وریایی كارناسان: گۆلی ورمێ نزیك بۆتەوە لە قۆناغێكی مەترسیدار






 رۆژی دووشەممە 23ی رەشەمەی 95 محەمەد ئیسماعیل سەعید ئەندامی مەجلیسی رژێم گوتی: گۆلی ورمێ نزیك بۆتەوە لە قۆناغێكی مەترسیدار و بەشێكی بەرچاو لە گۆلی ورمێ وشك بووە و هەڵگرتنی خوێ و هاتووچۆی بارهەڵگرەكان بۆتە هۆی دروست بوونی تەپوتۆزی خوێ.


بەوتەی محەمەد ئیسماعیل سەعید لە سەرەتای ساڵی 1395 تا رۆژی یەكی رەشەمە لە بەشی ئاو و ئاوەرۆوە هیچ بوجەیەك بۆ ئەو پارێزگایە لەبەرچاو نەگیراوە، هەتا كۆكردنەوەو پاڵاوتەكردنی ئاوەرۆی شارەكانی دەورووبەری ورمێ كە بۆ ژیانەوەی ئەو گۆلە پێویستە، ئەنجام بدرێ.


ئەو ئەندامەی مەجلیسی رژێم ئیشارەی بەوە دا كە لە تەورێز لە چركەیەكدا نزیك بە 4 میتری چوارگۆشە ئاوەرۆ بە فیرۆدەدرێ، زیادی كرد: دەكرێ بە رێكخستن و پاڵاوتنی ئاوەرۆكان، ئاوی پێویست بۆ گۆلی ورمێ یان بیرەكانی ئاو دابین بكرێ.


بەكارهێنانی ئاوەرۆكان بە مەبەستی رێگەگرتن لە زیادەرەوی لە بەكارهێنانی ئاوی ژێرزەوی لە كەرتی كشت و كاڵ دایە.


هاوكات نادری قازی پوور، نوێنەری مەجلیسی رژێم سەبارەت بە بەردانەوەی 50 لەسەدی زێرابی پاڵاوتە نەكراو بە گۆلی ورمێ وریایی دا و رەخنەی لە بەكارهێنانی رۆژانە 500 بارهەڵگر خوێ لەو گۆلە گرت.


بەپێی گوتەی ئەو ئەندامەی مەجلیسی رژێم تەنیا 50 لەسەد ئاوەرۆ و زێرابی ورمێ پاڵاوتەكراو باقیەكەی بەبێ پاڵاوتەكران دەرژێتە گۆلی ورمێوە. 


 
ڕێکه‌و 2017-03-15 08:17:07
به‌شی ( هه‌واڵی کوردستان )







سیاسی