شەر لەگەڵ رژیمی ئاخوندی، هەڵبژاردەی كۆتایی ئامریكایە

 ووتەبێژی وەزارەتی بەرگری عەرەبستانی سعودی رۆژی چوارشەممە 27ی خەرمانان، بە نیشاندانی پاشماوەی 18 پێهپاد و 7 موشەكی كروزی هەڵدراو بۆ دامەزراوەی ئارامكۆ، لەسەر دەوری رژیمی ئاخوندی پێداگری كردەوەو ووتی ئەو موشەكانە دروستكراوی سپای پاسدارانن و ووشەی یا عەلیان لەسەر نوسراوە.
ناوبراو هەروەها ووتی: بەگشتی 25 پێهپاد و موشەكی كروز لە هێرشی دامەزراوەی نەوتی, بەقیق, و , خریص, بەكارهێنراوە.
بەپێی شاهێدەكان، هێرشەكەی سەر ئارامكۆ لە یەمەنەوە نەبووە، بەڵكو لە شیمالەوە بووە.
بەشەکانی سێ مووشەكی كروزی دروستكراوی رژیمی ئێران كە ئامانجەکەیان نەپێكاوە دۆزراوەتەوە.
لەلایەكی دیكەوە مایك پەمپێئۆ، وەزیری دەرەوەی ئامریكا كە لە ئێستادا لە عەرەبستانە، بە سەرانی رژیمی ووت: ئەوە بەو شێوە نیە كە ئێوە بتانهەوێ‌ بە بەكارهێنانی كەسانی تر سەرچاوەكانی ووزەی جیهانی وێران بكەن و وابزانن كە دەتوانن لەژێر باری بەرپرسیاریەتیەكەی دەربچن، هەروەها ناوبرا ئەو هێرشەی رژیمی بۆ سەر دامەزراوەی ئارامكۆ بە هەنگاوێكی جەنگی لەقەڵەم دا.
ناوبراو هەروەها هۆشداری دا بە دەسەڵاتدارانی ئێران و ووتی، هەڵس و كەوتی ئاژاوەگێری و هەرەشەئامێزی ئەوان قەبوڵ ناكرێ‌.
لەلایەكی دیكەوە دۆناڵد ترامپ سەرۆك كۆماری ئامریكا لە وەڵامی پرسیاری هەواڵنێرێكدا كە پرسیبوی، هێندێك دەڵێن قاتع نەبونی ئامریكا لەبەرانبەر رژیمدا نیشانەی لاوازی ئامریكایە؟ ووتی: نەخێر ئەوە بەو شێوەیە نیە، من وا بیر دەكەمەوە كە ئەوە نیشانەی بەهێزی ئێمەیە.
ئێمە بەهێزترین سوپای دونیامان هەیە، ئەگەر مەجبور بكرێین بە ئەنجامدانی كارێك ئەوە دەیكەین، هەڵبژاردەی زۆر بوونیان هەیەو هەروەها هەڵبژاردەی كۆتاییش بوونی هەیە.
مەبەستم لە هەڵبژاردەی كۆتایی دەست پێكردنی شەرە كە لە ئێستادا باسی لێوە نەكراوە.
ناوبراو هەروەها ووتی: تا دو رۆژی تر گەمارۆی زیاتر و جێگەی سەرنجتر لەدژی رژیم رادەگەیەنین.
ڕێکه‌وت: 2019-09-19 09:34:24
به‌شی ( هه‌واڵی ئێران )







سیاسی