دیبەیتی سێهەمی پاڵێوراوانی شانۆی هەڵبژاردنەكانی سەرۆك كۆماری رژێم

 رۆژی هەینی 22ی بانەمەڕ، سێهەمین دیبەتی گاڵتەجارانەی شانۆی هەڵبژاردنی سەرۆك كۆماری رژێم "كێ وەڵامدەرەوەی گەندەڵی و قاچاخی بەربڵاوە؟" بەرێوەچوو.


سەرەتا راگەیەندراوی كومسیۆنی چاودێری پروپاگەندەی هەڵبژاردنی سەرۆك كۆماری رژێم خوێندرایەوە، كە تیایدا خەت و نیشان بۆ پاڵێوراوانی ئەو شانۆگەریە دانراوو وریاییان پێ درابو كە گەر بێت و بەپێی تێگەیشتنی كومسیۆن پاڵێوراوان دژ بە یەك بێ رێزی بكەن بە پێی قانوون سزا دەدرێن.


سەرەتا ئیسحاق جەهانگیری قسەكانی خۆی بە هێرش بۆ سەر رەئیسی و قالیباف دەست پێ كرد و وتی: بە دڵنیاییەوە یەكێك لە گرینگترین سیاسەتێك كە لە ئابووری مقاومەتی دا سەرنجی دراوەتێ بابەتی وەرێ خستنی وەبەرهێنانی ناوخۆیە. وەبەرهێ،انی ناوخۆ لە دوو سێ باردا زیان دەبینێ یەكێك لە دیارترینەكان قاچاخی كەل و پەلە، ئەوەش هەمیشە لەلایەن كەسانێكەوە ئەنجام دەدرێ كە دەیانەوێ لەو رێگەوە زیان بە وەبەرهێنانی ناوخۆ بگەیەنن رانتەكان بەكار دێنن و دەرفەتێكە كە رانتجۆكان هەوڵ دەدەن ئابووری وەلات لە رێی راستی خۆی لابدا. لە رابردوودا بەداخەوە قاچاخی كەل و پەل زۆر پەرەی سەندووە بەشێ,ەیەك كە كاتێك دەوڵەتمان وەرگرت، رێژەی قاچاخی كەل و پەل بەپێی ئەو لێكۆڵینەوانەی راگەیەندرا، نزیك بە 25 میلیارد دولار بوو....


ئەوەی گرینگە لە زەمەنێكدا بابەتەكانی وەڵات بەرەو دروشمدان رۆیشت و بە جێی ئەوەی چارەسەری بنەڕەتی بكرێ دروشم درا، گەندەڵی و قاچاخ زیادی كرد. ئابووری وەلات بەرەو هەڵدێر و لەناوچوون چوو، سیاسەتی دەرەوە بەرەو ملبەملە چوو، نوێنەران هەر بەو بیركرنەوەو شێوانە لە مەیداندان و دەیانەوێ بەرەوڕوو ببنەوە، خەڵك دەبێ وردبنەوە ئەو قسانەی پاڵیوراوەكان دەیكەن چەندی راستن و چەندی بۆ فریودانە.


پاڵێوراوان دەبێ بەرنامەی خۆیان رابگەیێنن بەداخەوە تا ئێستا بەرنامەیەك دیار نیە. ێ‌قای رەییسی هێشتا مانگێكە هێشتا بریارم نەداوە و دەمەوێ لە خزمەت ئیمام رەزادا بم، جاری پێشوو جزوەیەكی نیشان داو و گوتی 6 مانگە كاری لە سەر كراوە نازانین چیە؟ داوا دەكەم پاڵێوراوان لە رابردووی خۆیان نەترسن رابردووی خۆیان بە خەڵك بڵێن، بڵێن كە ئێمە ئەو بەرپرسایەتیانەمان هەبووە، لە هێزی ئینیزامی دا بووین و ئەو كارە گرینگانەمان كردوە لە دەزگای قەزایی بووین و لەگەڵ قاچاخ و گەندەڵی دا ئاوا جووڵاوینەوە.


كەسێك كە زۆرترین پێشوونەی لە دەزگای قەزایی دا هەیە دەبێ وەڵامدەرەوەی هەڵسووكەوتی سی و چەند ساڵی ئەو دەزگایە بێ ئاقای رەییسیە. یەكێك لە گرینگترین بەرپرسایەتیەكانی دەزگای قەزایی بەرەنگاربوونەوەی گەندەڵی و قاچاخ بووە. ئەگەر لاوازییك هەبووە دەبێ وەڵامدەرەوە بن. ئاقای قالیباف ماوەیەكی زۆر بەرپرسی ناوەندی بەرنگاربوونەوەی قاچاخی كەل و پەل و ئەرز بووە دەبێ وەڵامدەرەوە بێ.


