هێزەكانی رژیم لە مەهاباد ژمارەیەك چالاكی ئەو شارەیان دەستبەسەر كرد

 هێزە سەركوتگەرەكانی رژیمی ئێران لە شاری مەهاباد هەڵیان کوتایە سەر کۆبوونەوەی ناڕەزایەتی خەڵک و ٥ چالاکی مەدەنییان دەستبەسەر کرد.

 ئیوارەی ڕۆژی یەکشەممە ١٩ی خەرمانانی 1396، هێزە سەركوتگەرەكانی رژیمی ئێران لە شەقامی چوار چرای شاری مەهاباد هێرشیان کردە سەر ئەو کەسانەی کە بەنیاز بوون گردبوونەوەیکی ناڕەزایەتی لەسەر کوژرانی کۆڵبەران ئەنجام بدەن و ٥ کەسیان دەستبەسەر کرد.

ناوی یەكێك لەو دەستبەسەركراوانە كوبرا خالندیە و تا ئێستا ناوی چوار كەسەكەی دیكە روون نیە.

ئەو هاووڵاتییانە له کاتێک دەستبەسەر کراون کە ویستوویانە گردبوونەوەیەکی ناڕەزایەتی بۆ مەحكوم كردنی کوژرانی کۆڵبەران ڕێک بخەن .
ڕێکه‌و 2017-09-11 08:38:58
به‌شی ( هه‌واڵی کوردستان )







سیاسی