بەڵگەنامەی 2030ی یونسكۆ و نێوەرۆكی رژێمی دیكتاتۆری ئاخوندی!

 رۆژی یەكشەممە 17ی بانەمەر، خامنەیی لە ژێر ناوی دیدار لەگەڵ موعەلیمان دەركەوت و سەبارەت بەڵگەنامەی ناسراو بە 2030ی یونسكۆ وتی: ئەو بەڵگەنامە و هاوشێوەكانی، شتێك نین كە كۆماری ئیسلامی پێ ملیان بێ، و واژۆی ئەو بەڵگەو جێبەجێ كردنی بە بێ دەنگی رێگەپێدراو نیە و ئەوەش بە دەزگا پێوەندیدارەكان راگەیەندراوە. لە دوای ئەو قسانە هێرشەكانی خامنەیی بەهۆی ئیمزای ئەو بەڵگەنامەیە دەستی پێ كرد و بەردەوامە، بۆ وێنە رۆژی چوارشەممە 20ی بانەمەڕ هەواڵدەری حكومەتی مێهر هەواڵی نامەی  10 نوێنەری مەجلیسی رژێمی بڵاو كردەوە كە تیایدا هاتووە: 10 نوێنەری مەجلیس لە نامەیەك دا بۆ هەیئەتی سەرۆكایەتی مەجلیسی شۆرای ئیسلامی، خوازیاری وەڵامدانەوەی سەرۆك كۆمار و هەیئەتی دەوڵەت بە هۆی واژۆ و جێبەجێ كردنی بەڵگەنامەی 2030ی یونسكۆ بوون.

هەروەها كچكی زادە ئەندامی  مەجلیسی ئاخوندان 20ی بانەمەڕ وتی: نوێنەرانی مەجلیس ماددەی 236 یان واژۆ كرد كە ئەورۆ رادەگەیەندرێ و بە پێی ئەو ماددەیە راپۆرتێك سەبارەت بە شێوەی ئامادەكردنی بەڵگەنامەی پەروەردەی 2030ی كۆدەكرێتەوە بۆ ئەوەی دەركەوێ كە بۆچی دەوڵەت ئەو بەڵگەنامەی یونسكۆی تەئید و رایگەیاند و وەزیری پەروەردە و بارهێنان خستیە بەرنامەی كاری خۆیەوە.

سەیر ئەوەیە كە ئەو كاردانەوانە لە كاتێكدایە كە هەموویان دەزانن واژۆكردنی ئەو بەڵگەنامە لەلایەن دەوڵ‌تی رۆحانی تەنیا بۆ ژێستێكی پۆچ و بێ ناوەرۆك و فریوكارانەیە و هیچ هەنگاوێك لە راستای جێبەجێ كردن هەڵنەگیراوەو هەڵناگیرێ. بەو حاڵەش باندی خامنەیی بۆ شەری هەڵبژاردن بەردەوامن لەو هێرشانە و لەم بگرە و بەردانەشدا بێگوومان ناوەرۆكی سیستەمی ئاخوندان و هۆی ناڕەزایەتی بەو بەڵگەنامەیە روون دەبێتەوە. بۆ وێنە رۆژی سێ شەممە 19ی بانەمەڕی 96 رۆژنامەی حكومەتی ریسالەت ئورگانی باندی موتەلیفە نووسی: 2030 یان نفوز لە پەروەردە و بارهێنان؟! رێكخراوی نەتەوەكان، "پەرەپێدانی بەردەوام"ی وەك ئامانجێكی بنەڕەتی لە دەستووری كاری خۆی داناوە لەوانە ئامانجی پێنجەمیان بەرابەری رەگەزی و نۆ دادپەروەری رەگەزیە. یانی "پەروەردەو فێربوونی هەتاهەتایی بە شێوەی بەرابەر و بەربڵاو بۆ هەمووان.

بەڵێ‌ بەرابەری ژن و پیاو و رژێم وەك شەیتان و بیسم اللە وایە و دیارە كە ناوەكەیشیان بۆ قەبووڵ ناكری. ئاخوندێكی دیكە بە نای رەشاد كە ئەندامی شۆرای دژە فەرهەنگی رژێمە چوارچەممە 20ی بانەمەر بە تەئكید لەسەر جیاوازی ژن و پیاو و نابەرابەری مافی ئەوان وتی: بەڵگەنامەی 2030ی بیرهێنەرەوەی رێكەوتنەكانی سەردەمی قاجار و پەهلەوین. لە هەندێ لە خاڵەكانی ئەو بەڵگەنامەدا بە ئاشكرا بنەمای جیاوازیە رەگەزیەكان فەرامۆش دەكرێ. لە كاتێكدا لە روانگەی ئێمەوە جیاوازی ژن و پیاو جیاوازیەگەلێكیان هەیە و مافەكانیان لە پێی ئەو جیاوازیانە رێكخراوە. لە بەڵگەنامەدا پێداگری كراوەتەوە كە دەوری سەرەكی وەك دایكبوون بە سەر ژنان دا نەسەپێندرێ! سرینەوەی جیاوازی رەگەزی لە ناوەندەكانی پەروەردە و فێركردن یەكێكی دیكە لە خاڵەكانی ئەو بەڵگەنامەیە، بێگانەكان پێداگری لەسەر ئەوە دەكەنەوە كە كلاسەكانی خوێندن لە قوتابخانەكان بە شێوەی تێكەڵاو بەرێوەبچێ!.

