیەك بێدەنگی بۆ رێزگرتن لە رۆحی شەهیدان دەستی پێكرد و پاشان چەند وتەیەك لە لایەن بەرێز کاک شۆرش حاجی ئەندامی رێبەرایەتی سازمانی خەبات پێشكەش كرا كە تێیدا ووتی:
بوون بە پێشمەرگە شانازییەكی گەورەیە كە تەنیا نسیبی كەسانی باوەر بەخۆبوو و تێگەیشتووی ناو كۆمەڵگا دەبێ ئەوانەی كە لە بەرانبەر بێ عەداڵەتیەكان هاواری نارەزایەتی بەرز دەكەنەوە و لە پێناو نەهێشتنی ستەم دێن خەبات دەكەن و ئامادەن لەو پێناوەدا گیانیان فیدا بكەن. نابی لە بیرمان بچی چەندە پەیوەست بوون بە ریزەكانی شۆڕش و خەبات گرینگە ئەوەندەش مانەوە و خۆپەروەردەكردن لەناو شۆڕ گرینگە و تەنیا بابەتێك كە ئەوە پشت راست دەكاتەوە ئەو كەسەی دێ بۆ خەبات و تێكۆشان لە رووی تێگەیشتووییەوە بووە ئەوە مانەوە تا سەركەوتنی یەكجاتری لە ناو ریزەكانی شۆڕش دایە. بەرێز حاجی لە بەشیكی تری قسەكانیدا ووتی: لەكاتێكدا دەورەیێكی تر لە زنجیرە دەورەكانی فێرگەی سیاسی نیزامی سازمانی خەبات كۆتایی پێدێنین كە ئاڵوگۆرەكان لە ئاستی نێونەتەوەیی و لە ئاستی ئێراندا بە قازانج و هاوتەریبی بەرژوەندییەكانی جوڵانەوەی رزگاریخوازانەی نەتەوەییمانە و رژیمی جینایەتكاری ئاخوندی زیاتر لە هەر كاتێكی تر تەریك كەوتۆتەوە و قەیرانە سیاسی و ئابووری و كۆمەلایەتیەكان گەمارۆی ئەو دەسەڵاتە دواكەوتوەیان داوە و دوورەدیمەنی چارەسەر كردن و زاڵ بون بە سەر ئەو كێشانە یەكجار تاریك و لێڵە. لەوەها هەل و مەرجێكدا بێگومان ئەركی هێزی رزگاریدەری كوردستان قورستر و پربایەخترە و ئەوە دەخوازێ‌ كە بە كاری زیاتر و یەكێـتی و تەبایی گشتی، خەبات و تێكۆشانی خۆمان دژی دەسەڵات بەرەوپێش ببەین.
لەدوای ووتەكانی کاک شۆرش حاجی، لەلایەن یەکێک لە هاورێیانی پێشمەرگە پەیامی سپاس و پێزانین لە مامۆستایانی فێرگە خوێندرایەوە و لە پاشان دا چەكی شەرەف و كەرامەت لەلایەن بەرپرسانی کومیسیونی سیاسی نیزامی پێشكەش بە پێشمەرگە تازە پەیوەست بووەكان بەریزەکانی سازمانی خەبات كرا.



 
ڕێکه‌وت: 2019-09-15 07:00:40
به‌شی ( ڕه‌نگاوڕه‌نگ )





دیمانه

سیاسی