60 لەسەدی موچەخۆرانی ئێران لەژێر هێڵی هەژاریدان

 كارناسێكی رژیمی دیانی بەوەدا نا كە 60 لەسەدی موچەخۆرانی ئێران لەژێر هێڵی هەژاریدان.
ئەو كارناسە هەروەها وتی: لە 28 ساڵی رابردوو تا ئێستا، نزیك بە هەزار و 500 ملیارد دولار كەل و پەل هاوردە كراوە. لە كاتێكدا دەمانتوانی 75 هەتا 150 ملوێن هەلی كار برەخسێنین، تەنیا  11 ملوێن هەلی كارمان رەخساندووە، یانی ئەوەی كە سەرمایەیەكی گەورە پێوەندی بە وەبەرهێنانەوە نەبووە.
ئەو كارناسەی رژیم بە ئیشارە بە 16 ملوێن كەسی بێكار لە وەڵات وتی: لەو دۆخەدا هەژاری پەرە دەستێنێ بەتایبەت لەكاتێكدا سەرمایەیەكی گەورە لە ئێراندا بوونی هەیە. لە چوار ساڵی یەكەمی چالاكی حكومەتی رۆحانی 260 ملیارد دولار كەل و پەل هاوردە كراوە. ئەگەر بەپێی حەساو دەچووە پێش بۆ 13 بۆ 26 ملوێن كەس هەلی كار دەرەخسا بەڵام هیچ هەلێكی كار نەرەخساوە. ئەگەر شتێكیش كرابێ بە داخرانی كارخانەكان و پیشەسازی بێكاری دروست بووە و ئەو رێژە هەلەی رەخسابوو، بووەتەوە بە هیچ.
ڕێکه‌و 2017-12-06 15:03:03
به‌شی ( هه‌واڵی ئێران )







سیاسی