رۆژی سێ شەممە 24ی بانەمەڕی 1398، لەسەر بانگهێشتی فەرمی پارتی سوسیالیستی چەپی نۆروێژ، خوشكە شنۆ شەرێعەتپەنا نوێنەری كۆمیتەی نۆروێژی سازمانی خەبات بەشداری كرد لە سمینارێكدا لەژێر ناوی "چۆن ئەتوانین لە باری مافی مرۆڤ یارمەتی كوردانی توركیە، سوریە، عێراق و ئێران بكەین".
ئەو سمینارە كە بە هەوڵی پارتی ناوبراو رێكخرا و لە پارڵمانی نۆروێژ بەرێوەچوو، تیایدا ژمارەیەكی بەرچاو لە حیزب و سازمانە كوردستانیەكان، ژمارەیەك كەسایەتی سەربەخۆی كورد لە نۆروێژ و چەندین پارڵمانتێر و كەسایەتی نۆروێژی بەشداریان كرد.
لە سمینارەكەدا بەرێزان عەبدوڵا حیجاب، بەهار فەیزوڵا و خاتوو هەندرێن نەزیر لەسەر پێشێلكاریەكانی مافی مرۆڤ و بەتایبەت مافی سیاسیەكانی نەتەوەی كورد لەو وڵاتانە وتەیان پێشكەش كرد.

 
ڕێکه‌وت: 2019-05-17 10:59:43
به‌شی ( چالاکیه‌کان )