له‌سه‌رهێل 90
شه‌ممه‌ 21 پووشپه‌ڕ 2720
سازمانی خه‌باتی کوردستانی ئێران
پیرۆز بێ یادی ٣٥ ساڵەی دامەزراندنی رادیۆ دەنگی خەباتی کوردستان

لە ٣٠ی جۆزەردانی ساڵی ١٣٦٤ی كۆچی خۆری لە ئاکامی هەوڵ و ماندوبوونێكی زۆری رێبەرایەتی سازمانی خەبات ، رادیۆ دەنگی خەباتی كوردستانی دامەزراو دەستی بە بڵاوکردنەوەی بەرنامە ئەزمونیەکانی كرد. دەنگیک کە بە تەتەری خۆش خەبەری شەپۆلەکانی هەوادا گەیشتە گوێی هاونیشتماناینی تامەزرۆی دەنگی راستەقینەی خەبات و بەرخودانی کورد لە کوردستان دا. ئەو دەنگە هەر لە یەکەم ساتەکانی بیستنیەوە،  بوو بە نەوا و میلۆدی و مایەی حەسانەوەی وەرزێر و خویندکار و خاوەن پیشه‌ و گشت چین و تویژەکانی کوردەواری لە  بەشێکی بەرینی کوردستان و باقی ناوچە دورە دەستەکانی بندەستی رژیمی دژی ئازادی ئـاخــوانـدی لـە ئێران دا. دەست بە كار بوونی رادیۆ دەنگی خەباتی كوردستانی ئێران، لە هەلو مەرجێكدا بوو كە جوڵانەوی شۆڕشگێرانەی سیاسی و چەكداری خەڵكی كوردستان لە بەرانبەر هێزە داگیركەرەكانی دەسەڵاتی مڵهوری ویلایەتی فقیە دا، بە شێوەیێكی شێلگیرانە لە هەموو ناچەکانی کوردستانی ئێران چالاکانە لە ئارادا بوو. ئا لەو هەلومەرجەدا دەست بە كار بوونی رادیـــۆ دەنگی خەبات ی كوردستانی  ئێران بووبە هاندەرەێكی مەعنەوی گەورە بۆ خەڵكی كوردستان و رێبوارانی سازمانی خەبات و تێكرای تێكۆشەرانی رێگەی رزگاری.

دەنگی خەباتی كوردستان نە تەنیا بۆ هۆگران و رێبوارانی رێبازی سازمانی خەباتی كوردستان، بەڵكو بۆ تێكڕای ئەو تێكۆشەرە ئازادیخوازانەی لە خەبات و تیکۆشاندا بوون ، دەورێكی كاریگەر و گرینگی بینی کە  تا ئیستاش ئەوانەی لەو سەردەمەدا گوێیان لە بەرنامەكانی رادیۆ دەنگی خەبات رادەگرت، باس لە لایەنەكانی زمانەوانی كوردیی و بابەتی سیاسی و ئەدەبی و كۆمەڵایەتی ئەو بەرنامانە دەكەن و دەنگی خەباتی كوردستان بە یەكێك ‌لە رەسەنترن دەنگەکان و سەركــــەوتـــــوترین رادیــــــــــۆ كوردیەکان لەو سەردەمە دا ناو دەهێنن.

