مەدحی چۆن نفوزی كردە نێو دارودەستەی سەڵتەنت !

 

 پێشتر كاناڵی یەكی تەلەفیزیونی فەرمی ڕژیمی ئاخوندی بەرنامەیكی لەژێر ناوی ئەڵماسێك بۆ هەڵخەڵەتاندن بڵاوكردەوە كە هەواڵنێری دەوڵەتی ئیرنا وڕۆژنامەی كەیهان وەك ددان پێدانانی گیراوێكی دژە ڕژیم باسیان كرد ، بەڵام هەواڵنێری فارس ودەنگ وڕەنگی ڕژیم ئەوەیان بە سیناریو و بەشی نفوزیی دەزگای ئەمنی ڕژیم لەناو ئۆپۆزسیونی دەرەوە بڵاو كردەوە .

لەم فیلمە نیو سەعاتەدا مەدحی دەڵێ لەگەڵ باڵوێزەكانی ئەمریكا لەتایلەند وعەرەبستان ،وەزیری دەرەوەی ئەمریكا، وەزیری دەرەوەی ئینگلیس وعەرەبستان وجێگری باڵوێزی فەڕانسە چاوپێكەوتنی هەبووە ولەلایەن ئەوانەوە چۆتە ئەمریكا..

مەدحی گوتویەتی كە لەتایلەند تاقمێكی بەنێوی كۆڕی یاران دامەزراندووە بەپێی قسەكانی ، هەزاران كەس لەهێزەكانی ئەمنیەتی ونیزامی ناوخۆی عەرەبستان بوونەتە ئەندام.ناوبراو لەبانكۆكەوە چۆتە عەرەبستان ولەدووی چاوپێكەوتن لەگەڵ سەرانی سعودیە بەفڕۆكەی تایبەت نێردراوە بۆ ئەمریكا.

ناوبراو دەڵێ لەگەڵ جەوبایدن ،جێگری ئۆباما وبڕێكی كە لەسەرانی ئەو وەڵاتە چاوپێكەوتنی بووە.هەروەها لەكۆبوونەوەی پاریس وەكو نوێنەری ئەمریكا بەشدار بووە ،كۆبوونەوەییك كە بڕێك لە سەرانی موخالیفی ڕژیم تێیدا بەشدار بوون.ناوبراو دواتر بەكۆبوونەوەیك لەژێر ناوی گوادلۆپی 2 ئاماژە دەكات كە لەوەدا حكومەتی دوورلەوەڵاتی دامەزراندووە وئامانج  لەم حكومەتە ڕووخانی ڕژیمی ئێران بووە، بەڵام كاتێك نیازی چوونە پادگانێكی ئیسڕائیلی دەبێت لەلایەن دەزگای ئەمنی ئێران ڕزگار دەكرێ ودەگەڕێندرێتەوە ئێران.

محمد ڕەزا مەدحی كێیە؟

مەدحی كە ساڵی 1387 ی كۆچی خۆری لەئێران چووە دەر و وەك بازرگانی ئەڵماس ڕووی كردە بانكۆكی تایلەند ، لە دەرەوەی وەڵات وەك یەكێك لە فەرماندەرانی پێشووی سوپای پاسداران ناسێندرا .ناوبراو دوایە لە ووتوێژگەلێكدا لەگەڵ بڵاوكراوەكان ، خۆی بەكەسێكی ئەمنی ونزیك لە وەلی فەقێ ناساند .

مەدحی ساڵی 1388 كە چووە ئوروپا وئەمریكا جۆرها ووتوێژی لەگەڵ بڵاوكراوەكانی گاردیەن ونیویۆرگ تایمز وزەمانە وروز ئانلاین ،خودنویس ودەنگی ئەمریكا ئەنجام دا.

محمد ڕەزا مەدحی لە ووتوێژێكدا كەلەگەڵ روز ئانلاین كردوویەتی ، گوتبووی كەلە ئێران بە نێوی سەید ڕەزا حسینی ناسراوە وتاساڵی 1386لێپرسراوی ئەنجومەنی بەهێزكردن وپێشگیری لەلاواز بوونی سیستمی مەجلێسی خیبرەكانی ڕێبەری بووە وپێش لە وەرگرتنی لێپرسراویەتی لە مەجلیسی خیبرەكان لە پاراستنی ئیتلاعاتی سوپا كاری كردووە.

 

ناوبراو كەلەكاتی ئەم چاوپێكەوتنەدا لە بانكۆك بوو ،لەبارەی ئەو ئەنجومەنە

كە ناوبراو لێپرسراوی بووە ، گوتویەتی ئەسڵی 111 ی یاسای بنەڕەتی كومیسیونی هەیە وەك كومیسیونی 111 لە خیبرەكانی ڕێبەر. ئەم كومیسیونە ناسراوە بە شاندی لێكۆڵینەوە یان كومیسیونی لێكۆڵینەوە وكارەكەی چاودێریە بەسەر كرداری پەڕ وپۆكان ولابردن ودیاری كردنەكانی  ڕێبەریی.ئەم كومیسیونە دوو كومیتەی هەیە كەیەكیان كومیتەیكی حەوت كەسیە كەسیاسەتە گشتیەكانی نیزام دەنووسێتەوە.كومیتەییكی دیكەی هەیە بەنێوی ئەنجومەنی بەهێزكردن وپێشگرتن لە لاوازبوونی سیستم كە باسكی بەڕێوەبەری

كومیسیونە. لەم كومیسیونەدا 15 مەلا هەن وەك فەلاحیان وئایەتوڵاهی و ، من 12 ساڵ سەرۆكی ئەوكومیتە بووم.

مەدحی خۆی بە جێگەی باوەڕی خامەنەیی ناساندووە وگوتویەتی كە لێكۆڵینەوە لە كۆشتنە زنجیرەییەكان وسەرپێچی دادوەری لەو بابەتانەن كەناوبراو لێیكۆڵیوەتەوە وبەلەویش لە پاراستنی ئیتلاعاتی سوپا كاری كردووە.

محمد ڕەزا مەدحی ئێستا لەتارانە ومۆرەیكی گرینگی ڕژیمە ........
ڕێکه‌و 2018-06-19 13:17:50
به‌شی ( سیاسی )







سیاسی