ئەگەری بە ترۆریست ناساندنی سپای پاسداران لەلایەن حیزبی محافیزەكاری كاناداوە

 سەرۆكی حیزبی محافیزەكاری كانادا بەڵێنی داوە كە ئەگەر لە هەڵبژاردنەكانی 21ی ئۆكتۆبر لە كۆتاییەكانی ئەم مانگەدا دەنگ بێنێتەوە، سپای پاسدارانی رژیم وەك رێكخراوەیەكی ترۆریستی رادەگەیەنێ‌.
ئەندرۆ شیر سەرۆكی حیزبی محافیزەكاری كانادا بە هەواڵنێرانی گووت: ئێمە رژیمی ئاخوندی بەو شێوە رۆتینەی كە هەیەتی و بەردەوامە لەسەر پێشێلكردنی مافی مرۆڤ، هاووڵاتیانی كانادایی دەكوژێت، پشتیوانی لە ترۆریزم دەكات و بەڵێنە ئەتۆمیەكان پێشێل دەكات، دەكەینە ئامانج.
ناوبراو هەروەها داوای لە ئوتاوا كردووە كە بەپێی بریارە جەناییەكانی كانادا، بەپەلە سپای پاسداران وەك سپایەكی ترۆریستی ناوزەد بكات.
ئیرین توولی، وەزیری دەرەوەی سێبەر لە حیزبی محافیزەكاری كانادا لە مانگی مەی ساڵی رابردووەوە وتبووی كە ئەوە ماوەی چەند دەیەیە كە سپای پاسداران خەڵكی ئێرانی لەگەڵ ترس و تۆقان بەرەورو كردۆتەوە و بە ئاشكرا پشتیوانی لە رێكخراوە ترۆریستیەكانی وەك حیزب اللە و حەماسی لوبنان كردووە.
ووڵاتی كانادا لەساڵی 2012 و لەماوەی سەرۆكایەتی سەرۆكی پێشو، و ئستیفن هارپێر سەرۆك وەزیرانی ئوتاوا، هەموو پێوەندیە دیپلۆماتیكیەكانی لەگەڵ تاران پچراند و هەموو ئەو هاووڵاتیانەی خۆی كە لە كونسوڵگەرییەكانی رژیمدا كاریان دەكرد هێنانیه دەرەوە، و دەست و پێوەندەكانی رژیمی لە وڵاتەكەی كردە دەرەوە.
میدڵ ئیست ئای نووسی: كاتێك كە كانادا لەماوەی مانگی رابردوودا بە دەیان ملیۆن دولاری رژیمی دەست بەسەرداگرت، پێوەندی نێوان رژیم و ئوتاوا پڕرەنگتر بۆوە. لەو دەست بەسەرداگرتنەی داراییەدا زیاتر لە 21 ملیۆن دۆلاری بەدەست هات، كە بەپێی نوسینێكی گلۆبال نیوزی كانادا، بەشێكی خەرجی قوربانیانی ترۆریستی حەماس و حیزب اللە كرا.

 
ڕێکه‌وت: 2019-10-03 08:17:10
به‌شی ( هه‌واڵی ئێران )







سیاسی