هێرشی چەكدارانە بۆ سەر نمایش و رژەی سەربازی لە ئەهواز

میدیاكانی كۆماری ئیسلامی بڵاویان كردەوە كە رۆژی شەممە ٣١ی خەرمانانی ٩٧ی هەتاوی لە كاتی بەڕێوەچوونی مانۆڕ ومەشقی نیزامی هاوبەش لە نێوان سپای پاسداران و هێزەكانی ئەرتەش لە شاری ئەهواز، گرووپێكی چەكدار دەستیان بە تەقە كردوەو لە ئاكامی ئەو هێرشە، دەگوترێ تا كاتی ئامادەكردنی ئەم هەواڵە ٨ كوژراو وزیاتر لە٢٠ برینداری لێكەتووەتەوە.

دەنگ و‌ڕەنگی كۆماری ئیسلامی ئەو هێرشەی بە كردەوەیەكی تیرۆریستی باس كردوەو گرووپە توندئاژۆكانی بە تاوانبار زانیوە.

بەپێی راپۆرتی هەواڵدەریی ئیسنا، بۆ ماوەی 10 خولەك تەقەكردن بەردەوام بووەو هێرشبەران ‌ جلوبەرگری سەربازیان لە بەردابووە و دوای تەقەكردن هەڵاتوون.

سپای پاسداران “بزووتنەوەی نیشتمانیی رزگاركردنی ئەهواز″ـی لەو بارەوە بە تۆمەت بار دەزانێ.

شایانی باسە تا كاتی ئامادەكردنی ئەم هەواڵە هیچ گرووپ و لایەنێك ئەو هێرشەیان وەئەستۆ نەگرتووە.

 

دەنگۆی ئەوەش هەیە كە ڕەنگە دەستی خودی سپای تێدابێ بە مەبەست و پیلانی جۆراوجۆر.
ڕێکه‌و 2018-09-23 09:55:33
به‌شی ( هه‌واڵی ئێران )







سیاسی