له‌سه‌رهێل 107
سێ‌شه‌مه 4 خه‌زه‌ڵوه‌ر 2721
سازمانی خه‌باتی کوردستانی ئێران
گردبوونەوەیەكی بەرفراوان بۆ پشتیوانی لە نارەزایەتیە جەماوەریەكان دژ بە رژیمی ئاخوندی

 رۆژی شەممە 22ی بەفرانباری 1397ی هەتاوی، بە مەبەستی یادكردنەوەی راپەرینی جەماوەری بەفرانباری ساڵی رابردووی شارەكانی ئێران دژ بە رژیمی ئاخوندی گردبوونەوەیەكی جەماوەری لە بەردەم وەزارەتی دەرەوەی وەڵاتی نۆروێژ بەرێوەچوو كە ژمارەیەك لە ئەندامانی كۆمیتەی نۆروێژی سازمانی خەبات بەشداریان تێدا كرد.

ئەو گردبوونەوەیە كە لەلایەن شۆرای میللی مقاومەتی ئێرانەوە رێكخرابوو ژمارەیەكی بەرچاو لە ئێرانیانی شۆرشگێڕی نیشتەجێی وەڵاتی نۆروێژ تیایدا بەشدار بوون و بە خوێندنەوەی پەیام و شیعر و سرودی شۆرشگێڕانە، پشتیوانیان لە تەزاهورات و راپەرینی ساڵی رابردوو و بەردەوامی ئەو نارەزایەتی و راپەرینانە لەلایەن جەماوەری نارازی ئێران، كرد.

عەلی بەهرامی بەرپرسی رێكخستنی دەرەوەی سازمان پەیامی كۆمیتەی نۆروێژی پێشكەش كرد، لە پەیامی كاك عەلی دا تیشكخرایە سەر زوڵم و زۆری دەسەڵاتی ئاخوندان دژ بە خەڵكی كوردستان و ئێران و پشتیوانی سازمانی خەباتی بۆ خواست و نارەزایەتی جەماوەری بێزار لە ستەمی ئێران دووپات كردەوەو تەنیا رێگەی رزگاری گەلانی ِئێرانی بە درێژەدان بە خەبات تا روخانی تێكرای پێكهاتەی دەسەڵاتی ئاخوندان زانی.

 

لە دوای گردبوونەوەكە بەشدار بووان لە بەردەم وەزارەتی دەرەوە بۆ بەردەم پارڵمانی وەڵاتی نۆروێژ بە رێپێوان رۆیشتن و خوازیاری داخستنی سەفارەتی رژیم لە وەڵاتی نۆروێژ بوون كە وەك ناوەندێكی تیرۆریستی و خولقێنەری كێشە هەڵسووكەوتی كردووە.




ڕێکه‌وت: 2019-01-15 08:41:19
به‌شی ( چالاکیه‌کان )





دیمانه

سیاسی