خەباتمێدیا: لە شاری برلینی پێتخەتی ئاڵمان گردبوونەوەیەكی جەماوەری لەلایەن كوردانی نیشتەجێ لە ئاڵمان دژ بە هێرشەكانی توركیە بۆ سەر كوردستانی رۆژئاوا بەرێوەچوو. رۆژی شەممە 12ی ئۆكتۆبری 2019 بەرانبەر بە 20ی رەزبەری 1398ی هەتاوی، كوردانی نیشتەجێی وەلاتی ئاڵمان گردبوونەوەیەكی جەماوەریان دژ بە هێرشی حكومەتی توركیە بۆ سەر كوردستانی رۆژئاوا لە شاری بەرلین بەرێوەبرد. لەو گردبوونەیەدا كوردانی ئەلمان هێرشەكانی توركیەیان بۆ سەر خەڵكی سڤیلی كوردستانی سوریە مەحكوم و بیرورای گشتی ئەلمانیان لە جینایەتەكانی رژیمی تركیا ئاگادار كردەوە و هاوپشتی خۆیان بۆ بەرخودانی رۆژئاوای كوردستان دووپات كردەوە. شایانی گوتنە ژمارەیەك لە ئەندامانی سازمانی خەبات لە وەلاتی ئاڵمان بەشێوەیەكی چالاك لەو رێپێوان و گردبوونەوەدا بەشداریان كرد.
ڕێکه‌وت: 2019-10-13 19:54:40
به‌شی ( چالاکیه‌کان )