له‌سه‌رهێل 112
یه‌کشه‌ممه‌ 12 پووشپه‌ڕ 2722
سازمانی خه‌باتی کوردستانی ئێران
بەرێوەچوونی رێورەسمی نۆیەمین ساڵیادی كۆچی دوایی جەنابی مامۆستا سەیید جەلال حسێنی

ئێوارەی رۆژی هەینی 28ی گەلاوێژی 1398 بەرانبەر بە 19/7/2019 لە بارەگای ناوەندی سازمانی خەبات، رێورەسمی رێزگرتن لە نۆیەمین ساڵرۆژی كۆچی دوایی مامۆستا سەیید جەلال حسێنی دامەزرێنەری سازمانی خەبات و رێبەری نەتەوەیی گەلی كورد، بە ئامادەبوونی ئەندامانی سەركردایەتی و بەشداری ئەندامانی سازمانی خەبات، بە ووتەی بەخێرهاتن لە لایەن كاك شۆڕشی حاجی ئەندامی رێبەرایەتی سازمانی خەبات دەستی پێكرد و پاشان دەقیقەیێك بێدەنگی بۆ رێزگرتن لە روحی پاكی شەهیدان راگەێندرا و و دواتریش سرودی (ئەی مامۆستای شۆڕش و خەبات) لە لایەن كۆری هونەری سازمانی خەبات پێش كەش كرا.
پاشان داوا لە بەرێز كاك كامیل نورانی فەرد ئەندامی دەفتەری سیاسی سازمانی خەبات ی كوردستانی ئێران كرا كە پەیامی سەركردایەتی بەو بۆنەوە پێش كەش بكات. بەرێزیان لەووتارێكدا تیشكی خستە سەر چەندین لایەنی بەرزی كەسایەتی مامۆستای نەمر و بە ئاوردانەوە لە كەسایەتیە دەگمەنەكەی مامۆستا باسی چەندین وێستگەی گرینگی ژیانی جەنابی مامۆستای كرد. بەرێز نورانی فەرد لە قسەكانی دا ووتی: ئێمە وەك نەتەوەی كورد خاوەنی دەیان و سەدان رێبەری مەزنین كە هەر كامەیان بە نۆرەی خۆیان دەور و نەخشیان لە پێشخستنی دۆزی رەوای كورد بینیوە. مامۆستا شێخ جەلال حسێنی ئەو رێبەرە كاریزما و كارەكتەرە درەوشاوەیە بوو كە توانی لە ماوەی ژیانی سیاسی خۆی باشترین نمونەی كەسێتی بەرز پێش كەش بكات.مامۆستا هەم توانی گوڵبژێرێك لە باشترین و مرۆڤانەترین و عادیلانەترین بنەماكان بۆ تێكۆشانی لەرێی ئازادی بكاتە سەرلەوحەی ژیانی، و لەوەش گرینگتر هەموو ئەو بنەما و باوەرانە بخاتە باری جێبەجێكردن و عەمەلەوە و كاریان پێ بكات، و تێچووی زۆر گەورەشیان لە پێناو بدات. لێبڕاوی و فیداكاریی و بەخشندەیی و سداقەت و پاكی و عەداڵەت تەوەری وێرای زانایی و بڕشت و بەرێوەبەری ئەو تایبەتمەندییانە بوون كە كەسایەتی كەم وێنەی مامۆستای شكڵ پێدابوو و تێكەڵاوی ئەو تایبەتمەندییانە، مێژویێكی لێوانلێو لە شانازی لەسەر دەستی جەنابی مامۆستای لێ خوڵقاوە و بەرهەمەكەی قوتابخانەیێكە كە هەموو ئەو بایەخ و بەها نەتەوەیی و مرۆڤانەیەی تێدا دەوترێتەوە و درێژەی پێدەدرێ‌.
مامۆستا لە پێناو بنەما و هەڵوێستە نەتەوەییەكان و پاراستنی ئەو بایەخ و بڕوایانە هەموو ژیانی خۆی تەرخان كرد و بە پێشكەش كردنی جگەرگۆشەكانی نرخی پاراستنی بنەماكانی دا، هەموو پێگە و سامان و پلەی بەرزی ناو كۆمەڵگای خستە خزمەت پێش خستنی دۆزی رەوای نەتەوەكەی و ئەو ئوسولە بەرزانەی تا دوایین هەناسەی ژیانی درێژە پێدا و هەرگیز پاشەكشەی لێنەكردن. لە بەشێكی تری وتەكانی دا وێرای ئاماژە دان بە دۆخی هەستیاری ناوچەكە و ئێران باسی دوایین ئالوگۆرەكانی پێوەندیدار بە وەڵاتی ئێران و بەرپرسیارەتیەكانی هێزی ئۆپۆزسیونی كرد و وێرای باسی هەر دوو سیناریۆی ئەگەری شەر و ئەگەری سازانی ئەمریكا و ئێران سیاسەتی سازان و موماشاتی بە سیاسەتێكی شكست خواردوو زانی و هەنگاو نانی چەند حیزبی كوردستانی لەو مەسیرە بە هەڵەێكی زەق و ئیستراتیژی لێكدایەوە و تاكە چارەسەر بۆ دەربازبوون لەو قەیرانەی وەڵاتی ئێرانی داگرتووە بە یەكریزی ئۆپۆزیسیون و هەنگاو نان لە رێگەی رووخان و هەولدان بۆ لەناوبردنی رژیمی ئاخوندی و هاتنە سەركاری دەسەڵاتێكی خەڵكی و دیموكراتیك زانی.
لەدوای ووتەكانی بەرێز نورانی فەرد ئەندامی دەفتەری سیاسی سازمانی خەبات ی كوردستانی ئێران، پەیامی رێكخراوی ئافرەتان لە لایەن بەرێز خاتوو شیلان محەممەدی ئەندامی رێبەرایەتی و دەستەی بەرێوەبەرایەتی رێكخراوی ئافرەتانەوە پێش كەش كرا، و هەوەرها پەیامی رێكخراوی لاوانی خەبات ی كوردستانی ئێران لە لایەن بەرێز كاك سارۆ حسێنی، ئەندامی دەستەی بەرێوەبەری رێكخراوی لاوان پێش كەش كرا . مامۆستا فەرهاد برادۆستی لە نۆیەمین ساڵوەگەری كۆچی دوایی جەنابی مامۆستا شیعرێكی بەو بۆنەوە هۆنیبوویەوە كە پێش كەشی كرد و بوو بە جێگەی سەرەنجی ئامادەبووانی رێورەسمەكە . لە ناوئاخنی رێورەسمەكە چەندین شیعر و پەخشانی بە پێز لە یادی مامۆستای نەمر پێش كەش كرا. رێورەسمەكە بە سرودێكی شۆڕشگێرانە لە لایەن كۆری هونەری سازمانی خەبات كۆتایی پێ




















ڕێکه‌وت: 2019-07-20 22:09:10
به‌شی ( چالاکیه‌کان )






  به‌شی : هه‌واڵی ئێران   کات : 2022-07-03 17:52:21
به‌شی : هه‌واڵی کوردستان
ڕێکه‌وت : 2022-06-29

به‌شی : هه‌واڵی کوردستان
ڕێکه‌وت : 2022-06-26

به‌شی : هه‌واڵی ئێران
ڕێکه‌وت : 2022-06-25

سیاسی