بانكە گەورەكانی جیهان هاوكاری رژیمی ئێران ناكەن

 رۆژی شەممە 20ی خەزەڵوەری 1396 ئەندامێكی شۆرای پوڵ و ئیعتیباری رژیمی ئێران هەواڵی لە  هاوكاری نەكردنی بانكە گەورەكانی جیهان لەگەڵ رژیمی ئێراندا و دۆخی پێوەندی بانكەكانی ئێران لەگەڵ بانكە پلە یەكەمەكانی جیهان نارەخسێ.

بەهمەنی عەبدوڵاَهی وتی ئەوەی پێشبینی دەكرا لە دوای رێكەوتنی ناوكەیی پێوەندی ئابووری و بانكی ئێران ساز دەبێ وا دەرنەچوو و یەكێك لە هۆكانی ئەو هاوكاری نەكردنەی بۆ نەبوونی شەفافیەتی حیساباتی ماڵی بانكەكانی ئێران گەراندەوە.

ناوبراو لە درێژەدا وتی: لە هەمان كاتدا ژمارەیەك لە بانكەكان لەگەڵ سیستەمی بانكی ئێران كار دەكەن بەڵام مەیدانی چالاكیان سنوردارە و چالاكی ئەو بانكانە وەڵامدەرەوەی پێویستیەكانی وەڵات لە ئاستی نێودەوڵەتیدا نیە و زۆر پێویستە پێوەندی لەگەڵ بانكە گەورە نێونەتەوەییەكان دروست بێ.

گروپی تایبەت بە هەنگاوی دارایی كە ناوەندێكی نێونەتەوەیی بەرپرس لە باری شەفافیەتی دارایی و بەرنگاربوونەوە لەگەڵ دابین كردنی سەرچاوەی دارایی تیرۆریزم و ساختەی پوڵە، لە دوایین كۆبوونەوەی خۆیدا كە سەرەتای مانگی نوامبری 2017 لە بۆینس ئایرسی پێتەختی ئارژانتین بەرێوەچوو، مۆڵەتی هەتا 31ی ژانویەی 2018ی بە رژیمی ئێراندا كە هەموو ئەو هەنگاوانە لەژێر چاودێری ئەو ناوەندەدا ئەنجام بدات.

 

ئەو ناوەندە هەروەها لەو راپۆرتەی خۆیدا ئیشارەی بە كۆتایی ئەو مۆڵەتەی بە رژیمی ئێرانی داوەو داوای لە رژیم كردووە كە هەنگاوی چاكسازی پێویست لە باری كەم و كوری لە بەشی بەرنگاربوونەوەی ساختەكاری پوڵ و دابین كردنی سەرچاوەكانی دارایی تیرۆریزم بخاتە بەرنامەی كاری خۆیەوە.
ڕێکه‌و 2017-11-12 07:05:48
به‌شی ( هه‌واڵی ئێران )







سیاسی