له‌سه‌رهێل 31
شه‌ممه‌ 25 گه‌لاوێژ 2720
سازمانی خه‌باتی کوردستانی ئێران
ڤایرۆسێکی مەترسیدارتر لە کۆڕۆنا

بەهۆی سیاسەتی دژە گەلی ڕژیمی ئاخوندی ئێران، خەڵكی ئەو وڵاتە لەئێستادا لەكۆڕۆنا ناترسن! بەهۆی زۆری و بەرزبوونەوەی ڕۆژانەی قەیران و نەهامەتیەكانی ئەو خەڵكە زوڵم لێكراوە.
ئەو كەسەی كە كارەكەی لەدەست داوە، ئەوەی كە پوڵی كڕینی دەرمانی نیە، ئەوەی كە بە برسیەتی دەخەوێ‌، ئەوەی كە نە ئەمنیەتی گیانی هەیە و نە ئەمنیەتی خۆراكی، كەواتە لەچی بترسێ‌؟!.
محەممەد عەلەوی بەرپرسی ناوەندی تەندروستی 30ی پوشپەڕی 99، دەڵێت: لەکاتێكدا دەرامەد زۆر کەمی کردووە و باقی شتەکانیش گران دەبن وەکوو کرێ خانوو، نرخی ئاو نرخی كارەبا، ئیتر پوڵێك نامێنێتەوە بۆ خێزانەكان كە بیانهەوێ‌ مەوادی خۆراكی بكڕن، لێرەدایە كە دەڵێین ئەمنیەتی خۆراكی نیە.
لەلایەكی ترەوە کرێکارانی ڕۆژكار دەڵێن 5 ڕۆژی مابوو بۆ مانگی خاکەلێوە واتە لەدوای ساڵی تازەوە ئێمە بێكارین، ئێستاش كە دەبینن لەم بەر و لەوبەری شەقامەکاندا کرێکار دانیشتوون و بێکارن.
ڕۆژنامەی ئێعتمادی ڕژیم نوسیویەتی: یەکەم ڕۆژی مانگی گەلاوێژی 99، لەدوای 40ساڵ دروشمی دادپەروەری کۆمەڵایەتی، 60ملیۆن کەس پێویستیان بە هاوکاری و یارمەتیدان هەیە، كەوایە لەو ساڵانەدا چیمان كردووە؟؟
لەلایەكی ترەوە هاووڵاتیەک دەڵێت ئەمە دەرئەنجامی 42ساڵ حکومڕانی ئەم ڕژیمە گەندەڵ و دز و مرۆڤ کوژەیە، لە چ شوێنێکی ئەم دونیایەدا منداڵێکی 5ساڵە مەجبورە کار بکات؟.
ئەمانەو بە دەیان و سەدان دیاردە و نەهامەتی و قەیرانی تاقەت پروكێن بەرۆكی خەڵكی ئەو وڵاتەی گرتووە و ژیانی لێكردوون بە دۆزەخ،
كەوایە خەڵكی ئەو وڵاتە خۆیان لەگەڵ ڤایرۆسێكی گەورەتر لە ڤایرۆسی كۆڕۆنا دەست و پەنجە لێدەدەن.
ڕێکه‌وت: 2020-07-25 09:38:55
به‌شی ( هه‌واڵی ئێران )





دیمانه

سیاسی