دەستپێكردنەوەی دیاردەی تێزاب پژاندن لە ئێران

دیاردەی تێزاب پژاندن كە دیاردەیەكی دژە مرۆڤیەو دەبێتە هۆی تێكدانی سیستم و پێكهاتەی كەسێك و شێواندنی ڕوخساری، و ئەم دیاردەیە لە ئێرانی ژێر دەسەڵاتی ئاخوندان زۆر بڵاوەو سەدان قوربانی لێكەوتۆتەوە، و بەتایبەتی لە بەرانبەر ئافرەتاندا بە بەردەوامی بەكارهێنراوە، بەداخەوە تا ئێستاش كەیسی ئەو كەسانەی ئەوكارە قێزەونە ئەنجام دەدەن بە داخراوی ماوەتەوە و تەنانەت كەسێكیش بەو تاوانە نەگیراوە،بەپێی یاساكانی رژیمی ئاخوندی ئەو دیاردەیە بەتاوان ئەژمار نەكراوە.
هەر لەو چوارچێوەیەدا شەوی شەممە رێكەوتی 23ی سەرماوەز، لەشاری سەقز، دایكێك و كچەكەی لەلایەن كەسانێكی نزیك لە خانەوادەی خۆیانەوە بەتێزاب هێرش كراوەتە سەریان،
پشتی ئەو دایك و كچە بەهۆی تێزابەکە بە سەختی سووتاوە و ئێستا لە ژێر چاودێری پزیشکیدان.
سەرچاوەكان باس لەوە دەكەن كە رژیمی ئاخوندی لە ڕێگەی دەستپێکردنەوەی شەپۆلێکی تێزابپژاندن" اسیدپاشی" دەیهەوێ ئافرەتانی کورد لە خەبات بۆ مافە نەتەوایەتی و ژنانەکانیان بترسێنێ و هەروەها هێزی بەهێزی ئافرەتان لە خۆپێشاندانەکانی داهاتوو بۆ ڕووخانی ڕژیم بێکاریگەر بکات.
ڕێکه‌وت: 2019-12-16 07:45:37
به‌شی ( هه‌واڵی کوردستان )







سیاسی