له‌سه‌رهێل -1
چوارشه‌مه‌ 15 پووشپه‌ڕ 2722
سازمانی خه‌باتی کوردستانی ئێران
پەیامی دەستەی بەرێوەبەری بە بۆنەی ساڵڕۆژی دامەزراندنی رێکخراوی لاوان



ٸەندامانی بەرێزی رێکخراوی لاوان!
لاوانی شۆرشگێری کوردستان!
بە بۆنەی هەشتەمین ساڵرۆژی دامەزراندنی رێکخراوەکەمان گەرمترین پیرۆزباییتان پێشکەش دەکەین، و دڵنیاین كە هەر وەک چۆن لە رابردوودا پاڵپشت و هاندەرمان بوون، بۆ هەرچی باشتر بەرێوەبردن و بەرەپێش بردنی کارەکانمان لە داهاتووشدا هەر بەو شێوە هاوكارمان دەبن.
هەروەها چاوەڕوانین بە رەخنە و پێشنیارەکانتان هاوكاریمان بكەن و رێخۆشکەربن بۆ ئەوەی لە داهاتووشدا زیاتر لە كارو ئەركە باشەكان بەردەوام بین و كەم و كورتیەكانمان بنەبڕ بكەین.
بێگومان بە خەبات و تێكۆشانی یەكانگیری هەموو لایەك دەتوانین بە ٸاواتی لە مێژینەی لاوان و تێكرای جەماوەری ووڵاتەکەمان بگەین.
بەرێزان :
لێرەدا پێویستە رایبگەێنین کە ٸەگەر پاڵپشتی سازمانی خەبات و رێنوێنیەکانی بەرێز کاک بابەشێخ حسێنی سکرتێری گشتی نەبوایە، نەماندەتوانی لە کارو چالاکیەکانمان بەردەوام بین و بە سەر كەندو كۆسپەكانی سەر رێگەماندا دەرباز بین.
خۆشەویستان لە کاتێکدا یادی دامەزراندنی رێکخراوەکەمان دەکەینەوە کە وڵاتەکەمان چ لە باری سیاسی و چ لە باری ٸابووریەوە بە قەیرانێکی سەختدا تێدەپەرێت و لاوان، بە بوونی دۆخی ٸێستادا، زەرەرمەندی یەکەمن.
لەم هەلومەرجەدا، رژێمی ٸاخوندی بە پەیڕەوكردنی سیاسەتی سەركوت و پێشێلكردنی مافی مرۆڤ و پشتیوانی لە گروپە ترۆریستەكان، لە بەرچاوی کۆمەڵگای نێونەتەوەیی قێزەون و ناپەسەندە. ئەو سیاسەتە خراپ و دزێوانەی دەسەڵاتدارانی ئێران وای كردوە ئەو ڕژیمە گیرۆدەی قەیرانێکی جەرگبر بێتەوەو کۆتاییهاتی تەمەنی لە هەر كاتێك و دەورانێكی دیكە نزیكتر بۆتەوە. لەم هەلومەرجە ناسكەدا ٸەرکی لاوان و خوێندکاران لە هەر کاتێکی دیكە قورسترەو پێویستە لاوان و رێکخراوە مەدەنیەکانی ناوخۆی تایبەت بە لاوان پێشڕەویی ناڕەزایەتی جەماوەری لە ٸێران و کوردستان بكەن و ببنە رێنیشاندەری چین و توێژەکانی کۆمەڵگا. لاوانی تێكۆشەر دەبێ‌ چیتر زۆڵم و ستەمی ٸەو رژێمە قبووڵ نەکەن و هەموو هەوڵێکی خۆیان بۆ کۆتایی هێنان بەو دەسەڵاتە خۆسەپێن و دیکتاتۆرە وەگەر بخەن، و هەر وەک چۆن لە رابردوو لە سەختترین بارودۆخدا لە ٸەرکە نەتەوەییەکانی خۆیان غافڵ نەبوون و تێچووی ٸەو خەباتە سیاسی و مەدەنیانەشیان داوە لە داهاتوشدا هەر بەو شێوە سەربڵندانە بەردەوام دەبن.
لاوانی شۆرشگێر و ٸازادیخواز!
رێکخراوی لاوانی خەبات هەر وەک چۆن لە سەرەتای دامەزراندنیەوە بەڵێنمانداوە درێژەپێدەری رێگای پڕ لە شانازی مامۆستای رێبەرمان جەنابی مامۆستا سەید جەلال حسێنی ریبەری نەتەوەیی گەلەکەمان و هەموو شەهیدانی سەربەرزی رێگای ٸازادی کوردستان بین، بەڵێن دووپات دەکەینەوە لە داهاتووشدا لەسەر رێبازی خۆمان سوورتر لە رابردوو بۆ هێنانە دیی ٸاواتەكانی لاوانی نەتەوەکەمان چ لە ناوخۆ و چ لە دەرەوە تێ‌ دەكۆشین.
جارێکی تر پیرۆزبایی گەرممان بە بۆنەی هەشتەمین ساڵرۆژی دامەزراندنی رێکخراوی لاوانی خەبات پیرۆزبایی لە هەموو ٸەندامان و لایەنگرانی رێکخراوەکەمان دەکەین و هیوادارین ساڵی داهاتوو ٸەم یادە بە شکۆی هەرچی گەورەو بەرینتر لە نیشتمانی ٸازادکراوی خۆماندا بکەینەوە.
سەرکەوێ خەباتی رەوای گەلەکەمان.
مەرگ و نەمان بۆ رژێمی دیکتاتۆری ٸاخوندی.
11رەشەمەی 1397
دەستەی بەرێوەبەری
ڕێکه‌وت: 2019-05-02 09:06:25
به‌شی ( لاوان )






  به‌شی : هه‌واڵی کوردستان   کات : 2022-07-06 08:15:48
به‌شی : هه‌واڵی ئێران
ڕێکه‌وت : 2022-07-02

به‌شی : هه‌واڵی ئێران
ڕێکه‌وت : 2022-06-30


سیاسی