هەناردەكردنی نەوتی ئێران بۆ ئوروپا 39 لەسەدی دیكە كەمی كردووە

 هەناردەكردنی نەوتی ئێران بۆ ئوروپا 39 لەسەدی دیكە كەمی كردووە. هەواڵدەری سپای پاسداران ناسراو بە فارس، بە بڵاوكردنەوەی ئەو هەواڵە كەمكردنەكەی بۆ هەرەشەكانی ئەمریكا گێڕاوەتەوە و دەنوسێ: فرۆشتنی نەوتی ئێران بۆ ئوروپا كەمی كردووە و ئوروپاییەكان دەیانەوێ بەهۆی هەرەشەكانی ئامریكاوە كرینی نەوت لە ئێران وێرای بوونی رێكەوتنی بەرجام لەوەی ئێستا كەمتر بكرێ. هەواڵدەریە نێونەتەوەییەكان رایانگەیاندووە كۆی هەناردەكردنی نەوتی خاو و بەرهەمە گازیەكانی ئێران لە مانگی ئوكتۆبر لەچاو مانگی پێشتر بە رێژەی لە پێنجا یەك كەم دەكات و بە كەمترین ئاست لە 19 مانگی رابردوو دەگات.

 

چاوەروان دەكرێ رێژەی هەناردەكردنی نەوتی ئێران بۆ ئوروپا لە مانگی داهاتوودا بە 39 لەسەد دابەزین لەچاو مانگی پێشتر لە 837 هەزار بۆشكە بۆ 510 هەزار بۆشكە لە رۆژدا كەم دەكات. یانی ئیتالیا، ئیسپانیا، توركیە و باقی وەڵاتان بە ریز 28، 77، 65 و 25 لەسەد كرینی نەوت لە ئێرانیان كەم كردووەتەوە.
ڕێکه‌و 2017-11-12 07:20:21
به‌شی ( هه‌واڵی ئێران )







سیاسی