خۆپیشاندانەكانی عێراق بەردەوامی هەیە

نارەزایەتی و خۆپیشاندانەكانی بەغدا و هێندێك لە شارەكانی تری عێراق بەردوامیان هەیە و ئەمرۆ پێی ناوەتەوە شەشەمین رۆژی خۆی.
ئاسۆشێتدپرێس لەزاری ووتەبێژی وەزیری عێراقەوە دەڵێت كە لەماوەی ئەو شەش رۆژەدا نزیكەی 104 كەس كوژراون كە هەشت كەسیان لەهێزە ئەمنیەكانی ئەو وڵاتەن و هەروەها 6107 كەسیش برینداربوون كە 1200 كەسیان سەربە هێزە ئەمنیەتیەكانن.
ئەو نارەزایەتی و خۆپیشاندانانەی بەغدا كە لە رۆژی سێشەممە رێكەوتی 9ی رەزبەرەوە دەستی پێكردووە، لەدژكردەوەدا لەبەرانبەر دەست تێوەردانەكان و گەندەڵكاریەكانی رژیمی ئاخوندان لەو وڵاتەدا و پێشێلكردنی ماف و بەرژەوەندیەكانی خەڵكی ئەو وڵاتە لەلایەن دەسەڵاتدارانی زاڵ بەسەریدا سەری هەڵداوەو خەڵكی خوازیاری بەدەست هێنانی مافەكانی خۆیانن.
جێی باسە كە ئەم خۆپیشاندانانە چەندین شاری تری عراقیشی گرتۆتەوە.
ئەو نارەزایەتیانە بەردەوامی هەیە و ئەمرۆ پێی ناوەتەوە شەشەمین رۆژ و شەرو پێكدادانێكی زۆر لەنێوان خۆپیشاندەران و هێزە ئەمنیەكاندا سەری هەڵداوەو بەردەوام قوربانی لێدەكەوێتەوە، هەروەها خۆپیشاندەران چەندین بنكە و دامەزراوە و دەفتەری كاری سەر بە رژیم و بەنەرەكانی خامنەییان لەوشارەدا سوتاندووە.
لەلایەكی ترەوە هێندێك لە ئەندام پارلمانەكانی عێراق قاسم سلێمانی بە هۆكاری سەرەكی ئەو دۆخە دەزانن و بە بەرپرسی كوژرانی ئەو رێژە لە خەڵكی دەزانن.
ڕێکه‌وت: 2019-10-07 10:43:37
به‌شی ( هه‌والی جیهان )







سیاسی