هاوشێوەی ئەو قسانە بۆ پێداگری لەسەر نابەرابەری ژن و پیاو و تەئكیدكردنەوە لەسەر باڵادەستی پیاو بەسەر ژندا كە لە بنەماكانی سیستەمی ئاخوندی دژە ژنە لەلایەن باقی مۆرەكانی دەسەڵاتی ئاخوندانەوە دووبارە كراوەتەوە كە چەند نمونەیەك دەخەینە روو: 

ئاخوند نكونام نوێنەری خامنەیی لە شاری كورد 20ی بانەمەڕی1396: ئەرۆ لەگەڵ دژایەتی ئیسلام لە ناوخۆ و درەوەی وەڵات بەرەوڕووین و بەڵگەنامەی 2030ی یەكێك لەو بەڵگەنامانەیە كە لە ناوەرۆكدا دژە دین و مەترسیدارە.

فاتیمە ئالیا لە باندی خامنەیی 20ی بانەمەڕی 96: جێبەجێ كردنی بەڵگەنامەی 2030ی بۆ وەڵاتەكەمان ئاكامی خراپی دەبێ و بەرپرسان بە جێبەجێ كردنی ئەو بەڵگەنامە بەبێ ئاگاداری مەجلیس تووشی تاوان بوون.

ئاخوند نوری هەمەدانی 20ی بانەمەر: حەوزەی عیلمیە نابێ لەبەرامبەر بەڵگەنامەی 2030دا بێ دەنگ بێ. لە سەردێرەكانی ئەو بەڵگەنامەدا هاتووە جیهاد و ئەمر بەچاكە و نەهی لە خراپە نابێ بێ و خەڵك ئازاد بن. دەوڵەت ئەو بەڵگەنامەی گرتووەو واژۆی كردوە بەبێ ئەوەی ئاشكرای بكات و مەجلیس لەبارەیەوە رای خۆی بدات، لە كاتێكدا ئەو بەڵگەنامەیە لەگەڵ كەلتوور، مەزهەب، دین و قورئاندا نایەتەوە.

بەڵام ترس لە ناوی بەرابەری ژن و پیاو تەنیا یەك هۆی ئەو كاردانەوە بەربڵاوەیە. هۆیەكی دیكە نیگەرانیەكان لەوەیە كە ئەگەر جێبەجێ كردنی ئەو بەڵگەنامەی رێكخراوی نەتەوە یەكگرتووەكان بێتە بریار، رژێم دەبێ پەروەردەی سەربازی بەناوی بەسیجی قوتابیان (دانش آموزی)یش هەڵگرێ. 

هەواڵدەری فارس "بەسیجی مامۆستایان و نوخبەكانی حەوزە: رۆژئاوا بە دوای وەلا نانی هەموو شێوە فێربوونێك، نموودەكان و مەیدانی بەرەنگاری لەگەڵ ئیستعمار و حەتا دیفاعی سەربازیە. لەو روانگەوە بە وەلانانی توندوتیژی بە دوای هەڵگرتنی پەروەردەی جیهاد لە ئیسلام، پەروەردەی نیزامی و وەلانانی بەسیجی دانش ئاموزین و خوێندكارین.

ئەو مەسەلە دوو راستی بە باشی روون كردەوە. یەكێك ناوەرۆكی دیكتاتۆریەت لە رژیمەدایە كە دەوڵەت و ناوەندە جیاجیاكان تیایدا بێ دەسەڵاتن! دەوڵەت و وەزارەتی پەروەردە و بارهێنان بەڵگەنامەیەكی نێ,نەتەوەییان واژۆ كردوە كە جێبەجێ كردنی ئیجباری نیە، بەڵام وەلی فەقیهی دێتەپێش و مێزەكەیان هەڵدەگێرێتەوە.

دووهەم ناوەرۆكی دواكەوتوو سەدە نێ,ەراستی ئەو رژێمە كە لەگەڵ هیچ رێسایەكی نێونەتەوەیی ناسازێ و نایەتەوە و بە ئاشكراش دەریدەبرێ.

 
ڕێکه‌و 2017-05-11 00:20:31
به‌شی ( سیاسی )







سیاسی