سەرهەڵدانی نەخۆشی لە ناوچە بوومەلەرزە لێدراوەكان

بەپێچەوانەی قسەی یەكێك لە بەرپرسانی رژیم لە وەزارەتی تەندروستی لەبارەی ئەوەی تاكوو ئێستا هیچ نەخۆشیەك لە ناوچە بوومەلەرزە لێدراوەكانی كرماشان بڵاو نەبۆتەوە. بەرێوەبەری ئەنجومەنێكی حكومەتی لە كرماشان كە لەگەڵ ژمارەیەك دوكتوری خۆبەخش لەنێو بوومەلەرزە لێدراواندایە، بە یەكێك لە راگەیەنەكانی رژیمی وت: نەخۆشیە عەفونیەكان لە هێندێ ناوچە سەرهەڵداوە، لەوانە لە تەپەرەش و دوورەدەرە. ئەو نەخۆشیانە  وەكوو سكچوون، رشانەوە و تا دەردەكەون و هەر لە پەرەسەندندان. لە داڵاهۆیش نەخۆشی عەفونی بەهۆی كەلاكی مەر و ماڵاتی مردارەوەبووەوە سەری هەڵداوە.
سەرهەڵدانی نەخۆشی لە ناوچە بوومەلەرزە لێدراوان لە دۆخێكدایە كە پزیشكان و پسپۆرانی تەندروستی ناوچەكە لە دوای بوومەلەرزەكە هەر زوو داوایان كرد كە بە پەلە تەرم و ماڵان لە ژێر ماڵە دارووخاوەكان و كۆكردنەوەی ئاوەرۆ و پاشماوەكان لە ناوچە بوومەلەرزەكان كردبوو.
بەرێوەبەری ئەو ئەنجوومەنە وێرای تەئكید لەسەر كەمتەخەمی رژیم لە بەدەمەوەچوونی ناوچە بوومەلەرزە لێدراوەكان بەتایبەت لە ناوچە سەخت و دوورەدەستەكانی وەك دوورەدەرە یان یارستان و دێهاتەكانی دوورەدەست بەهۆی ئەوەی خەڵكی بوومەلەرزەلێدراو ئاوی خواردنەوەیان نیە بەهۆی تەپینی كانیاوەكان لە دێهاتەكانی ئەزگلە و سەرپێڵ و پیس بوونی ئاو لە گیلانی غەرب و وتی: دەبێ چاوەرێی بوومەلەرزەی رۆحی لە كرماشان بین.
ڕێکه‌و 2017-12-04 16:11:32
به‌شی ( هه‌واڵی کوردستان )







سیاسی