له‌سه‌رهێل 51
سێ‌شه‌مه 4 سه‌رماوه‌ز 2720
سازمانی خه‌باتی کوردستانی ئێران
بەڕێوەچوونی ڕێورەسمی 10ی خەزەڵوەر ڕۆژی پێشمەرگەی سازمانی خەبات ی كوردستان

 ڕۆژی هەینی 9ی خەزەڵوەری 1399، لە بنكەی ناوەندی، ڕێوڕەسمی 10ی خەزەڵوەر رۆژی پێشمەرگەی سازمانی خەبات ی كوردستانی ئێران بەڕێوە چوو.
ڕێوڕەسمەكە بە ئامادەبوونی ڕێزدار سكرتێری گشتی و ئەندامانی سەركردایەتی، و بە دەقیقەیێك وێستان بۆ ڕێزگرتن لە ڕۆحی شەهیدان، دەستی پێكرد.
پاشان داوا لە بەرێز كاك بابەشێخ حوسەینی سكرتێری گشتی سازمانی خەبات ی كوردستان كرا بەو بۆنەوە پەیامەكەی پێشكەش بكات. 
بەرێزیان لە پەیامەكەی دا وێرای باسكردنی بەستەرەكانی پێكهاتنی هێزی پێشمەرگەی سازمانی خەبات و چۆنیەتی تۆماركردنی حەماسەی كەم وێنەی 10ی خەزەڵوەر، لەسەر بریاری بەردەوامی تێكۆشان و گیانبازی لە پێناو ڕزگاری كوردستان پێداگری كردەوە. بەرێزیان لە بەشێكی تری پەیامەكەی دا ئاماژەی بە دۆخی ئێستای ئێران و كوردستان كرد و وێرای شیكردنەوەیێكی كورتی دۆخی نالەباری كۆمەڵگای ئێرانی ژێر دەسەڵاتداریەتی ئاخوندەكان، دووردیمەنی شۆڕشی ڕزگاریخوازانەی بە گەشبینیەوە پێناسە كرد و هاوكات بانگەوازی یەكگرتوویی و یەكڕیزی نەتەوەیی و هاوكاری لە نێوان هێزولایەنەكانی كوردستانی ئێران و بە پێوەرگرتنی ڕەدكردنەوەی هەر جۆرە دانووستانێك لەگەڵ رژیمی دیكتاتۆری ئێران بەرز كردەوە. 
لەدوای ووتەكانی رێزدار كاك بابەشێخ حوسەینی سكرتێری گشتی سازمانی خەبات ی كوردستانی ئێران، سرودی " 10ی خەزەڵوەر" لە لایەن كۆری هونەری سازمانی خەبات پێش كەش كرا. پەخشانی میداڵی ووشەم بۆ بەرۆكت ئەی پێشمەرگە لە نووسینی بەرێز كاك ڕێبواری حوسەینی ئەندامی دەفتەری سیاسی و لەخوێندنەوەی هاوڕێیان ساسان و فرمێسك بڕگەیێكی تری رێورەسمەكە بوو. هەروەها كۆری سرودی مندالان سرودێكی سەرنجراكێشیان پێشكەش بە ئامادەبووانی رێورەسمەكە كرد. لەناوئاخنی بەرنامەكان دا چەندین سرود، شیعر و پەخشان پێشكەش كرا و دوایین بڕگەی ڕێورەسمەكەش رێژە ورێگە ڕۆیشتنی هێزی پێشمەرگە و هەڵپەركێ‌ بوو.



fipl_10i_xazalweri_1399.jpg



 
ڕێکه‌وت: 2020-11-01 09:55:08
به‌شی ( چالاکیه‌کان )





دیمانه

سیاسی