خۆپیشاندانی ئێرانیانی تاراوگە لەدژی  حەسەن رۆحانی لە بەردەم  ڕێکخراوی نەتەوە یەکگرتوە

ئاسۆشێتدپرس رایگەیاند كە: ڕۆژی چوارشەممە ئێرانیانی تاراوگە لە دژی هاتنی حەسەن ڕۆحانی، لە بەردەم  ڕێکخراوی نەتەوەیەکگرتوەکان نارزایەتیان دەربری. خۆپیشاندەرەکان بەوتنی دروشمی جۆراوجۆر، سرودی نەتەوەی و بەرز كردنەوەی دروشمی( ئیرانی ئازاد) شەکانەوەی ئالای ئێران درێژەیان بە خۆپیشاندانەكانیان دەدا. لەو خۆپیشاندانەدا سەرەرای پێشكەش كردنی چەندین لایەنی هونەری و وتنی سرود و ... چەندین كەسایەتی سیاسی دیاری ئامریكا وتاریان پێشكەش كرد وەك: سیناتۆری پێشویی وڵاتە یەکگرتوەکانی ئامریکا جۆزێف لیبرمەن، نوێنەری دێمۆکراتی ویلایەتی نەتەوەیەکگرتوەکان ئەلیوت ئەنگەل و جان بۆلتەن نوێنەری پێشوی ئامریکا لە نەتەوە یەکگرتوەکان.

مۆحەمەد گولشەن كە لەدایك بووی ئێرانە و نزیكەی سێ دەیەیە لە تۆرنتۆ نیشتەجێیە وتی: بە باوەڕی من ئامریکا نابێ ڵەگەل ئێران دانوستان بكات.

هەروەها ناوبراو وتیشی كە من زۆر رەنج دەكێشم و تەنانەت خێزانەكەشم كە لە ئێرانن، هیوادارین ڕۆژێك لە ئێراندا دیمۆکراسی بەرقرار بێ.

 

حەمید قرجە،  كە ئەویش ئێرانیەكی تاراوگە نشینە و بۆ بەشداری كردن لە خۆپیشاندانەكان لە تۆرێنتۆوە چوبووە نیویۆرك، خۆشحالی خۆی لە هەمبەر وتارەكەی ترامپ سەرۆكی ئامریكا دژی رژیمی ئێران دەربڕی. و هەروەها ئاماژەی بەوەش داو وتی: وا دیارە ترامپ بارودۆخەكەی هەڵسەنگاندووە و ئەو سیاسەتی رێكەوتنەی كە لەسەردەمی ئۆبامادا پیرەو كرابوو هیچ ئاڵوگۆرێكی بەسەر ئێراندا نەهێنا، بۆیە پێویستە سیاسەتێكی دیكە بۆ ئێران لەبەرچاو بگیرێ.
ڕێکه‌و 2017-09-22 12:07:55
به‌شی ( هه‌واڵی ئێران )







سیاسی