رژێم لانی كەم 9 كەسی لەسێدارە دا

رژێمی دیكتاتۆری ئاخوندی لانی كەم 9 بەندكراوی لە گرتووخانەكانی گەوهەردەشتی كەرەج، ورمێ و هەمەدان لەسێدارە داوە.

بە پێی راپۆرتەكان، بەرەبەیانی رۆژی چوارشەممە 21 پووشپەری 1396، رژیم لە گرتووخانەی گەوهەردەشتی كەرەج لانی كەم 6 بەندكراوی ئێعدام كرد.

ناوی چوار لەو ئێعدام كراوانە بریتین لە: محەمەد هەمەوەند، حەمید ئیسلامی، محەمەد شێرزاد و مێهرداد ساحێبی ئەفشار.

لە چەند رۆژی رابردوودا رژێم لە گرتووخانەی گەوهەردەشتی كەرەج 13 بەندكراوی بەمەبەستی جێبەجێ كردنی حوكمی ئێعدام بۆ ژووری تاكەكەسی راگواستبوو.

لەلایەیكی دیكە رۆژی چوارشەممە 21ی پووشپەر، هێزەكانی رژیم حوكمی نامرۆڤانەی ئێعدامی بەندكراوێكی بەناوی برزوو شێخی لە بەندیخانەی ورمێ جێبەجێ كرد. هەروەها لە گرتووخانەی هەمەدانیش حوكمی ئێعدامی دوو بەندكراوی دیكەی جێ بەجێ كرد كە یەكیان ناوی سەمەد عەبدولیە.
ڕێکه‌و 2017-07-12 17:51:37
به‌شی ( هه‌واڵی ئێران )







سیاسی