بەهۆی تەقینەوەی مینەوە سێ هاووڵاتی بوونە قوربانی

 لە ناوچەی سنووری مێهرانی پارێزگای ئیلام مینێكی دژە تانك تەقیەوە و سێ كەس بەهۆیەوە گیانیان لە دەست دا كە هەرسێكیان ئەندامی خانەوادەیەك بوون.
بەپێی هەواڵ، ڕۆژی دووشەممە 13ی سەرماوەزی1396، تەقینەوەی مینێکی دژە تانک لە شاری مێهرانی سەر بە پارێزگای ئیلام  بووە هۆی گیان لەدەست دانی سێ ئەندامی خانەوادەیەك بەناوەكانی عەلی عەسكەری مەلەك خەتایی 30 ساڵە، شازێنەب تاراج 55 ساڵە و روقیە تاراج 50 ساڵەی لێكەوتەوە.
ئەو سێ کەسە بە مەبستی کۆکردنەوەی ئاسنەواڵە چووبوون بۆ ناوچەی “قەڵاوێزان” کە مین بە ئۆتۆمبێلەکەیاندا تەقیوەتەوە.
ئەو شوێنەی کە مین لێی تەقیەوەتەوە پێشتر لەلایەن سوپای پاسدارانەوە وەکوو ناوچەیەكی لە مین پاككراوە ناسێندرابوو.
ڕێکه‌و 2017-12-05 09:30:03
به‌شی ( هه‌واڵی کوردستان )







سیاسی