دیاپێدانان بە مووچە و ئیمتیازە میلاردیەكان لە دەوڵەتی ئاخوند رۆحانی دا


ئاخوند رەییسی لە وەڵامی جەهانگیری دا گوتی: فەرمویان قاچاخی كەل و پەل لە كوێ بەرهەم دەهێندرێ، ئەورۆ 18 ملیارد ئێستا ئەوان وتیان 12 ملیارد قاچاخی كەل و پەل دەكرێ دەزگای بەرێوەبەری خەریكە پەروەندە ساز دەكا خاڵی گرینگ ئەوەیە دەوڵەت دەتوانێ پێش بە بابەتی قاچاخی كالا بگرێ؟


بەڵێ دەوڵەتێك كە بەرپرسەكانی لە بەشی تایبەتی بن و لەلایەكی دیكە كاری دەوڵەتی بكەن ئەو مەسەلە ناتوانێ‌ سەربكەوێ.


پاسدار قالیبافیش بە توندی هێرشی كردە سەر جەهانگیری و وتی: ئاغای جەهانگیری ئێمە ئەگەر باسی 4 لەسەدی دەڵەین بەو هۆیەیە كە بۆچی بەرەنگاری كەل و پەلی قاچاخ ناكرێ، یەكەم مەرجی بەرەنگاری پێشگرتنە.


كاتێ لە حكومەتێكدا هەندێ لە ئەندامان و بەرێوەبەرانی كە ئابووری لە دەستیان دایە لە كاتێكدا كرێكارێك حەقدەستەكەی 800 هەزار تمەنە و لەم دواییانەدا كەمێ زیادی كردوە، مافەكانی وەك پێویست نیە و كەمە بەڵام وەزیرانی ئەوێ دەبنە داهێنەری موچەی نجومی وەك جەنابت كە لەو كاتەی كە وەزیرن پاداشی چەند ملیاری پەسەند دەكەن بۆ خۆتان و بە هاوكارەكانیشتان دەدەن. چۆن چاوەروانی لەوانە دەكرێ كە پێش بە قاچاخی كەل و پەل گرن؟ هەر لەو حەوتووەی راردوودا وەزیرێك كە كاری فەرهەنگ دەكا هاوردەی ناقانوونی دەكا ئێوە دەتوانن پێش بە قاچاخ بگرن؟ ئەركی ئێوەیە كە یەكەم پێشگیری بكەن. ئاقایانی رۆحانی و جەهانگیری كاتێك ئێوە ناتوانن ئاسایشی پووڵی هەلگیراوی هەژاران وەك "كاسپین"، میزان و زۆرێك لە سەندوقەكان دابین بكەن، دەتانەوێ سەرمایە هاوردە بكەن و ئاسایشیشی بۆ دابین بكەن؟


كاتێك ئێوە لە مەسكەنی مێهر ئەو كێشەتان هەیە لەبەر ئەوەیە وەزیرانی ئێوە خەریكی كاری تیجارین و كاری تایبەتی خۆیان دەكەن. كاتێك ئێوە كەسێك دادەنێن بۆ ئەوەی بەرێوەبەری بانك دیاری بكات و دەچێ زیاتر لە 400 ملیارد تمەن بەبێ هیچ رێكارێكی عادی دەنێرێتە حیسابێكی دیكە، سروشتیە قاچاخی كەل و پەل ئەنجام دەدەرێ، پێشگرتن ئەركی ئێوەیە؟


میرسەلیمیش هێرشی كردە سەر جەهانگیری و گوتی: فەرمون لە سەرەتای ئەو ساڵەوە ەرپرسانی گومركی ئێوە دەزانن كە كەل و پەل هەیە دەتوانین لە رێگەی ئەوانەوە بزانین كە كاری قاچاخ دەكرێ ئەو چوار ساڵە لە خەودا بوون  ئێستا هەستان پێ كرد؟ ئەوە چ جۆرە چاودێریەكە ئێوە دەیكەن؟ 4 ساڵە كەل و پەل بە قاچاخ هاوردە دەكرێ كاریگەری مەترسیداری هەیە ئێستا هاتووی و دەلەی ئەوانی دیكە بەرنامە بدەن. ئێوە بۆ پێ و شوێنی دارایی چ رێكارێك پێشنیار دەكەن چۆن دەتوانن بەر بە قاچاخ بگرن؟


چەندە باوەرتان راست و دروستی ئەو 12 ملیاردە هەیە، چۆن پێوشوێنی ئەو كەل و پەلە قاچاخانە دەگرن كە هاوردە دەكرێن كە بۆ كوێ دەبرێن؟


لە وەڵامی ئەو هێرشانەدا جەهانگیری وتی: ئاقای قالیباف مولكی خەڵكتان چی لێ كرد 2200 ملیار تمەن موڵكی وەلاتان بەخشیوە وتان كە بە 20 ساڵ پووڵەكەی بدەن.


