بەهۆی هەژاریەوە دوو کۆڵبەری بریندار لە نەخۆشخانەی ورمێ بێ چارەسەر راگیران

 بە پێی هەواڵەكان، لە نەخۆشخانەی خومەینی شاری ورمێ دوو کۆڵبەری خەڵکی سەردەشت کە بە تەقەی هێزە سەركوتگەرەكانی رژێم بە خەستی بریندار كرابوون، بەهۆی هەژاری و دەستكورتیەوە  لە دۆخێكی ناڵەباردا دەبەنە سەر.

یەكێك لەو کۆڵبەرانە ناوی بەهمەن تەوفیقی  خەڵکی  گاکێی ئالانە کە رۆژی ١٥ی ڕەشەممەی ٩٥ی هەتاوی دەکەوێتە بەر دەستڕێژی هێزە سەركوتگەرەكانی رژێم لە سەرسنوور و بەتوندی بریندار دەبێ. ناوبراو لەوکاتەوە لە نەخۆشخانەی ورمێ لە دۆخێکی نالەباردا بەسەر دەبا و بە هۆی زۆر بوونی خەرجی و تێچووی چارەسەر و نەبوونی بیمەی کۆمەڵایەتی لە نەخۆشخانە ماوەتەوە.

هەروەها کۆڵبەرێکی دیکە بەناوی عوسمان ئەحمەدی خەڵکی گوندێ دۆڵێ دوای برینداربوونی دەست و لاقێكی لەدەست داوەو هەر لەو نەخۆشخانەیە ڕاگیراوە

بنەماڵەکەشی بە ناچاری لە شاری ورمێ بوونەتە کرێچی بۆ ئەوەی لە نزیکەوە ئاگایان لە کوڕەکەیان بێت.

زۆری تێچووی نەخوشخانە لە لایەک و دەسکورتی  ماڵی بووتە هۆی گرفت وئازاری زیاتری ئەو بنەماڵە.
ڕێکه‌و 2017-05-11 23:35:18
به‌شی ( هه‌واڵی کوردستان )







سیاسی