له‌سه‌رهێل 253
هه‌ینی 10 پووشپه‌ڕ 2722
سازمانی خه‌باتی کوردستانی ئێران
بەرێوەچوونی دو چالاكی گرنگ و بەرین لەشاری ئۆسلۆ دژبە هێرشەكانی ئوردوغان بۆسەر رۆژئاوا

وەك دژكردەوە بە هێرشەكانی توركیە لە پێتەختی نۆروێژ، دوو چالاكی بەرچاو لەلایەن كوردانی نیشتەجێی ئەو وەڵاتەوە بەرێوەچوو
رۆژی شەممە 20ی رەزبەری 1398ی ك خ بەرامبەر بە 12ی ئۆكتۆبری 2019 لە سەر داوای كۆمیتەی پشتیوانی لە رۆژئاوا، كوردانی نیشتەجێی وەڵاتی نۆروێژ، سەعات 12.00 بۆ 14.00 رێپێوان و گردبوونەوەیەكی جەماوەری بەرین و بەرچاویان بەرێوەبرد. رێپێوانەكە لەبەردەم وێستگەی شەمەنەفەری ئوسلۆ دەستی پێكرد و هەتا بەردەم وەزارەتی دەرەوەی ئەو وەڵاتە درێژەی هەبوو.
لە بەردەم وەزارەتی دەرەوەی نۆروێژدا پەیامێكی هاوبەش بە هەردوو زاراوەی سۆرانی و كرمانجی و زمانی نۆروێژی خوێندرایەوە. لەو پەیامەدا داوا لە حكومەت و بەتایبەت وەزارەتی دەرەوەی ئەو وەڵاتە كرابوو كە پشتیوانی لە نەتەوەی كورد بكەن و هەوڵەكانیان چڕ بكەنەوە بۆ ئەوەی رێگە لە پەلامار و هەوڵە شەرئەنگێزیەكانی ئوردوغان بگرن بۆ ئەوەی چیتر خەڵكی بێ تاوانی كوردستانی رۆژئاوا نەبنە قوربانی.
هەر هەمان رۆژ و سەعات 15.00 بۆ 17.00 لەسەر داوای كۆمیتەی دیپلۆماسی كورد لە نۆروێژ رێپێوانێكی جەماوەری دیكە لە بەردەم شەمەنەفەری ئوسلۆ بۆ بەردەم بینای وەزارەتی دەرەوەی ئەو وەڵاتە بەرێوەچوو.
لەو رێپێوانەشدا بەشداران بە دانی دروشم هێرشەكانی ئوردوغانیان شەرمەزار كرد و پشتیوانی خۆیان بۆ نەتەوەی كورد لە رۆژئاوا دەربڕی.
لەبەردەم وەزارەتی دەرەوەی نۆروێژیشدا چەندین دروشم و پەیام پێشكەش كران بەتایبەت ژمارەیەك پارڵەمانتار و كەسایەتی سیاسی نۆروێژی وتاریان دا و هێرشەكانی حكومەتی ئوردوغانیان بۆ كوردستانی رۆژئاوا مەحكوم كرد و داوایان لە كۆمەڵەی نێونەتەوەیی و بەتایبەت حكومەتی نۆروێژ و وەزارەتی دەرەوەی ئەو وەڵاتە كرد كە رێگە بە ئوردوغان نەدەن كە درێژە بە پێشێلكاریەكانی بدات و خەڵكی سڤیل و بێ تاوانی كورد قەتڵ و عام بكات.
كاك عەلی بەهرامی و كاك مەحمودی یوسفی هاوڕێ لەگەڵ ژمارەیەك لە ئەندامانی كۆمیتەی نۆروێژی سازمانی خەبات بەشداری چالاكانەیان لە هەر دوو رێپێوان و گردبوونەوەكەدا كرد.











 
ڕێکه‌وت: 2019-10-13 09:27:53
به‌شی ( چالاکیه‌کان )






  به‌شی : هه‌واڵی ئێران   کات : 2022-06-30 19:57:10
به‌شی : هه‌واڵی کوردستان
ڕێکه‌وت : 2022-06-25

به‌شی : هه‌واڵی ئێران
ڕێکه‌وت : 2022-06-24

به‌شی : هه‌واڵی ئێران
ڕێکه‌وت : 2022-06-24

سیاسی