دیكۆر بوونی بەشداری ژنان، ئۆباڵەكەی وەئەستۆی رژێمە! رۆژنامەی حكومەتی جەوان (25ی خەزەڵوەر): بەشداریی شانۆیی ژنان لە مەجلیس لە زاری نوێنەرێكی ژن، چالاكێكی سیاسی ژن سەبارەت بە كاركردنی ژنان لەم دەورانەی دوایی مەجلیس دا گوتی: بەشداری و ئامادەبوونی ژنان لە مەجلیس بووەتە بەشداریەكی شانۆیی و دیكۆری و بەداخەوە ژنانی مەجلیس هیچ هەوڵێكیان بۆ گۆڕانی رەوشی ژنانی كۆمەڵگە نەداوە.

ئەو دیانپێدانانە لەگەڵ ئیعترافی زەهرا تەبیبزادە ئەندامی مەجلیسی رژێم كە وتبووی" فراكسیۆنی پێشووی ژنان چ هەنگاوێكیان ناوە كە لاوانی كەم تەمەنی مەجلیسی دەیەم ئەنجامی بدەن؟ دەسمایەی ئەو كەسانە سفر و هیچە و ئەمانە چوارساڵی دیكەش لە مەجلیسدا بن ناتوانن كارێك ئەنجام بدەن" (هەمان شەرچاوە) وێنەیەكی روون لە شكستی رژێم، لە شانۆی "مافی ژنان" لە نیزامی ویلایەتی فەقیەدا نیشان دەدا.

سیستەمێك كە دامەزرێنەرەكەی خومەینی مێشك ووشكە هۆشی ئەوەی هەبوو كە وا قسە بكات كە ژنان بە مافی خۆیان نەگەن. بۆ وێنە گوتوویەتی: ژن مافی ئەوەی نیە كە لە كۆمەڵگەیەكی ئیسلامی لە پلەیەكی خوارتر لەوەی هەیە خوارتر بێ وە نە پیاویش مافی ئەوەی هەیە وا بیر بكاتەوە" (تبیان، ج 8، چاپی یەكەم).

یان دەڵێ: ئەو تەبلیغە كە "ئەگەر ئیسلام سەری هەڵدا ئیتر ژنان دەبێ برۆنە ماڵەوە دانیشن و قوفڵێك لە درگاكەی بدان و نەیەتە دەر" ئەوە قسەیەكی هەڵەیە كە دەخرێتە پاڵ ئیسلام. لە سەرەتای ئیسلامدا ژنان لە ریزی سپاشدا بوون، دەچوونە مەیدانەكانی شەڕ، (صحیفەی نور، بەرگی 4). بەڵام هەر كە خومەینی بە دەسەڵات گەیشت، ئەگەر و مەگەرەكانی سەبارەت بە مافی ژنان دەستی پێ كرد: ژنانیش بە قەد پیاوان لە سیاسەتدا بەرپرسایەتی هەیە وە دەبێ دەوری هەبێ بەڵام بە پاراستنی شەئنی خۆی. وە هەر زوو لە كردەوەدا ئاشكرا بوو كە مەبەستی لە شەئن هەمان بنەماكانی بیرۆكەی دواكەوتوانەی ناوبراو بوو. لەو بیركردنەوانە " ئەقڵیان نیوەی پیاوانە، بە قەد نیوەی پیاو میراتی بەردەكەوێ، وە شاهیدی دوو ژن بەرابەری شاهیدی پیاوێكە. وە ئەوەی كە ژن ناتوانێ‌ ببێتە دادوەر و... وە لەمرۆژانەدا باس لە مافی ژنان لە سیستەمی ویلایەتی فەقیە لە رێگەی مۆرەكانی ئەو رژێمە لە مەجلیس دەكرێ. یەكیان دانیپێداناوە كە بەشداریان دیكۆریە و یەكێكی دیكە بە ئیشارە بە یەكێك لە ژنانی باندی رەفسەنجانی لە مەجلیس، گوتوویەتی كە ئەو بەشداریە بەشی باندەو بۆ دزی كردنە: كەسێك لەو بروایەدا بێ لە سفرەی ئینقلاب بەشی خۆی هەڵگرتووە، چۆن دەتوانێ‌ كارێك بۆ ژنان بكات؟ (زەهرا تەبیبزادە، رۆژنامەی حكومەتی جەوان 23ی خەزەڵوەر). ناوبراو ئیشارەی بە فاتیمە حوسێنی ئەندامیمەجلیسی رژێم كردوە كە 13ی پووشپەڕی 95 لە مەجلیس بۆ دیفاع لە دزی و گەندەڵی هاوژین و باوكی گوتبووی: لە سفرەی ئینقلاب بەشی خۆیان هەڵگرتووە.

