له‌سه‌رهێل 66
پێنجشه‌ممه‌ 1 ره‌زبه‌ر 2721
سازمانی خه‌باتی کوردستانی ئێران
پێویستە لە دەوری سازمانی خەبات كۆبینەوە



هەر لایەنێكی سیاسی بەشدار لە گۆڕەپانی جوڵانەوەی مافخوازانەی گەلی كوردستان و شۆرش دژ بە دەسەڵاتی ئێران، پێ‌ وایە تەواو یا بەشێكی زۆر لە ڕوانگەی خۆی لە پێوەند بە بابەتە سیاسیەكان و كۆی كاركردو بڕیاڕەكانی دروستە، كە ئەوە شتێكی سروشتیەو ناكرێ نكۆڵی لێ‌ بكرێ‌. بەڵام ئەگەر هەر لایەنێكی سیاسی وا بیری كردەوە كە هەموو وەك ئەو دەبێ‌ كار بكەن و بیربكەنەوە كارێكی ناسروشتیەو لە گەڵ بنەماكانی فرەڕەهەندی و فرەچەشنی یەك ناگرنەوە. سازمانی خەبات ی كوردستانی ئێران لە كۆن تا ئێستا نیشانی داوە كە خاوەن بەرنامەی شیاو و كوردستانیانەی دوور لە دەنگەدەنگی بێ‌ كردەوەیەو بۆ تەواوی پرسە نیشتمانی، نەتەوەیی، سیاسی و تەشكیلاتی خاوەن بەرنامەو باگراوەندی سەربەرزانەی مێژووییە. سەبارەت بە پرسی نەتەوەیی، سازمانی خەبات باوەڕی وایە كە كورد لە كوردستانی ئێران دەبێ‌ بە تێكرای مافە نەتەویی و سیاسیەكانی لە چوارچێوەی جوغرافیای سیاسی و مێژوویی بگات.

 بیگومان گەیشتن بەو ئامانجانە بە خەباتی یەكانگیر و هەمەلایەنە وەدی دێ‌، ئەویش لە لەچوارچێوەی بنەماو بەرنامەو سیاسەت و بەراوردی دروست و بە رەچاوكردنی هەلومەرجی جیهانی، ناوچەیی، ئێران و كوردستان و بە دوور لە دروشمی زریقەو بریقەدار كە ئەو دروشمانەی كە نەك كاریان پێ‌ ناكرێ‌ بەڵكوو دەبنە هۆی شێواندنی بنەماكانی خەباتی مافخوازانەی گەلەكەمان و ئاڵۆزكردنی دۆخەكە. بۆ گەیشتن بەئامانجەكان، بێ‌ ئەملاوئەولا دەبێ بە شێوەی سەرەكی پشت بە خەبات و تێكۆشانی تێكرایی جەماوەری كوردستان بە هەموو چین و تۆێژێك و بە بێ‌ بژاركردن هەڵاواردنی ئەو چین و ئەو دەستەیە ببەستین. بەشداری چالاكانەی ئافرەتانی كوردستان لە جوڵانەوەی مافخوازانە وەك یەكێك لە هۆكان و زەمانەت بۆ سەركەوتنی شۆڕشی گەلی كوردو ئاوەدانی و پێشكەوتنی سیاسی و زانستی و كۆمەڵایەتیەو سازمانی خەبات زۆر بە جیددی پێداگری لە سەر ئەو ئەسڵە دەكات كە دەبێ‌ ئافرەتانی كوردستان بەرێوەبەرو پێشەنگی تێكۆشان بن بۆ گەیاندنی دانیشتوانی كوردستان بە ئازادی و بەختەوەریی.

