له‌سه‌رهێل 70
سێ‌شه‌مه 29 ره‌زبه‌ر 2720
سازمانی خه‌باتی کوردستانی ئێران
سازمانی خەبات و تێكۆشانی سەردەمیانە

 



 
شۆڕش حاجی



 
لە جوڵانەوەی مافخوازانەی خەڵكی كوردستان و بە تایبەتی لە ماوەی نزیك بە پێنج دەیەی ڕابردوو،جوڵانەوەو خەباتی كورد گۆڕانكاری بەرچاوی بەسەردا هاتوەو لە مێتۆدی و شێوەی بە تەنیا خەباتی چەكداری، بۆ شێوەی خەباتی هەمە چەشنەو فرە ڕەهەندی،وەك: سیاسی، تەشكیلاتی( ڕێكخستن) و ڕاگەیاندن و بڵاوكراوە، لە هەموو بەرچاوتر هەمەچەشنی بوون و بەشداری تێكڕایی ئەندامان لە بڕیاڕات و پەسەندكرانی پەیڕەوی ناوخۆیی و تەنانەت شێوەی بەڕێوەبەریی و ئیدارە كردنی تێكڕای جەمسەرەكانی تەشكیلاتدا، ئەگەر بە تەواوی لە بەرچاو نەگیرابێ‌ بەڵام بە لایەنی زۆر لە بەر چاو گیراوەو گرینگی پێدراوەو كاری پێكراوە. هەر چەند من لە ڕۆژانی سەرەتای دەست بە كار بوون و سەرهەڵدانی سازمانی خەبات، ئەندام و یا چالاكی ڕیزەكانی نەبووم، بەڵام زیاتر لە بیست ساڵە وەك ئەندام و پێشمەرگەو كادری سازمانی خەبات لە ڕیزی سازمانی خەباتدا كار دەكەم و تێدەكۆشم و ئەوەی لە ماوەی ئەو بیست ساڵەدا بۆ من جێگەی سەرنج بوو، لە بەر چاو گرتنی ڕۆحی یەكتر قەبوڵ كردن و كاری تێكڕایی و گرینگیدان بە ئەرك و كاری یەكترو لە هەمووی گرینگتر نەبونی دیاردەی دەستە بەندی و ناوچەگەرایی ودۆستایەتی خزم خزمێنە لە كاری سازمانیدا. دیاردەی پۆزۆتیفی یەكتر قەبوڵكردن و عەمەلگرایی و لە بەرچاو گرتنی بنەماكانی دیموكڕاسی، سەرچاوە گرتوو لە بەرنامەو مێتودی پێشكەوتنانەی رەهبەری سازمانی خەبات ی كوردستانی ئێرانە. ڕێبەرایەتی سازمانی خەبات بە ڕادەێك لە خۆبوردوانەو بە دوور لە ئیحساسی خۆسەپێنی هەڵسوڕاون وكاریان كردوەو، لە حاست پێشمەرگەو ئەندامانی سازمان بە گیانی مەسئولیتی ئەخلاقی جوڵاونەوە، كە هاوكات لە گەڵ بوونی خەت و بەرنامەو مێژووی پڕشنگداری سازمان،ئەو ئەخلاق و هەڵۆێستی بەرپرسانەی ڕێبەری سازمان دیاردەو جیاوازێەكی دیكەی بە كەڵكو پۆزۆتیون و لە جێگەی خۆیدایە بە گرینگی و بە خاڵی بنەڕەتی لە ڕەوتی كاری تەشكیلاتی لە سازمانی خەبات سەیر بكرێن. ئێستا كە سازمانی خەبات پێ‌ ناوەتە چل و یەكەمین ساڵی دامەزرانی و هەروەها بڕیارە لە مانگەكانی داهاتوو كۆنگرەی حەوت ببەستێ‌، لە سەر تێكۆشەرانی ڕیزەكانی سازمانی خەباتە تا بە تێكۆشانی زیاتر و بە بڕیاری پەسندو لێبڕاوانە لە گەشەسەندنی زیاتری سازمان و میكانیزمەكانی تەشكیلاتی دیموكراتیك و نەتەوەیی جێ‌ پەنجەیان دیار بێ‌. داهاتوو بۆ گەلی بەش مەینەتی كوردستان و تێكڕای خەڵكی ئێران بە دوای ڕوخانی حكومەتی ئاخوندی و دامەزرانی خكومەتی دیموكڕاتیك گەشاوە دەبێ‌ وسازمانی خەبات هەر وەك چۆن لە ماوەی شۆرشی حەقخوازانە بە دڵسۆزی تێكۆشانی بەردەوام كردوە لە داهاتوشدا بۆ بە دامەزراوە كردنی دەسەڵاتی بەرێوەبەری كوردستان و دامەزراوی لە كوردستان بەردەوام دەبێ‌ لە كارو فەعالیەت.
ڕێکه‌وت: 2020-10-07 20:26:12
به‌شی ( سیاسی )





دیمانه

سیاسی