له‌سه‌رهێل 79
شه‌ممه‌ 27 خه‌رمانان 2721
سازمانی خه‌باتی کوردستانی ئێران
یادی سەروەران،یادی شەهید سدیق ئەحمەدی

کاک بابەشێخ حوسێنی
كێ بێ دەرك وشعووری ئینسانی ببێ و خۆی له جەنگ نەدزێتەوه و لە كوشت وكوشتار بێزار نەبێ. كێ بێ روحێكی ئینسانی ببێ و حەز بە ئاوەدانی و خۆشی و رەفاە نەكا.؟ كێ قازانجی لە ئاژاوەو شەڕ دیوە.؟ جوێ لە ئینسانانی بە ڕواڵەت ئینسان و بە ماهییەت درندە و لاشە خۆر.؟گومان نیە كە ئەگەر لە ناو میللەتاندا درندە و خوێنخور و ماخۆلیای جەنگخوازی و پەلاماریان لە مێشكدا بێ، ناكرێ میللەتەكەش خاوەنی ئەو خووە بن وئەو جۆرە رەوشتە بە چاك بزانن. بە تایبەتی میللەتێكی وەك میللەتی كورد كە بەر لە ئیسلامیش خاوەنی مرەوەت و مەردانەگی ورەحم وبەزەیی بووە. رەفتاری گەلی كورد لە درێژایی مێژوودا رەفتارێكی ئینسانی ودوورەشەڕی بووە و تادار بە سەریان دا نەدابێ وە جواب نەهاتووە.وە كە جوابیش هاتووە لە ئەندازەی پێویست نەچۆتەدەر. هیچ كەس لەو جیهانەدا ناتوانێ بڵێ كورد ترسەنۆكەو دەسەڵاتی دیفاعی لە خۆ نییە. تا لە ترسەنۆكی وبێ دەسەڵاتیان بێ كە ئاوا بۆتە ژێر چەپۆكەی دراوسێیان. كورد هەر جارێك راپەڕیوە دوژمنی تێك شكاندووە بەڵام بە هۆی بێزاری لە جەنگ و تەعدا، جەنگە دیفاعییەكانی نەكێشاوەتە ناو خاكی دوژمنانەوە كە بونیەی دیفاعی وئابووریان تێك بدات و لە شارەگەوە زەعیفیان كات. وە لە بڕی مودافیع ببێتە موهاجم ولە بری دیفاع لە نیشتمان ببێتە داگیركەری وڵاتان ونیشتمانیان. بەڵێ هەر ئەو حاڵەتی بێزاریه له زوڵم و دەست درێژیە لەلایەن بێگانە دراوسێكانیەوە بە زەعف وناتەوانی و كەم دەسەڵاتی لە قەڵەم دراوە. بەڵێ چون زاڵم نەبووە زوڵمی لێكراوە وەك شاعیری عەرەب دەڵێ: كەسێك زوڵم ناكا زوڵمی لێ دەكرێ. ئەوە ڕاست لە كوردی ڕووداوە چونكە هەتا بە بەشی خۆی ڕازی بووە و نەیویستووە پەلاماری بەشی خەڵك بدات تێدا چووە و ستەمی لێ چووە لە هەموو لایەكەوە تەماحیان لە كەلاكی كردووە. ئەوە واقعییەتێكی ڕوونی مێژوویە كە گەلی كورد ترسۆنەك ودەستە پاچە نییە،بەڵام لە گەڵ چاوچنۆك و ستەمگەر نەخوڵقاوە ودین و ئەخلاقی پاك وچاكی بە ِراستی وەرگرتووە . ئینسانانە و لە ئینسانییەت لای نەداوە وە دراوسێكانی حیزفرسەتانە لەو مرۆڤایەتییەی كورد به قازانجی خۆیان كەڵكیان وەرگرتووە. لە ڕاستیشدا دەبوو دراوسێكانی هۆشی ئینسانیان بێتەوە به خۆیان بە تایبەت كە خۆ بە موسڵمان و هاودینی خەڵك دەزانن، دەبوو بە چاوی براو هاوماڵ تەماشای كورد بكەن. نەك بەچاوی نێچیرو كەوی كێوی. دەبوو حەیا بكەن، كە زوش حەیایان نەكرد، ئێستا دەبێ حەیا بكەن و دەست لە كوردستان هەڵگرن. جا كە ئەو ئینسانییەت و شەرم وحەیا و جوانمێری خەڵكی كوردەو ئەویش قەدر نەزانینی هاوسێیانیەتی شەرم نایانگرێ و دەست لە تەعدا و ستەم لە میللەتەكەمان هەڵناگرن. چەند بە جێ وچەند بە خوداپەسەندانەیە كە دیفاع لەخاك ونیشتمانی خۆیان دەكەن وە لە پێناو شەرەف وحەقدا شەهید دەكرێن.