نارەزایەتی و خۆپیشاندانەكانی كوردستان و ئێران پێی نایە رۆژی حەوتەم

نارەزایەتی و خۆپیشاندانەكانی خەڵكی وەزاڵەهاتوی كوردستان و ئێران، ئەمرۆ پێنج شەممە رێكەوتی ٣٠ی خەزەڵوەر، پێی نایە رۆژی حەوتەم.
لەماوەی ئەو حەوتویەی خۆپیشاندان و نارەزایەتیانەدا، تا ئێستا نزیكەی ١٤٦ شاری ئێران و كوردستانی گرتۆتەوە، نزیكەی 251 كەسیش شەهید كراون،٣٧٠٠ كەسیش بریندار كراون، و نزیكەی ٧٠٠٠ كەسیش گیراون.
جێی باسە ئەم نارەزایەتی و خۆپیشاندانانەی ئێران و كوردستان جیهانی بۆتەوە و وەزارەتی دەرەوەی ئامریكا بە بڵاوكردنەوەی ویدیۆیەك لە راپەرینی خەڵكی ئێران و كوردستان و سەركوتی درندانەی رژیم، نووسی: رژیمی دژە گەلی ئاخوندی، بەشێوەیەكی درندانە وەڵامی نارەزایەتی و خۆپیشاندانەكانی خەڵكەكەی داوەتەوە، ئەوە ماوەی چوار رۆژە كە خەتی ئینتێرنێت براوە، بەڵام خەڵك لەبەرانبەر سەركوتكردنەكانی رژیم و كردەوە درندانەكانیان نافەرمانی دەكەن و بێدەنگ نابن.
راستیەكان لەحاڵی ئاشكرابووندان و جیهانیش دەیانبینێ‌.
ڕێکه‌وت: 2019-11-21 09:31:08
به‌شی ( هه‌واڵی کوردستان )







سیاسی