رۆژی شەممە 6ی رێبەندانی 1397ی هەتاوی، لەسەر بانگهێشتی كۆمیتەی حدكا، هەیئەتێكی كۆمیتەی كانادای سازمانی خەبات لە شاری ڤانكۆڤەر بەشداریان لە رێورەسمی 2ی رێبەندان یادی 73مین ساڵرۆژی دامەزرانی كۆماری كوردستانیان كرد.

هەیئەتی كۆمیتەی كانادای سازمانی خەبات كە پێكهاتبوون لە بەرێزان خوشكە تابان شەرێعەتپەنا بەرپرسی كۆمیتە و كاك عەبدوڵا عەبداڵی بەرپرسی پێوەندیەكان بەشداری 2ی رێبەندانیان كرد و بروسكەی پیرۆزبایی كۆمیتەیان بەو بۆنەوە پێشكەش بە بەرێوەبەرانی ئاهەنگەكە كرد و لە نزیكەوەش پیرۆزبایی كۆمیتەی سازمانی خەباتیان بە بەرپرسانی كۆمیتەی حدكا لەو وەڵاتە گەیاند.

2ی رێبەندانی 1324 بە رێبەرایەتی پێشەوای مەزن لە شاری مەهاباد، كۆماری كوردستان راگەیەندرا، هەر چەند تەمەنی كۆمار كورت بوو بەڵام راگەیاندنی كۆماری كوردستان بووە هەوێنی هەستی نەتەوایەتی لە نێو تاكەكانی كوردستان و هەموو ساڵێك لەو رۆژەدا خەڵكی كوردستان بە بەرێزەوە یادی كۆمار و پێشەوا قازی محەممەد دەكەنەوە.

ڕێکه‌وت: 2019-01-31 19:25:21
به‌شی ( چالاکیه‌کان )