له‌سه‌رهێل 30
شه‌ممه‌ 25 گه‌لاوێژ 2720
سازمانی خه‌باتی کوردستانی ئێران
به‌ڕێوه‌چوونی ڕێوڕه‌سمی یادی ١٠ ساڵه‌ی کۆچی دوایی مامۆستا سه‌ید جه‌لال حسینی

رێورەسمی ٣٠ پووشپەر بەشێوەی ئۆنلاین بەرێوەچوو. رۆژی یەكشەممە ٥ی گەلاوێژی ١٣٩٩ بەرامبەر ٢٦ی مانگی ٧ی ٢٠٢٠، رێورەسمی ٣٠ پووشپەڕ یادی ١٠یەمین ساڵرۆژی كۆچی دوایی مامۆستا سەید جەلال حسەینی رێبەری نەتەوەیی كورد و دامەزرێنەری سازمانی خەباتی كوردستانی ئێران بە ئامادەبوونی بەرێز كاك بابەشێخ سكرتێری گشتی، ئەندامانی سەركردایەتی و كادر و پێشمەرگەكانی سازمانی خەبات و ژمارەیەكی بەرچاو لە دۆستان لە كوردستان و دەرەوە، بەشێوەی ئۆنلاین بەرێوەچوو.

 سەرەتای رێورەسمەكە بە دەقەیەك بێ دەنگی بۆ گیانی پاكی شەهیدان و سرودی ئەی مامۆستای شۆرش و خەبات دەستی پێ كرد. پاشان بە پارچە پەخشانێك لەلایەن بەرێز رێبواری حسەینی بەرێوەبەری بەرنامەكە كرایەوە. پاشان كاك بابەشێخی حسینی سكرتێری گشتی سازمانی خەبات بەبۆنەی ٣٠ی پووشپەڕەوە وتارێكی پێشكەش كرد. كاك بابەشێخ لە پەیامەكەی دا تیشكی خستە سەر ژیان و خەباتی مامۆستای نەمر و فەرمووی: مامۆستا كەسێكی نەترس و بوێر بووە لە ژیانی دا و ئەو خەسڵەتەی هەر لە هەڕەتی لاوەتیەوە رەنگدانەوەی لە ژیانی دا هەبووە و لە چەندین شوێنی حەساس و مەترسیداردا بەرەوڕووی زوڵم و ستەم بووتەوە و دیفاعی لە مەزڵووم كردوە.لە درێژەدا كاك بابەشێخ ئیشارەی بە وێزگەكانی ژیانی خەباتی و كوردایەتی پاك و بێگەردی مامۆستای نەمر كردو وتی: مامۆستا سەید جەلال رێبەری دڵسۆز و بە پەیمان، لە كۆمەڵەی ژێكافەوە پەیامی دا كە به‌رگیکاری نەتەوەكەی بێ و بەو پەری سەداقەتەوە بۆ خزمەتی نەتەوەی كورد و رزگاری خاكی پیرۆزی كوردستان كردوە. هەر لەسەر ئەو بروایەش لە دژی رژیمی شا خەباتی كرد و بە یەكەم چەخماخەكانی راپەرین لە كوردستان وەپێش جەماوەر كەوتوو و هانی خەڵكی كوردستانی بۆ یەكریزی و یەكیەتی لە پێناو هاتنەدیی ئامانجە نەتەوەییەكان دا. لە دوای رووخانی رژیمی پاشایەتی و هاتنەسەركاری ئاخوندان، مامۆستا هەر زوو لە ناوەرۆك و ماهیەتی ئاخوندان تێگەیشت و رایگەیاند ئەم ئاخوندە هەلپەرەستانە باوەڕیان بە پرسی نەتەوەیی و ئازادیەكان نیە و پێویستە كورد یەك دەست و هەموو پێكەوە بۆ هاتنەدیی مافەكانیان مقاومەت و خۆراگری بكەن و رێگە نەدەن ئاخوندان و دەستوپێوەندەكانیان ریزی خەڵكی كوردستان تێك بدەن.

 لە دوای فتوای خومەینی و هێرشی پاسدار و بەكرێگیراوانی ئەو دەسەڵاتە خۆسەپێنەش، مامۆستای نەمر باوەری وابوو كە دەبێ بەرگری لە خاك و نیشتمان بكرێ و بەرەنگاری زێدەخوازیەكانی ئەو دەسەڵاتە بێتەوە. كاك بابەشێخ لە درێژەی وتارەكەیدا فەرمووی: لەدوای ئەوەی رێز و بەرەی خەڵك بەسەر حیزب و لایەنەكاندا دابەش بوو، مامۆستا بۆ وەڵامی فتوای نارەوای خومەینی و ئاخوندان و بۆ ئەوەیش كە بیسەلمێنێ بزوتنەوەی كوردستان هەمووی چەپ و لائیك نیە، سازمانی خەباتی پێكهێناو سەركردایەتی ئەو سازمانەی لە تێكڕای هەوراز و نشێوەكان كرد و بە حیكمەت و لێزانی خۆی و لێبڕاوی لە پێناو نەتەوە و نیشتمان، سازمانی خەباتی لە دەیان تەنگ و چەڵەمە دەرباز كرد. مامۆستا سەید جەلالی حوسێنی مرۆڤی راستگۆ، دڵسۆز و سادق بوو، هەر بۆیە لە پێناو باوەرەكەی و سازمانی خەبات ئامادەبوو بەوپەڕی سەخاوەتەوە بە گیان و ماڵ نرخ بدات.

لە پاش وتارەكەی كاك بابەشێخ چەند پەیامێك كە بۆ رێورەسمی ٣٠ پووشپەڕ نێردرابوو خوێندرانەوە كە بریتی بوون لە:  

په‌یامی سازمانی موجاهیدینی خەڵكی ئێران.

په‌یامی مامۆستا عەبدوڵا حەسەنزادە

په‌یامی مامۆستا سەید رەئوفی حوسێنی

په‌یامی مەلا عومەری عەسری

په‌یامی كاك جەعفەری حامیدی

په‌یامی مامۆستایانی ئایینی لە ناوخۆی كوردستان

په‌یامی رێكخراوەكانی ئافرەتان و لاوانی خەباتی كوردستانی ئێران

په‌یامی هێزی پێشمەرگەی سازمانی خەبات

په‌یامی تەشكیلاتی ناوخۆی سازمانی خەبات
 پاشان كورتە فیلمێك لەسەر ژیان و خەباتی مامۆستای نەمر پێشكەش كرا. له‌و رێورەسمه‌دا چه‌ندان سرود و هۆنراوه‌ی تایبه‌ت به‌و یاده‌ پێشکه‌ش کرا.  ڕێوڕه‌سمه‌که‌ به‌ پەخشانێك لە ژێر ناوی  تۆ نەمردووی و نامری لەلایەن كاك رێبواری حوسێنی ئه‌ندامی ده‌فته‌ری سیاسی، كۆتایی پێهات.


ڕێکه‌وت: 2020-07-29 21:50:00
به‌شی ( چالاکیه‌کان )





دیمانه

سیاسی