رێكخستنی دەرەوەی سازمانی خەبات و ژمارەیەك لە ئەندامانی كۆمیتەی نۆروێژی سازمان بەشداریان لە رێورەسمی نەورۆزی لە ئۆسلۆ كرد.
رۆژی شەممە 3ی خاكەلێوەی 1398ی هەتاوی بەرامبەر بە 23ی مارسی 2019 لە سەر بانگهێشتی نوێنەرایەتی شۆرای میللی مقاومەت و سازمانی موجاهیدینی خەڵكی ئێران، هەیئەتێك لە رێكخستنی دەرەوە و كۆمیتەی نۆروێژی سازمان و ئەندامانی رێكخراوی ئافرەتان، بەشداریان لە رێورەسمێكی تایبەت بە جەژنی نەورۆز و سەری ساڵی هەتاوی كرد.
هەیئەتی بەشدار كە بریتی بوون لە بەرێزان: عەلی بەهرامی بەرپرسی رێكخستنی دەرەوەی سازمان، مەحمود یوسفی بەرپرسی پێوەندیەكانی كۆمیتە، عومەر كەریمی، كوێستان كەریمی، مەهاباد عەزیزی، كەژاڵ كاكەیی، ئارەزوو بەهرامی، ئەندامانی رێكخراوی ئافرەتان، و ژمارەیەك لە لاوانی سازمان.
پەیامی پیرۆزبایی سازمان بەبۆنەی نەورۆز و ساڵی نوێی هەتاوی لەلایەن عەلی بەهرامیەوە پێشكەش كرا و لە نزیكەوە هەیئەتی سازمان جەژنە پیرۆزەیان بە ئەندامان و بەرپرسانی سازمانی موجاهیدین و شۆرای میللی مقاومەت لە نۆروێژ و وەلاتانی سكاندیناوی پێشكەش كرد.
رێورەسمەكە لە پاش پەیام و شێعری تایبەت بە نەورۆز تەرخان كرا بە شادیی و هەڵپەركێ و رەقس و سەمای نەتەوەكانی ئێران

ڕێکه‌وت: 2019-03-26 19:48:23
به‌شی ( چالاکیه‌کان )