له‌سه‌رهێل 127
یه‌کشه‌ممه‌ 12 پووشپه‌ڕ 2722
سازمانی خه‌باتی کوردستانی ئێران
بەشداری سازمانی خەبات لە گردبوونەوەیەك لە بەردەم پارلمانی نەروێژ.

روژی شەممە ٢٣ نوامبری ٢٠١٩ کۆمیتەی نۆروێژی سازمانی خەبات بەشداری لە گردبوونەوەیەكی جەماوەریدا كرد بە مەبەستی پشتیوانی لە ناڕەزایەتی جەماوەری شارەکانی کوردستان و ئێران.
ئەندامانی سازمان كە بریتی بوون لە: عەلی بەهرامی بەرپرسی رێكخستنی دەرەوە، كاك مەحمود یوسفی و كاك سارۆ حوسێنی بەشدار بوون.
لەو گردبوونەوەیەدا عەلی بەهرامی پەیامی ڕێکخستنی دەرەوەی سازمانی خەباتی بەو بۆنەوە پێشکەش کرد.
لە پەیامەكەیدا بەرێز بەهرامی ئیشارەی بەوە كە كرد گردبوونەوەكەیان لەبەردەم پارلمانی نەروێژ بۆ پشتیوانی لە نارەزایەتی و راپەرینەكانی ناوخۆیە. هەروەها پەنجەی خستە سەر ئەو خاڵەی كە راپەریوانی ئێران و كوردستان بۆ روخان و لەناوچوونی تێكڕای پێكهاتەی رژیمی ئاخوندیە. خەڵكی ئێران لە سەرماوەزی 96 بەدواوە مێژوویەكی نوێیان لە ئێران دژ بە تەواویەتی ئەو رژیمە نووسیەوە. كە رژیم بە هەر باند و باڵێك مەحكوم بە روخان و نەمانە. هەر وەك بینیومانە ئەگەر چی رژیم توانیویەتی نارەزایەتی و راپەرینەكانی سەركوت كردووە بەڵام نەیتوانیوە ببێتە بەربەست لە رێی راپەرینەكان و نارەزایەتیە جەماوەریەكان درێژەی هەیە و راپەرینەكانی ئەم جارە كۆشكی دەسەڵاتی ئاخوندی وە لەرزە هێناوە و لە ئێستا رژیم پێگەی خۆی لە هەر كاتێكی دیكە بە لەرزۆكتر دەزانێ. رژیم روو بە كۆتاییەو شۆرش و راپەرینی خەڵكی ئێران چووەتە دۆخێكی نوێ بووە كە رژیم رێگەی دەرچوونی لە دەست خەڵك نیە.
لە بەشێكی دیكەی وتارەكەیدا عەلی بەهرامی ئیشارەی بە دۆخی كوردستان كرد و وتی: لێرەدا دەمەوێ ئیشارە بە دۆخی كوردستان لە راپەرینی 98 بكەم. خەڵكی شارەكانی كوردستانی ئێران هاوكات لەگەڵ ناوچەكانی دیكەی ئێران خەڵك لە مەیداندا بوون و لە شارەكانی وەك مەریوان، جوانرۆ، كرمانشا و سنە و شارەكانی دیكە خەڵك دژ بە تەواویەتی رژیمی ئێران دروشمیان دا. ئەگەر چی رژیم توانیویەتی لە شارەكانی مەریوان و جوانرۆ شەهید و بریندارێكی زۆری لە راپەریوان بگرێ بەڵام هەر وەك دەبینین شۆرش و راپەرینی خەڵك درێژەی هەیە.
بە رای ئێمە ئەو جوڵانەوەی لە كوردستان لە ئارادایە لەم قۆناغەدا وەڵامێكی دروست بوو برای رژیم كە خەڵكی كوردستان وەكوو رابردوو كە كوردستان سەنگەری ئازادی بووەو هەیە تەواویەتی ئەو رژیمەیان بردە ژێر پرسیار و پەیامێكی زۆر روونیان بە هەندێ دا كە خەڵكی كوردستان بە پێچەوانەی كەسانێك كە سازانیان لەگەڵ رژیم دەوێ و دەیانەوێ لەگەڵ ئەو دەسەڵاتە بە حەلێك بگەن، بەڵام خەڵكی كوردستان خوازیاری روخان و لەناوچوونی ئەو رژیمەن.
شایەنی باسە کە لە پەراوێزی ئەو گردبوونەوە جەماوەریەدا کاک عەلی بەهرامی چاو پێكەوتنی لەگەڵ بەڕێز پێتر ئایدە پارلمانتار لە SV و دۆستی کوردو بزوتنەوەی ئازادیخوازی لە ئێران، لەو دیدارەدا باسی دۆخی شارەکانی کوردستان و داواکانی خەڵکی کوردستان و ئێرانی بۆ کرد.
لەم خۆپیشاندانەدا ژمارەیەک لە کادر و ئەندامانی کۆمیتەی نۆرویژی سازمانی خەبات بەشداریان کرد.





ڕێکه‌وت: 2019-11-24 15:06:38
به‌شی ( چالاکیه‌کان )






  به‌شی : هه‌واڵی ئێران   کات : 2022-07-03 17:52:21
به‌شی : هه‌واڵی کوردستان
ڕێکه‌وت : 2022-06-29

به‌شی : هه‌واڵی کوردستان
ڕێکه‌وت : 2022-06-26

به‌شی : هه‌واڵی ئێران
ڕێکه‌وت : 2022-06-25

سیاسی