هێرشی نارەوا بۆ سەر سازمانی خەبات

 

شیلان محەممەدی

حیزب و لایەنە سیاسیەكانی تێكۆشەری كوردستان مولكی خەلكن و چەندەی پێویستە خۆش بویسترێن و رێزیان لێبگیردرێ‌ ئەوەندەش پێویستە رەخنەی سازەندەیان لێ بگیردرێ‌. 

سازمانی خەبات لایەنێكی بەرپرسیار و وردبین خاوەنی سیاسەت گەلێكی زۆر ژیرانە و دروست و ئوسولیە و مانەوە لەسەر ئوسول و سیاسەتانە مانەوە و بەردەوامی و هەرمانی ئەو تەشكیلات و سازمانەی گرەنتی كردووە. 

یەكێك لەو سیاسەتە دروستانەی ساڵیانی ساڵە پێداگری لەسەر دەكات سیاسیەتی رووخان و لەناوبردنی دەسەڵاتی ئاخوندانە و رەد كردنەوەی هەر جۆرە دانووستان و وتووێژەكە لەگەڵ رژیمی ئێران و هەر لەو پێوەندییەشدا لە گەڵ گەورەترین ئۆپۆزسیونی سەرتاسەری رژیمی ئێران واتە سازمانی موجاهیدینی خەلقی ئێران دۆستایەتی و هاوپەیمانەیتی هەیە و لەسەر كۆمەڵیك خاڵی وەك :

1ـ رووخانی دەسەڵاتی ئاخوندی 

2ـ ئیعتراف بە مافی گەلی كورد لە چوارچێوەی ئێران 

رێكەوتن لە نێوانیان دا واژوو كراوە. 

ئەو دۆستایەتی و هاوپەیمانەتیە بۆتە مایەی سەرئێشە و ئازارێكی زۆر بۆ دەسەلاتی تاران لەبەر ئەوەی كە رژیمی ئێران هەزینەیێكی یەكجار زۆری بو ناوزراندنی موجاهیدین لە نێو خەڵكی كورد تەرخان كردووە و تۆمەتەكانی كوردكوژی ئەو تۆمەتەیە كە لە ژوورە فكریێەكانی ئیتلاعاتەوە بەرنامەرێژی و گەلاڵە دارێژی بۆ كراوە.

رژیم لە رێگەی جۆراوجۆر و لە رێگەی جنێو و تەشهیر و تۆمەت و درۆ و بوختان دەیهەوێ سیمای حیزبەكان رەش بكات و مۆرەكانی لە دونیای مەجازی راسپێردراون بۆ ئەو ئامانجە. 

بە داخەوە خەڵكانێك دەكەونە ناو ئەو پیلانەی رژیم و ناراستەوخو دەبنە بلیندگۆی قسەكانی رژیم .

زۆر زۆر پێویستە سنوورەكان بپارێزرێن لەگەڵ قازانج و بەرژوەندی رژیمی ئاخوندی و بە هیچ شێوەیێك تێكەڵ بەو قازانجانەی سیستەمی جینایەتكاری ئاخوندان نەبین.

 

هەر لەو چوارچێوەیەدا، لەدوای بەشداری سازمانی خەبات لە كۆبوونەوەی ساڵانەی شۆرای میللی موقاومەت لە پاریس كە بەراستی هەنگاوێكی مەزن لە چوارچێوەی خەبات دژی دەسەڵاتی ئاخوندان بوو، هێرشی نارەوا كرایە سەر سازمانی خەبات و لە ژێر ناوی كورد كوژی موجاهیدین ئەو پێوەندیی و بەشداری كردنەی سازمانی خەبات و سازمانی موجاهیدین خرایە بەر جنێو و هێرشی نارەوا. 

ئەوەی جێگەی داخە هێرشی مۆرەكانی رژیم نییە، بەلكو ئەو خەلكانەیە كە جاری وایە لەگەل زانینی راستیەكانیش دیسان ئەو قسانە دووبارە دەكەنەوە و بە بێ بەلگَە قسە دەكەن. 

بە نیسبەت تۆمەتی كوردكوژی زۆر روون و ئاشكرایە كە نەك هیچ بەلگەیك بو سەلماندنی نیە، بەڵكو بەڵگە بو سرینەوەی ئەو تۆمەتە یەكجار زۆرە كە یەك لەوان بوونی نامەی هۆشیار زێباری وەزیری دەرەوەی پێشووی عێراقە كە بۆ دادگایكی هولەندی نوسیوە و تێدا باس لەوە دەكات.

(( ئێمەش پێشتر وەماندەزانی سازمانی موجاهیدینی خەڵق دەستی لەگەل رژیمی بەعس تێكەڵ كردووە و بەشدار بووە لە سەركوت و كوشتاری كورد بەلام لەدوای لێكۆلینەوە ئەوەمان بۆ پشتراست بوویەوە كە ئەوان هیچ پێوەندییەكیان بە كوشتاری كوردانەوە نەبووە و بەشداریان نەكردووە لە كوشتن و سەركووتی كورد))

ئایا دەمانهەی راستیەكان بزانین یان هەر ئەو شتەی حەزمان لێیەتی دەمانهەوێ وەك راستی بەسەر خۆمانی بسەپێنین. لەگەڵ ئەوەشدا كە ئەو تۆمەتە ناراستە و پێویستە هەموو كوردێك بە بەرپرسیارەتیەوە باسی لێوە بكات، لە هەمان كاتدا كوردی رۆژهەلات پێویست ناكات ببنە كاسەی داغتر لە ئاش و وەپێش بەرپرسانی حیزب و لایەنەكانی كوردستانی باشوور بكەون و قسەكانی ئەوانیش رەد بكەنەوە .

 

هەر لەو پێوەندییە دا سالی 2003 بە روخانی سەدام هەموو بەلگەكان كەوتنە دەست حكومەت و سەدام و هەموو بەشدارانی جینایەتكاران خرانە قەفەسی تاوانبار و دادگایی كران ئەگەر موجاهیدین هاوكاری بەعس بوایە بۆ لەسەر یەك تاوانیش نەدرا بە دادگا و لێكۆلینەوەی لێ نەكرا.

 

موجاهیدین دژمنێكی سەرەكی ئاخوندانە و هەر بۆیە پشكی یەكەمیان لە شەری رەوانی و بووجە بۆ دروست كردنی پرووپاگەندە لە لایەن دەسەلاتەوە بەردەكەوێ‌.

پێویستە ئاسانكاری نەكرێ‌ بۆ سیستەمی درندەی ئاخوAندان و بە بێ بەڵگە دوای هیندێك تەشهیر و درو و بوختان بە هێز و جەریانە سیاسیەكان نەكەوین. 

ئەوەش بەو مانایە نییە كە پێویست نییە رەخنە بگیردرێ‌ و بە هەموو شتیكی حیزبەكان بوتری ئەشهەدوبیلا.

 

 

پێویستە گەلی كورد وێرای پاراستنی یەكگرتوویی ناوخویی لەراست چەمكی رووخان و دروست كردنی هاوپەیمانەتی لە ئاستی ئێرانیش غافل نەبێ و بو ئەو مەبەستەش بوونی سازمانی موجاهیدینی خەڵق وەك گەورەترین و ئەسلیترین هێزی ئۆپوزسیونی ئێرانی فەرامۆش نەكرێ‌.
ڕێکه‌و 2018-07-10 21:43:39
به‌شی ( سیاسی )







سیاسی