ئێران پلەی یەكەمی لە خاوەرمیانەدا هەیە لەروی دیاردەی خۆسوتاندنی ژنان

رژیمی ئاخوندی پلەی یەكەمی بۆخۆی تۆمار كردووە لەروی زۆری و بەربڵاوی دیاردەی خۆسوتاندنی ژنان لە خاوەرمیانەدا.
هەواڵدەری هێرانا: رۆژی دوشەممە دو ژن لە كرماشان خۆیان سوتاند.
ئەو دوو ژنە بەناوەكانی زێنەب محەممەدی و نیگار عیزەتی، بەهۆی كێشەی ئابوری و دەست كورتیەوە،پەنایان بردۆتە بەر خۆسوتاندن و لەئێستادا ئەو دوو ژنە بەهۆی دروستبوونی عفونەت بەهۆی سوتاویەكەیانەوە، لە بەشی چاودێری تایبەتی نەخۆشخانەی ئیمام خومەینی كرماشان خەوێندراون.
هەروەها ئەو هەواڵدەریە رۆژی رابردوش لە پێوەند بە خۆسوتاندنی هاووڵاتیەكی تر بەهۆی كێشەی ئابوریەوە لە كرماشان، هەواڵی دابوو.
لەگەڵ بەردەوامی هێژموون و دەسەڵاتی دژە گەلی ئاخوندان بەسەر ئەو وڵاتەوە، شتێكی تازە و سەیر نیە كە رۆژانە گوێبیست و شاهێدی دەیان و سەدان كارەسات و دیاردەی سەیر و دڵتەزێن و جەرگبر ببینەوە.
ڕێکه‌وت: 2019-10-03 09:06:51
به‌شی ( هه‌واڵی ئێران )







سیاسی