چەندی جێی شانازی و سەربەرزیە كە خەڵكی كوردستان لە حاڵەتی دیفاع دا شه هید دەکرێن لە سەر خاكی خۆیان. لە بەر دەرك و رێ وبانی خۆیان دا، وە دوژمنەكانیان لە سەر خاكی كوردستان دا لە حاڵەتی هێرش و تەعدا وداگیركەری دا دەكوژرێن. شێوەی كوژرانی كوڕانی كوردەواری گەورەترین شاهیدە لە سەر ئەوە كە بە حەق شەهیدن و شێوەی كوژرانی دوژمنانی كوردیش گەورەترین شاهێدە لە سەر ئەوە كە دوژمنان خوێنیان هەدەرەو بە مەرگێكی خراپ دەچنە بەر دیوانی خودای تۆڵەئەستێن، شدیدالغزابی.
بە جێ یە كە ڕۆڵەكانی كوردەواری لەگەڵ ئەوەشدا كە دڵیان پڕە لە ئاشتی خوازی و رەحم وبەزەیی، دیفاع لە بەرانبەر داگیركەراندا بە ئەركێكی ئینسانی دادەنێن و كوژرانی لە رێی دیفاع لە نیشتمان و میللەتدا بە شانازی دەزانن. بە تایبەت ڕۆلِە گیان بەختكردووەكانی سازمانی خەبات كە بایەخ بۆ مافی نەتەوەیی دادەنێن و موبارزە لە رێی رزگاری میللەتی كورددا بە بەشێكی گرینگ لە ئەركی ئینسانی، نەتەوەیی و ئایینی خۆیان دەزانن و لە خەبات وموبارزە ناوەستێنەوە. كاروانی شەهیدانی سازمانی خەبات پسانەوەی نییە و كۆڕی شەهیدانی سازمانی خەبات لە بەهەشتی بەرین دا گەرمەو ئەندام لە دوای ئەندامی بە بەرگی سوور خەڵاتی شەهادەتەوە دەچنە ئەو كۆڕەوه شەهید كاك سدیق دەڕۆیی(ئەحمەدی) ئەندامێکی کۆڕی شەهیدانی سازمانی خەباته. شەهید سدیق خەڵكی دەڕۆی ی ناوچەی مەریوان یەكێك بوو لە ڕۆڵە شۆڕشگێرەكانی گەلەكەمان كە چەكی دیفاع لە خاك ونیشتمانی لە دژی داگیركەرانی كوردستان لەشان كرد و پاش چەند ساڵ دەربەدەری وئاوارەیی لە نیشتمان و خزمەت كردن لە ریزی ڕێكخراوەیەكی ئێرانی دژی رژێم، لە ساڵی ۱۳۷۰ دا هاتە ناو ریزی سازمانی خەبات و وێرای ڕۆڵە خەبات گێرەكانی سازمانی خەبات لە زۆربەی چالاكییەكانی ساڵی ۱۳۷۰دا لە ناوچەی مەریوان و بانە وسەردەشت بەشداری كرد. بەڵام بەداخی گرانەوە لە پاییزی هەر ئەو ساڵەدا لە شەڕێكی قارەمانانەی ڕۆڵەكانی سازمان لەگەڵ هێزە داگیركەرەكانی رژێم لە ئاوایی قامیشلەی ناوچەی مەریوان پاش چەند ساعەت شەڕ، شەهید كراو گیانی پاكی بەرەو كۆڕی شەهیدان لە شەقەی باڵیدا.
ڕێکه‌وت: 2019-12-21 08:40:27
به‌شی ( شه‌هیدان )





دیمانه

سیاسی