له‌سه‌رهێل 129
یه‌کشه‌ممه‌ 12 پووشپه‌ڕ 2722
سازمانی خه‌باتی کوردستانی ئێران
بەرێوەچوونی كۆبوونەوەیەكی سیاسی لە سپانیا

لە وەڵاتی سپانیا كۆبوونەوەیەكی سیاسی لە مەڕ رووداوەكانی ئێران و كوردستان بەرێوەچوو.
رۆژی هەینی 29ی نوامبری 2019 لە شاری بارسێلۆنای هەرێمی كاتەلۆنیای سپاسنیا، كۆبوونەوەیەكی سیاسی لەلایەن كۆمەڵێك چالاكی سیاسی و نوێنەری هێز و لایەنی سەر بە وەلاتانی ئامریكای لاتین و ئەفریقایی وەكوو ئیكوادۆر، بۆلیویا، كۆلۆمبیا، ئارژانتین، بوركینافاسو و كوردستانی ئێران پێكهات.
لەو كۆبوونەوەدا هومەنی ساعد پەنا بە نوێنەرایەتی سازمانی خەباتی كوردستانی ئێران، بابەتێكی لەمەڕ سیاسەتەكانی رژیمی ئاخوندی لە ئێران و كوردستان و وەڵاتانی ناوچە و پشتیوانی ئەو دەسەڵاتە لە تاقمە تیرۆریستیەكان پێشكەش كرد.
لە بەشێكی وتارەكەیدا كاك هومەن ئیشارەی بە بەرنامە و سیاسەتەكانی سازمانی خەبات لە راست رژیمی ئێران و مافەكانی گەلی كورد لە ئێرانی داهاتوودا كرد و وتی: ئێمە پێمان وایە كە هیچ گۆرانكاریەكی ئەرێنی لەو دەسەڵاتەدا وەدیی نایەت چونكە ئەوە دەسەڵاتێكی دیكتاتۆر و دواكەوتووە، جوێ لەخۆی و بیری تەسكی خۆی هیچ بیر و بۆچوونێكی دیكە قەبووڵ ناكات و هەر چەشنە بیرجیاییەك بە مەترسی بۆ سەر خۆی دەبینێ، بۆیە بەشێوەیەكی سەركوتگەرانە بەرەورووی بیر جیاوازان دەبێتەوە. هەروەها ئەو رژیمە دژی ماف و ئازادیەكانی نەتەوەكانی ئێرانە و پێمان وایە تەنیا بە گۆرینی ئەو دەسەڵاتە كورد و نەتەوەكانی دیكەی ئێران دەتوانن بە ماف و ئازادیەكانیان بگەن.
ناوبراو هەروەها وتی: بۆ ئێمە روخانی رژیمی ئاخوندی بووەتە پرەنسیبێكی شۆرشگێڕانە و پێمان وایە دەبێ ئەو دەسەڵاتە بروخێ و سیستەمێكی دیموكراتیك و خەڵكی جێی بگرێتەوە كە مافی تێكڕای نەتەوە و دین و مەزهەب و چین و تووێژێك دابین و زامن بكات.
بەشدارانی كۆبوونەوەكە پشتیوانی خۆیان بۆ خەباتی نەتەوەیی و ئازادیخوازی كورد لە كوردستانی ئێران دەربڕی.





 

 

 

 

 

 

 

 

 
ڕێکه‌وت: 2019-12-02 06:14:44
به‌شی ( چالاکیه‌کان )






  به‌شی : هه‌واڵی ئێران   کات : 2022-07-03 17:52:21
به‌شی : هه‌واڵی کوردستان
ڕێکه‌وت : 2022-06-29

به‌شی : هه‌واڵی کوردستان
ڕێکه‌وت : 2022-06-26

به‌شی : هه‌واڵی ئێران
ڕێکه‌وت : 2022-06-25

سیاسی