بەرزبونەوەی دیاردەی خۆكوژی لەنێو منداڵانی كورد دا

 دیاردەی خۆكوژی لەئێرانی ژێردەسەڵاتی ئاخوندان  و كوردستان بەتایبەت بۆتە رۆتین و رۆژانە شاهێدی حاڵەتی لەو چەشنە دەبین، بێگومان ئەم حاڵەتە هیچكام لەچینەكانی كۆمەڵگای بێبەش نەكردووە. بوونی حاكمیەتی گەندەڵی ئاخوندان لەو وڵاتەدا كۆمەڵگای ئاوێتەی لەناوچوون كردووە بە هەموو شێوەكانیەوە كە بێگومان تا بەردەوام بوونی ئەم حاكمیەتە لەو وڵاتەدا بەداخەوە رۆژانە شاهێدی حاڵەتگەلێكی زۆر خراپتر دەبینەوە. بە پشت بەستن بە راپۆرتێكی هەواڵدەری هەنگاو، لەسەرەتای بەهاری ئەمساڵەوە (کەمتر لە ٨ مانگ) لانیکەم ٣٣ مێرمنداڵی ژێر تەمەن ١٨ ساڵ لە شارەکانی کوردستان کۆتاییان بە ژیانی خۆیان هێناوە کە ٢٤ کەسیان کچ و ٩ کەسیان کوڕ بوون. بەپێی ئەم ڕاپۆرتە، لەو ماوەیەدا ١٤ منداڵ و مێر منداڵی ژێر تەمەن ١٨ ساڵ لە پارێزگای ئورمیە، ٧ کەس لەپارێزگای ئیلام، ٧ کەس لەپارێزگای کرماشان، ٥ کەس لە پارێزگای  سنە و کەسێکی ژێر تەمەن ١٨ ساڵیش لە پارێزگای خۆراسانی باکوور کۆتاییان بە ژیانی خۆیان هێناوە. هەروەها ٥٠٪ی ئەو کەسانە واتە ١٧ حاڵەت بە هۆی کێشەی خێزانی، ١١ کەسیان بە هۆی کێشەی ئابووری و هەژاری خۆیان کوشتووە و هۆکاری خۆکوشتنی پێنج کەسیشان نادیارە.‎

 

 
ڕێکه‌و 2018-11-14 08:59:22
به‌شی ( کۆمه‌ڵایه‌تی )







سیاسی