هەر چەند دەبێ ئەو راستیەش بڵەین كە ژنانی سەر بە رژێم و باندەكانی حكومەت جوێ لە مافی ئازادی هەڵگرتن لە سفرەی ئینقلاب، ئازادی ئەندامەتی لە تاقم و دەستەی كە وەك خەڵك دەڵێن كچانی مەعاویە "دختران معاویە" و هاوكاری لەگەڵ لاجوەردی جەلاد و ژنانی بازجوو وە كۆمیتەچی و گەشتی ئیرشاد هەر لە سەرەتای بەدەسەڵات گەیشتنی خومەینیەوە هەبووەو هەیە. بەڵام كێشەیەك كە هەر لە سەرەتاوە ئێخەی رژێمی گرتووە چۆنیەتی هەڵسوكەوت كردن لەگەڵ وزە و توانای گەورە و ئازاد كراوی ژنانە كە یەكەم ناڕەزایەتی بە مەسەلەی حیجابی زۆرە ملێ لەلایەن ئەوانەوە بەرێوەچوو وە ئەو كێشەیە تا ئێستاش ئێخەی ئەو رژێمەی گرتووە كە ئاخوند رەفسەنجانیش ناوێرێ توخنی ئەو مەسەلە كە پەسەندی گشتیە "پشتیوانی لە مافی ژنان" بكەوێ و دەڵێ: لە مەجلیسی خوبرەكان كە قانوونی ویلایەت نوسرا بە تایبەتی وشەی "پیاوی سیاسی" یان بە لێڵی نووسی چونكە نەیاندەویست ژن بێتە سەرۆك كۆمار. لە ماوەی نزیك بە 4 دەیە دەسەڵاتداری ئاخوندان  نەتەنیا رەفسەنجانی بەڵكوو باقی بانەكانی دیكە كە نان بەنرخی رۆژ دەخۆن نەیاتوانیوە ئەو لێڵیە لە قانوونی بنەڕەتی رژێمدا چارەسەر بكەن. كەواكەبیان ئەندامی مەجلیسی رژێم دەڵێ: لە مەجلیسی هەشتەمدا ئەو مەسەلە "پیاوی سیاسی" بەراورد و لێكدانەوەی بۆ كرا و من دارێژەری ئەو باسە بووم و زۆرمان قسە لەسەر كرد. بەڵام شۆرای چاودێری رەشنووس و بەرنامەكەی ئێمەی رەد كردەوەو ناردی بۆ كۆڕی لێكدانەوەی قازانجەكانی نیزام و ئەوە 6 ساڵە لەوێ خۆڵی لێدەنیشێ (رۆژنامەی حكومەتی شەرق 23ی خەزەڵوەری 95).