پۆچی ئەو كەستان زیندانی كرد كە ئاشكرای كرد؟ ئاقایان دەیانەوێ بەو هەستی سەربازیەی هەیانە وەڵات بۆ پێشەوە ببەن. ئەگەر وەزیرێك سەرپێچی كردوە سزا دەدرێ. ئاقای قالیباف ئێوە زۆرترین سەرپێچیتان كردوە ئەو دامەزراوە ئیعتباریانە ئێوە داتانمەزراندوون. بانكی قەوامین لە چ دۆخێكدایە، من بابەتی نەتەوەیی لەبەر چاو دەگرم و ئەو قسانە ناكەم ئێوە دەزانن لە بانكی شهر چ روو دەدا؟


رۆحانی وەك رەخنە لە قسەكانی جەهانگیری: ئێستا لە جیهاندا قاچاخی كەل و پەل مانای نیە كە دەڵێن قاچاخ یانی قاچاخی مرۆڤ، چەك و مەوادی هۆشبەر. ئێمە دەبێ پەیرەوی لە رقابەتی ئازاد بكەین بۆ ئەوەش دەبێ مەجال بە بەخشی تایبەتی بدەین نەك ژمارەیەك بێ، و هەموو مەیدانەكە ۆ خۆیان قۆرخ بكەن. ئەو تاقمانەی پشتیوانی نیزامی و سیاسیان هەیە رێگە بە رقابەتی ئازاد نادەن.


ئێمە دەبێ شەفافیەتمان هەبێ و رێگە بدەین راگەیەنەكان قسەی بكەن ئەگەر هاتوو وتیان بۆچی گەندەلی لە مولكی نجومی دا هەیە نەچین دەستبە سەریان بكەین. 


ئاخوند رۆحانی هێرشی كردە سەر ئاخوند رەییسی و وتی: ئاقای رەییسی تا ئێستا وتوویەتی باش وایە لە نێوان دەوڵەتی ئێستا و ئەوەی پێشوو دیبەتێك بكرێ. با لەگەڵ خودی ئاقای رەییسی دیبەیت بكەین چوونكە كەسەكانی ئەو دەوڵەتە ئێستا لە ستادی ئەودان هەر ئەوان بەرنامەی بۆ دادەنێن سەبارەت بە مەسەلەكانی وەڵات، رابردوو و ئێستا دیبەیتێك دادەنێین لەگەڵ هەواڵنێران ۆ ئەوەی روون بێتەوە.


ئێوە مەگەر لە دەوڵەتی پێشوو لە دەزگای قەزایی دا نەبوون بۆچی بەدواداچوونتان نەكردچۆن 3.6 ملیار دولار پووڵی خەڵكی ئێران لەلایەن ئەمریكاییەكانەوە راگیرا لە كاتێكدا ئێمە لە ساڵی 87 دا 10 مانگمان لەبەردەم دا بوو ئەو پووڵانەی گێرینەوە. ئێوە كە لە دەزگای پشكنین دا بوون چیتان كردوە؟ لەو كاتەدا كە نەوتی خاویان بە كەسێكی گەندەڵ دەدا ئێوە چیتان كرد؟ لە زۆرێك لە گەندەڵیەكان و دابینی كۆمەلایەتیدا چیتان كرد؟ سودی 3.8 پووڵی خەڵكی ئێران كە دیار نیە لە كوێ یە؟ كێ واژۆی كرد؟ ئاقای رەییسی ئەوانە دەناسن لە دەزگای قەزایی دا بووە. لە دادستانی دا بووە؟ لە دەوڵەتی پێشوو مەگەر رێكخراوی پشكنین نەبووە؟


میرسەلیم ئیشارەی بە بەشێك لە سیاسەتی ئابووری شكستخواردوی حكومەتی رۆحانی كرد و وتی: هۆی سەرەكی ئەوەی كە پیشەسازی خەوتووە چیە؟ 70 لەسەد لە شارەكە سەنعەتیەكان وەستاون. تەعاونیەكان لە وەڵاتدا وەستاون.