سازمانی خەبات لە ماوەی چل ساڵ كارو تێكۆشانی خۆیدا بە كردەوە دەری خستوە چەندە دڵسۆزانە لە پێناو ئامانجەكانی گەل و نیشتمان فیداكاری كردوە. مێژووی چل ساڵ كارو تێكۆشانی سازمانی خەبات ئەو راستیەی سەلماندوە كە پێویستە خەمخۆرانی گەل و نیشتمان ئەو تەشكیلاتە نەتەوەیی و نیشتمانیە ئاوەدانتر بكەن. تەشكیلاتێك كە كەس ناتوانێ‌ گومان لە سەر دڵسۆزی و پاكی و سەداقەت و راستگۆیی بكات. تەنانەت نەیارانی سازمانی خەبات ناتوانن بەڵگەیەك لە سەر دەست تێكەڵ كردنی رێبەرانی سازمان لە گەڵ حكومەت و دەسەڵاتەكانی دژمن بە كورد بدۆزنەوە، ناتوانن بڵێن كە سازمانی خەبات ئەم، یا ئەو ڕۆڵەی كوردەی بە دوژمنانی كورد بە كوشت داوە، ناتوانن بڵێن سازمانی خەبات لە گەڵ ئەم یا ئەو حكومەتی دژ بە كورد پیلانی دژ بەم یا ئەو رێبەرو تێكۆشەری كورد گێراوە. تەنانەت لە كاتی ئەو غەدرو ناڕەواییەی لە ڕابردوو بەرانبەر سازمانی خەبات ئەنجامدرا هیچ كات رێبەری سازمانی خەبات بۆ كورت كردنی دەستی غەدر پەنای نەبردۆتە بەر كاری ئەوتۆ كە زیان بە ئامانجەكانی گەل و خودی سازمان بگەێنێ‌ و لە رێگەی ڕاست و ئوسوڵی، دوری بخاتەوە. ئەوانەی پشتێنیان بۆ لە بەین بردنی سازمانی خەبات بەستبوو، هەموو كارێكیان دەكرد كە ئەم كاروانە پڕ لەسەروەریە لەرێگە لابدا. پاك و جوان و بێگەردە سازمانی خەبات، بەڵام بە ناڕەوا بە غوددەی سەرتانیان ناو دەبرد و هێزیان لە دژ بە كاردەهێنا. تێكۆشەرانی رێبازی سازمانی خەبات لە مەیدانی نەبەردیدا لە بەرانبەر دژمن وەك هەڵۆی بەرزەفڕو وەك بەوری بەیان هەڵمەت بەر بوون و دژمن خۆی لە بەر هێزی بە هێزیان نەدەگرت و بەكرێگیراوان یا تەسلیم دەبوون و یا لە مەیدان هەڵدەهاتن. ئەو بەكرێگیراوانەی تەسلیم دەبوون هیچ بێ‌ ڕێزێكیان پێ‌ نەدەكرا و تا كۆتایی ماوەی ئەسارەتیان ئەوپەڕی رێزیان لێ‌ دەگیراو تەنانەت ئیمكاناتیان وەك پێشمەرگە بوو و حقوقی مانگانەیان هەبوو. ئەسیرەكان دوای ئازاد بوونیان ئەو یارمەتی ماددیەی مانگانەی كۆیان كردبۆوەو لە گەڵ خۆیان دەبردەوە. هیچ كات ئەسیرە جەنگیەكانی دژمن بە نەیارانی كورد نەفرۆشران و یا بە نەیارانی كورد بە كوشت نەدەدران. لە مەیدانی كاری سیاسی و بەگژداهاتنەوەی دەسەلاتی ئاخوندی، سازمانی خەبات پەرچەمداری شۆڕشی لێبڕاوانە لە گەڵ ئەو رژیمە بووەو باوەڕی وایە ڕوخانی ئەو حكومەتە تاكە چارەسەرەو كۆتایی بە ئازارو مەینەتیەكان دێنێ‌، سازمانی خەبات ئەو رژیمە بە دوژمنی سەرەكی ئاشتی دەزانێ‌. هەموو ئاگادارن ئەو حكومەتە دیكتاتۆرە لە سەرەتای بە دەسەڵات گەیشتنیەوە تا ئەمڕۆ هەموو پێوەرو بنەما ئەخلاقی و ئینسانیەكانی پێشێلكردوەو لە وەڵامی هەر داوایەكی ئاشاتیخوازانەی میللەتی كورد سەركوت و ترۆرو هەڕەشەی بەكار هێناوە.

 هێندێك جار گۆیمان لەو قسانە دەبێ‌ كە وتووێژ یەكێك لە ئوسوڵەكانی كاری سیاسیە، لە گەڵ باوەر بوون بە و ڕاستیە كە وتووێژ لە گەڵ لایەنی نەیار یەكێك لە بنەماكانی كاری سیاسیە، بەڵام شكی تێدا نیە كە وتووێژ لە گەڵ دەسەڵات یا ناوەندێكی شەرعی و قانونی دەكرێ‌ نەك دەسەڵات و حكومەتێكی نامەشروع و تا سەر ئێسقان مەزهەبی و دڕندەو دیكتاتۆر،ئایا لە نێوان رێكخراوی داعش و دەسەڵاتی ئاخوندەكان چ جیاوازیەك هەیە؟ بێگومان تەنیا جیاوازی لە نێواندا ئەوەیە كە ئاخوندەكان سەرمایەو داهاتێكیان بە دەستەوەیەو بە فێل و درۆ و بە ناوی هەڵبژاردنی ساختە، خۆڵیان كردۆتە چاوی زۆر كەس و بەو بە ناو دێموكراسیە ساختەیە، هەزار جار زیاتر داریان داوە بە ڕۆحی خەڵكداو ناوچەكەو جیهانیان تووش كێشەی زۆر گەورە كردوە. سازمانی خەبات ی كوردستانی ئێران بەو بەراوردە دروستە، پێشڕەوی تێكۆشانی كاریگەرو جیددی لە بەرانبەر حكومەتی دیكتاتۆری ئێرانەو بێگومان رێبوارانی رێبازی سازمانی خەبات ڕوو سوور و سەربەرزن چونكە تەشكیلاتەكەیان مێژوویێكی خاوێنی هەیەو هیچ كات لە بەرەی گەل لای نەداوەو هیچ كات نەبۆتە داردەستی دژمنانی كورد و دژمنانی ئازادی. مێژووی پڕ لە قوربانی و فیداكاری سازمانی خەبات ئەو پەیامە بە هۆگرانی رێبازی سازمانی خەبات و تێكرای هاونیشتمانانی كوردستان دەدا كە پێویستە بۆ گەیشتن بە ئامانجی لە مێژینەی گەل و بۆ رزگاری نیشتمان و ئاسوودەیی دانیشتوانی، سازمانی خەبات بە هێزتر بكەن و ئەو تەشكیلاتە خاوەن پڕنسیپ و بەرنامە دروست و سەردەمیانەو نەتەویی ونیشتمانیە بەرەو سەركەوتنی زیاتر رێنوێنی بكەن.
ڕێکه‌وت: 2019-01-20 20:11:43
به‌شی ( سیاسی )







  به‌شی : هه‌واڵی کوردستان   کات : 2021-09-22

باوکی ڕامین حسێن پەناهی کۆچی دوایی کرد

به‌شی : هه‌واڵی کوردستان   رۆژ: 2021-09-16


سەعید ئەفکاری برای نەوید ئەفکاری دەست بەسەر کرا.

به‌شی : هه‌واڵی ئێران   رۆژ: 2021-09-13

دیمانه

سیاسی