له‌سه‌رهێل 34
شه‌ممه‌ 25 گه‌لاوێژ 2720
سازمانی خه‌باتی کوردستانی ئێران
داواکاری ڕێکخراوی لێبوردنی نێونەتەوەیی بۆ دابینكردنی پێداویستی دەرمانی بۆ زیندانیانی سیاسی ئافرەت

ڕێکخراوی لێبوردنی نێونەتەوەیی داواكاریەكی بەرز كردۆتەوە و تێیدا خوازیاری دابینكردنی پێداویستی دەرمانیە بۆ زیندانیانی سیاسی ئافرەت لە زیندانەكانی ئێران دا.
ڕێكخراوی لێبوردنی نێونەتەوەیی داوای لە کاربەدەستانی ڕژیم کردووە كە ڕێکاری پێویست بگرنە بەر بۆ چارەسەرکردنی نەخۆشی هەریەك لە نێرگس محەممەدی، زێنەب جەلالیان و سوهەیلا حیجاب.
تەقی ڕەحمانی، هاوسەری نێرگس محەممەدی باس لەوە دەکات کە شەش مانگە هاوسەرەکەی لەگەڵ چەند کەسی دیکە توشی نەخۆشی کۆڕۆنا بوون، بەڵام هەتا ئێستا هیچ چارەسەرێکیان بۆ نەکراوە و هیچ پێداویستیەکی بزیشکیش لە بەردەست دا نیە بۆ چارەسەری نەخۆشیەکەیان.
زێنەب جەلالیان، تووشی پەتای كۆڕۆنا بووەو لە ڕێكەوتی پێنجی پوشپەڕەوە لەزیندانی قەرچەك گواستراوەتەوە بۆ شوێنێكی نادیار.
هەروەها سۆهەیلا حیجاب، پارێزەری دادگا و چالاكی مەدەنی، لەزیندان دا توشی ڤایڕۆسی کۆڕۆنا بووە.
ڕێکه‌وت: 2020-07-30 10:01:06
به‌شی ( هه‌واڵی ئێران )





دیمانه

سیاسی