له‌سه‌رهێل 75
سێ‌شه‌مه 29 ره‌زبه‌ر 2720
سازمانی خه‌باتی کوردستانی ئێران
دەورەیەكی دیكەی فێرگەی پێشمەرگایەتی سازمانی خەبات كۆتایی پێهات

دەورەیەكی سەرەتایی پێشمەرگەی تازە پەیوەست بوو بەریزەكانی سازمانی خەبات كۆتایی پێهات. رۆژی پێنج شەممە ریکەوتی 24ی رەزبەری 1399ی کۆچی خۆری، ڕێورەسمی كۆتایی هاتنی دەورەی سەرەتایی و چەكداركردنی پۆلێك پێشمەرگەی تازە پەیوەست بوو، لەژێر چاودێری و بەرێوەبردنی كۆمیسیۆنەكانی سیاسی نیزامی و پەروەردە و لەژێر ناوی دەورەی شەهید " نووری مورادی" بەرێوەچوو.
سەرەتای رێورەسمەكە بە دەقەیەك بێدەنگی بۆ رێزگرتن لە رۆحی شەهیدان دەستی پێكرد و پاشان چەند وتەیەك لە لایەن بەرێز كاك کامیل نورانیفەرد، ئەندامی دەفتەری سیاسی سازمانی خەبات ی کوردستان پێشكەش كرا، كە تێیدا باسی لە ئەرکی گرینگی تێکۆشان لەپێناو گەل و ژیانی پێشمەرگایەتی کرد و هاوکات لەسەر دۆخی هەستیاری ناوچەکە و بەتایبەتی دۆخی رژیمی ئێران و جوڵانەوەی گەلەکەمانی کرد و بە پێی لێکدانەوەکان دوورەدیمەنی خەباتی گەلەکەمانی بە گەشبینیەوە لێکدایەوە و ئەرکی هەنووکەیی هێزی پێشمەرگەی وەبیر هێنایەوە. 
لەدوای ووتەكانی کاک کامیل نورانی فەرد ، لەلایەن یەکێک لە هاوڕێیانی پێشمەرگە پەیامی سپاس و پێزانین لە مامۆستایانی فێرگە خوێندرایەوە و لە پاشان دا چەكی شەرەف و كەرامەت لەلایەن مامۆستا و بەرپرسانی دەورەكە پێشكەش بە پێشمەرگە تازە پەیوەست بووەكان بەریزەکانی سازمانی خەبات كرا.








 

 
ڕێکه‌وت: 2020-10-17 10:34:42
به‌شی ( چالاکیه‌کان )





دیمانه

سیاسی