ئاخوند رەییسی ئیشارەی بە بەشێكی دیكەی كاریگەری مەترسیداری سیاسەتی ئابووری رژێم كرد و وتی: سەبارەت بە كارگا داخراوەكان ئەو ژمارانە بوونیان هەیە: 250 هەزار كارگەی وەبەرهێنانی كیف و پێلاوە. ئەو كارگایانە بەدەر لەو ژمارانەیە كە لە شارەكە سەنعەتیەكاندا وەستاون. سفرەی خەڵك بچوكتر بۆتەوە دەبێ پرسیار لە خەڵك بكرێ پێویستیەكانی ئەو سفرە كە دابین تان دەكرد وەك برنج و كەرە، گۆشت ئێستا دابین دەكرێ؟ دوو ئەوندە نەبووە؟ ئێمە نرخەكانمان گرت لە 133 لەسەد ئەو نرخانە زیادیان كردوە.


پاسدار قالیباف: ئەورۆ وەلات لەگەڵ قەیرانی ئابووری، بێكار و هەڵاوسان و گرانی بەرەوڕووە. بێگومان بێكاری، هەڵاوسان و گرانیە. بەراستی خەڵك دەزانن كە گرانی هەیە پێویستیەكانی رۆژانە گران بووە ئەگەر سەرنج دەن شەكری 1500 تمەنی، بووەتە 3500 تمەن.


بە پێی ئامار بێكاری 3 ملوێن و نیوە.


هاشمی تەبا سەبارەت بە بەرنامەی یارانەكان وتی: ئێمە نەفەری 45 هەزار تمەن لە حكومەتی پێشوومان بە خەڵكدا، میوە 10 بەرابەر، بەنزین هەشت بەرابەر و خانوو 3 بەرابەرە. یانی ئێمە وتمان 45 هەزار تمەن دەخەینە گیرفانتان ەڵام 500هەزار تمەن ەهۆی هەڵاوسانی 26 لەسەد لە گیرفاتان دەردێنین. 


ئاخوند رۆحانی بۆ قالیباف: ئێوە لە ئەنجومەنی ئاسایشی نەتەوەیی دەتانوت بهێڵن من خوێندكاران لە 2 سەعاتدا لولە دەكەم.


 ئاقای رۆحانی دەفەرمون هەر كەسێكە دەبێ بەرەورووی ببنەوە كە وایە یەكەم بەرەوروو بوونەوە خۆتان ئەنجام بدەن، ئێوە ئاگادارن كە نزیكەكانتان لە پاڵ ئێوەدا خەریكن چی دەكەن لە كەرتی دارایی و بانكی. بۆچی بەرەوڕوویان نابنەوە؟ چونكە خۆیشتان لە رانتەدا بەشدارن و كاتێك خۆتان بەشدار بن ناتوانن بەرەوڕیان بنەوە. كاتێك ساڵی 70،  800 میتر زەوی وەردەگرن و بە 2.5 ملوین تمەنە بە دڵنیاییەوە غیرەتی بەرەوڕووبوونەوەی خەڵكی دیكەت نیە. ئەوە دەردی وەلاتە.


ئاقای جەهانگیری بە خەڵك بڵێن 385 میتر زەوی كە لە دەیەی 80 بە میتری 140 هەزار تمەن لە مەیدانی وەنەك  لە بیتولماڵتان گرت دوای ئەوە بە ئێمە دەڵەی موڵكی نجومی؟ بۆچی بە خەڵك ناڵێن ئەوە دەردی ئێمەیە ئەوەش دوو بەڵگە لە ئێمە,


لە كۆتایی دا رەییسی وتی: هەر تۆمەت لێدەدەن بیدەن ئێوە قازین دەستان كراوەیە هەر كارێك دەتوانن بیكەن، هەموو عالمەكان دەستبەسەر بكەن. بەڵام تكام وایە ئیمام رەزا بۆ خەڵك بهێڵنەوە و مەیكەنە حیزبی. 


ئەم ئاخوندە تەڵەكەبازە بۆ چاوبەست روو بە رۆحانی و لە كۆتایی قسەكانی دا ئیشارەی بە كورد و زمانی كردی كرد ووتی ئێوە زمانی كوردیتان بە كورد نەداوە ئەوە خوا ئەو مافەی پێداون. 


 
ڕێکه‌و 2017-05-13 01:47:12
به‌شی ( سیاسی )







سیاسی