له‌سه‌رهێل 33
شه‌ممه‌ 25 گه‌لاوێژ 2720
سازمانی خه‌باتی کوردستانی ئێران
سومەیە مەحموودی: وتیان ئافرەت دەبێ‌ منداڵداری بكات!!

نوێنەری شاری شەهڕەزا، دەڵێت؛ ویستمان ببینە ئەندامی دەستەی بەڕێوەری كۆمیسیۆن، بەڵام وتیان ئافرەت دەبێ‌ منداڵداری بكات!!.
سومەیە مەحموودی" نوێنەری شاری (شهرضا) ڕۆژی یەکشەممە ۱٦ی پوشپەڕ لە وتووێژێکدا وتی: سنوردارکردنی چالاکیەکانی ئافرەت تەنیا پێوەندی بەمەجلیسەوە نیە، ئافرەتان لە ئێران تەنانەت ناتوانن لە ئەزمونی بەڕێوەبەری کۆمیسیونەکانیش دا بەشداربن.
ناوبراو کە لە مەجلیسی دەیەمیش نوێنەری شاری شەهڕەزا بوو، لە هەڵوێستێک بە ئەندامانی دەستەی بەڕێوەبەری مەجلیس کە دژی بەشداری ئافرەتانن لە کۆمیسیۆنەکانی مەجلیس، وتی: ئەم شێوە سیاسەت و بیروبۆچونانە، دەگەڕێتەوە بۆ ئەو کەلتورە دواکەوتووەی كە لە مەجلیس دا هەیە، و داوای لە نوێنەرەکانی مەجلیس کرد کە پێش ئەوەی دەوڵەت بە تاوانبار بزانن، بۆچونی خۆیان بەنیسبەت ئافرەت و بنەماڵە بگۆڕن.
لە مەجلیسی یازدەیەمی ڕژیم دا حەڤدە نوێنەری ئافرەت بەشدارن، بەڵام وەك هەمیشە تەنیا بە ناوە، بەو ئەقڵیەت و تێڕوانینەی سەران و هەروەها ئەو یاساو بڕیارە دژە ئافرەتانەی دەسەڵات كە هەر لە بناغەوە بۆ ئافرەتانی لەنەزەر گرتووە، كەوایە بوونی ئافرەتان لە هەركام لە بەشەكان دا‌ تەنیا بۆ فریودانە و ناتوانن بۆ بەدەست هێنانی ماف و ویستەكانی خۆیان هەوڵ بدەن، و دەبێ ئەوانیش درێژەپێدەری یاسا و بڕیارە پیاو سالارەكانی ئەو ڕژیمە دواكەوتووە بن.


 


 


 
ڕێکه‌وت: 2020-07-07 08:55:30
به‌شی ( هه‌واڵی ئێران )





دیمانه

سیاسی