دەورەیەكی سەرەتایی پێشمەرگەی تازە پەیوەست بوو بەریزەكانی سازمانی خەبات كۆتایی پێهات. رۆژی یەكشەممە 23ی بەفرانباری  1397ی كۆچی خۆری، رێورەسمی كۆتایی هاتنی دەورەی سەرەتایی و چەكداركردنی پۆلێك پیشمەرگەی تازەپەیوەست بوو، لەژێر چاودێری و بەرێوەبردنی كۆمیسیۆنەكانی سیاسی نیزامی و پەروەردە و لەژێر ناوی دەورەی شەهید "حەسەن مەولانی" بەرێوەچوو. 

سەرەتای رێورەسمەكە بە دەقیقەیێك بێدەنگی بۆ رێز گرتن لە روحی شەهیدان دەستی پێكرد و پاشان چەند وتەیەك لە لایەن بەرێز كاك رێبوار حسێنی ئەندامی دەفتەری سیاسی سازمانی خەبات پێش كەش كرا كە تێیدا گرینگی خەباتی پێشمەرگانە و دەسكەوت و بایەخی خەباتی چەندین ساڵەی هێزی پێشمەرگە بەرجەستە كرابوو. بەرێز حسێنی لە قسەكانی دا تیشكی خستە سەر دۆخی هەستیاری هەنووكە ی ناوخۆی ئێران و بایەخی بەرەوسەربردنی تێكۆشانی هەمەلایەنە و فرە رەهەندی هەموو تاكێكی كوردی ئاماژە پێكرد و بە باسكردنی دۆخی حیزب و لایەنە سیاسیەكانی كوردستان و دوایین ئالوگۆرەكان، زەرورەتی پێكەوەبوونێكی هەمەلایەنە و واقعیانە لەسەر ئەساسی رێز و خوێندنەوەی بەرانبەر پێداگری كرد.  لەدوای وتەكانی كاك رێبواری حسێنی،  لەلایەن چەند هاورێی پێشمەرگە پەیامی سپاس و پێزانین لە مامۆستایانی فێرگە  خوێندرایەوە و لە پاشان دا  چەكی شەرەف و كەرامەت لەلایەن مامۆستا و بەرپرسانی دەورەكە پێشكەش بە پێشمەرگە تازە پەیوەست بووەكان بەریزی سازمانی خەبات كرا.

 
ڕێکه‌وت: 2019-01-16 07:32:20
به‌شی ( چالاکیه‌کان )