دەنگی خەباتی كوردستان جیاواز لە بەرنامەی سیاسی و ووتار و لێكدانەوی روداوەكانی رۆژانەو بڵاو كردنەوەی چالاكی پێشمەرگە قارەمانەكانی سازمانی خەبات، چەندین بەرنامەی هەمەرەنگ و بە كەڵكی هەبوو، وەك بەرنامەی گۆشەی پێشمەرگە كە بە سەرهاتی پێشمەرگە قارەمانەكان و رێنوینی كار كردن و بابەتی تایبەت بە پێشمەرگەی بە گوێی هۆگرانی دەگەیاند. هەروەها بەرنامەی خەبات و خەڵك كە بەرنامەیێكی تایبەت بوو بە بەشدرای هاونیشتمانیان لە خەبات و  تیکۆشان دا وشێوەكانی ئەو خەبات و پشتیوانیانەی  خەلک بۆ شۆڕش و شۆڕشگێڕانی نیشان دەدا و شرۆڤەی دەکردن. بەرنامەی وەڵامی نامەكان كە تایبەت بوو بە وه‌ڵامدانەوەی نامە و داخوازیەكانی گوێگران، و هەورەها بەرنامەی ئەدەبی كە بەرنامەیه‌کی حەوتوانەی پڕ بیسەر  بە ناوەرۆک و خاوەن گوێگری تامەزرۆی ئەدەبی کوردی بوو و هەروەها جندین بەرنامەی  تری  وەک ئایینی و کۆمەڵایەتی بە گوێی گوێگران و هاونیشتمانیان دەگەیاند. بێگومان رێبەرایەتی سازمان و كادرە تێكۆشەرەكانی دەنگی خـــەباتــی كــوردستـــــان دەوری سەرەكیان لە بەرێوە چوونی كاری دەنگی خەباتی كوردستان لـە ماوەی زیاتر لە سێ دەیە كار كردنیدا گێراوە. ئەو کادر و بەڕێوەبەر و بەر پرسانەی کە لەم دەستگایەدا بێ پسانەوە و ماندویی نەناسانە کاریان کردوە، هەر کام بە نۆرەی خۆیان لە راپەڕاندنی ئەرکە پێسپێردراوەکانیان دا بەو پەڕی ورد بینی و دڵگەرمیەوە لە پێناو خزمەت بە بواری راگەیاندن و زانیاری دان بە جەماوەر و خزمەت بە فەرهەنگ و ئەدەبیاتی نەتەوایەتیمان و پەرەپێدانی ئەدەبی شۆڕشگێڕی و ناساندنی بیر و باوەری کوردایەتی لەسەر رێبازی سازمانی خەبات دا، دڵسۆزانە لە هەوڵ و تیکۆشانی بێوچاندا بوون.

 لێرەدا جێگای خۆیەتیکە ئەوڕاستیە بخەینەوە ڕوو  کە دەور و هەوڵی لە رادەبەدەری  ماموستا سەیید جەلال حوسەینی دامەزرێنەری سازمان و، چەند كەس لە بەرپرسان و کادرانی ئەودەمی سازمان، دەوری سەرەكیان لە  دامەزراندن و بەرێوە چوونی سەركەوتوانەی رادیۆ دەنگی خەباتی کوردستان، دەنگی حەق بێژی خەباتگێڕانی خەباتی نەتەوایەتی و نیشتمانی و شۆرشگێری دا  گێراوە. لە یادی ٣٥ ساڵی ئەم رودیۆ یەدا پیرۆزبایی لە تیکڕای چین و توێژەکانی کوردەواری هۆگرانی ئەم دەنگە دەڵیین و هیوا دەخوازین کە لە سەردەمی ئێستا دا ئەم دەنگە بە شێوازی سەردەمیانە و پێشکەوتوانە، درێژە بە ئەرک و راسپاردەکانی خۆی بدا و بە پێی توانا خزمەت بە بواری ڕاگەیاندن و فەرهەنگ و ئەدەبیاتی رەسەنی کوردی بکا و لە گەیاندنی زانیاری بە سوود بە هۆگر و گوێگرانی و لە قاودانی پلان و بەرنامە شووم و ترۆریستیەکانی رژیمی ئاخوندی و نەیاران و دژمنانی نەتەوەکەمان هەروا لە کار و بەکار و دەنگ دلێر و بوێر بچێتە پێش.

 پیرۆزبێ  یاد و بیرەوەری  ٣٥ ساڵەی دامەزراندنی دەنگی خەباتی کوردستانی ئێران.

 ناوەندی راگەیاندنی سازمانی خەباتی کوردستانی ئێران

 ٣٠ی جۆزەردانی ١٣٩٩ کۆچی خۆری
ڕێکه‌وت: 2020-06-19 22:05:46
به‌شی ( به‌یاننامه‌کان )





دیمانه

سیاسی