له‌سه‌رهێل 115
هه‌ینی 7 رێبه‌ندان 2722
سازمانی خه‌باتی کوردستانی ئێران
پەیامی سەرەخۆشی كاك بابەشێخ حسێنی بەبۆنەی فەوتی مامۆستا مەلا مستەفا تەوحیدی

بە بۆنەی كۆچی دوایی مامۆستا مەلا مستەفا تەوحیدی( پیاوێنی) سەرەخۆشی بە كەس و كاریی، خەڵكی ناوچەی بانە و سەردەشت و هۆگرانی ریزەكانی سازمانی خەبات ی كوردستانی ئێران ڕادەگەێنم.
مامۆستا مەلا مستەفا پیاوێنی كەسایەتێكی تێكۆشەرو نیشتمان و نەتەوە خۆشەویست و دژمن بە ستەمكاران و داگیركەرانی كوردستان بوو.
لە دوای فەرمانی جیهادی خومەینی دژ بە خەڵكی كوردستان ولە سەرەتای هێرشی پاسداران و هێزە بەكرێگیراوەكانی بۆ سەر كوردستان، مامۆستا مەلا مستەفا چەكی پێشمەرگەیی و دیفاع لە كوردستانی لە شان كردو لە ریزی هێزی پێشمەرگەی سازمانی خەبات وەك فەرماندەێكی ئازاو بە هیممەت لە چەندین شەڕی بەرچاوداو، بەتایبەت لە مقاومەت و شەری 3 سێ‌ مانگەی شاری بانە وەك یەكێك لە فەرماندە لێهاتوەكان بەشداری كرد.
جێگەی خۆیەتی لە دوای ئازادی نیشتمانیش رێزو وەفامان بۆ تێكۆشانی دڵسۆزانەی مامۆستا مەلا مستەفا هەبێ‌ و یادی بەرزو بەڕێز ڕابگرین.
جارێكی دیكە سەرەخۆشی خۆم و تێكرای هۆگرانی ڕێبازی سازمانی خەبات ی كوردستانی ئێران بە كەس و كاری ڕادەگەینم.

بابەشێخ حوسەینی
31ی خەرمانانی 1398 كۆچی خۆری
ڕێکه‌وت: 2019-09-23 21:16:39
به‌شی ( سکرتێری گشتی )



خوێنه‌ر ده‌توانێ ئه‌و وتاره‌ له تۆڕه‌کۆمه‌ڵایه‌تیه‌کان بڵاوبکاته‌وه‌‌
ناونیشای وتار: پەیامی سەرەخۆشی كاك بابەشێخ حسێنی بەبۆنەی فەوتی مامۆستا مەلا مستەفا تەوحیدی