لەم رۆژانەشدا كە وەلی فەقیهی رژیّم لە ژێر فشاری شەرت و مەرجەكانی "مافی مرۆڤ"ی شۆرای ئوروپا بە مەبەستی شل كردنی تەنافی ئابڵوقەكان لە ملی نیزام، بەبێ نیشاندانی دەرگای باخی سەرسەوز، بە خوبرەگانی گوت "پیاوی سیاسی" روون بكەنەوە وە جۆرێك گوتی كە "ئێلی حیلە"ی وەك رەفسەنجانی ححاڵی بوو كە هێشتا كاتی نەهاتووە خۆی بگەیەنێتە سەر سفرەی "ماف و ئازادیەكانی ژنان". ناوبراو وەك پیشەی ساڵانەی ئاخوندان كاتێ لە بەرامبەر پرسیاری هۆی رێگە نەدان بە ژنان لە بەرێوەبردن دا، یەكەم كێشە دەباتەوە سەر  خەڵك و كۆمەڵگە و دەڵێ: ئەو بەربەستانە پێوەندە بە فەرهەنگەوە هەیە و خانەوادە ئێرانیەكان هەر لە كۆنەوە ئاوا بوون و هۆیەكی دیكە پێوەندی بە بێ باوەڕی و كەلتوور و رەوشتی كۆمەڵگەوە هەیە (رۆژنامەی حكومەتی ئارمان 24ی خەزەڵوەر). دوای ئەوەش ئیشارە بە كاری زۆر گرینگ و دەست و پێگیری ژنان یانی منداڵداری و كاری ناوماڵ و بە كورتی لە بەردەردەچێ و خۆی لە كوچەی عەلی چەپ دەدا و دوای ئەوە باس لە تواناكانی خانمی كلینتۆن و چینی خوێندەواری خانمان دەكاو دەڵێ: مەسەلەی گرینگ بە بۆچوونی من ئەوەیە كە ئەو جۆرەی كە ئێمە سیاسەتە گشتیەكانی بەندی 44 مان چاك كرد، وەڵات دەبوو رەقابەتی بێ و حكومەت لە كارە ئابووریەكاندا نابێ بەشداری بكات!.

ئەو لەبەر دەرچوونەی رەفسەنجانی بێ هۆ نیە، ئەو كە بەراستی سەرۆكی كۆڕی لێكدانەوەی قازانجەكانی رژێمە، ئاگای لەوەیە كە كەشتی نیزام كون نەبێ، بە دروستی پەیامی خۆراگری ژنانی قارەمانی ئێرانی وەرگرتووە. هەر ئەم رۆژانە پەیامی ژنانی سیاسی كە بەندكراون تا ژنانی فەرهەنگی و كارمەند و كرێكار كە لە ریزی پێشەوەی نارەزایەتی لە رژێمن بە دروستی وەرگرتووەو دەزانێ‌ كە ئەگەر بچووكترین دەرفەت بدات ئەوە تێكڕای دەزگای سەركوتگەری رژێم شەق دەباو دادەروخێ. هەر بۆ ئەوەیە هەم خۆی و هەم وەلی فەقیهی رژێم لەسەر مانەوە لە سەر كرداری سەركوتگەرانە هاوڕان. دەنا خامنەیی بەر دەوام بەو لایەنانەی چاویان بریوەتە رەفسەنجانی، ئیشارە دەدا كە "وتووێژەكان بە فەرمانی من دەستی پێ كرد، دەیزانی بە حوكمێكی حكومەتی دڵی لایەنگرانی رێكەوتن فێنك كاتەوە، بەڵام ئامادە نیە لە مەسەلەی مافی ژناندا هەنگاوێك لە بیری ووشكی پاشەكشە بكات. ناوبراو بە باشی دەزانێ‌ توندوتۆڵ كردنی دەزگای سەركوت كە لە بنەڕەتدا لەسەر دژایەتی ژنان راوەستاوەو ئامادەیە نرخی زۆریشی بۆ بدات چوونكە دەزانێ‌ مانای قەترەیەك ئازادی و هەنگاوێك پاشەكشە چیە. هەر بۆیە بەو بەشداریە شانۆگەری و دیكۆریەی ژنان بەسەندە دەكات.
ڕێکه‌و 2016-11-17 09:21:19
به‌شی ( وتاری کۆمه‌ڵایه‌تی )







سیاسی