له‌سه‌رهێل 41
پێنچ شه‌مه‌ 2 رێبه‌ندان 2720
سازمانی خه‌باتی کوردستانی ئێران
ئایا بەربەستێکی كاریگەر لە سەر ڕێگەی ڕژیمی ئێران بۆگەیشتن بە بومبی ناوکەیی هەیە؟

سیامەند 

ڕێکخراوی جیهانی وزەی ناوکەیی ئاشکرای کرد کە ڕژیمی ئێران هەموویاساوخاڵەپەسەندکراوەکانی بەرجامی پێشێل کردوە، هەروەها ڕافائێل گروسی" بەڕێوەبەری گشتی ئاژانسی جیهانی وزەی ناوکەیی، لەڕۆژی چوارشەممە ۲٨ی خەزەڵوەر ڕایگەیاند: ڕژیمی ئێران زانیاری باوەڕپێکراوی لەبارەی ئاسەورای ئۆرانیۆم، کەلە دەوروبەری شارەکانی تاران و ئیسفەهان و لەو سایتانەی کە لەساڵەکانی ۲۰۰۳ و ۲۰۰٤ زایینی بەمەبەستی نەهێشتنی ئاسەواری ئۆرانیۆم ڕوخاوندویەتی، پێ نەداون. هەروەها هەواڵدەریە جیهانیەکان چەندین ڕاپۆرتیان دەسکەوتووە كە دەرخەری ئەوەیە، کە ڕژیمی ئێران تاڤگەێیک لە سانتریفیوژی پێشکەوتوویی (ئای ئار ۲ئێم)ی لە سایتی نەتەنز بەگەڕ خستوە. 

ڕادەی بەرزبونەوەی پیتاندنی ئۆرانیۆم، بۆتە هۆی ئەوە کە ئۆرانیۆمی پاڵاوتەکراو لە کۆگاکان،بگاتە ۱۲هێندە زیاتر تا ڕێکەوتنی ساڵی ۲۰۱٥. بەپێ ئەو ڕاپۆرتە نهێنی کەلە ڕێکەوتی ٨ی خەزەڵوەری ئەمساڵ، لەنێوان وڵاتانی ئەندام لە ئاژانس بڵاو کراوەتەو، پیشان ئەدات کە ڕژیمی ئێران،ڕێژەی کۆکراوەی ئۆرانیۆمی پاڵاوتەی بە خەستی لە ڕادەی کەم، لە ۱۰۲۰/٩کیلۆگرام لە ۳۰ی ڕێبەندانی ساڵی ۱۳۹٨، گەیاندویەتە ۱۵۷۱/۶ کیلۆگرام. چالاکی نوێی لە مەیدانی وزەی ئەتومی و پێشێلکردنی یاسا و پەسەندکراوەکانی بەرجام لەلایەن ڕژیمی ئێران، بۆتە هۆی نیگەرانی وڵاتانی ئاڵمان، فەڕانسە، بریتانیا، عەرەبستانی سعوودی ووڵاتانی ڕۆژئاوایی و هەندێک لەوڵاتانی جیهان و ئامریکا. ئەم زانیاریانە، دەرخەری ئەوڕاستیەیە کە ڕژیمی ئێران لە درووستکردنی بۆمبی ناوکەیی نزیکتر دەبێتەوە،بە شێوەێك كە هەندێ لە شارەزایانی ناوکەیی،چەند مانگێك بۆ دروست كردنی بۆمبی ئەتۆمی لەلایەن ڕژیمی ئێران،بەراورد کردوە. بە بوونی ئەم ڕەوتە و جێبەجێ نەکردن و پێشێلکردنی خاڵەکانی ڕێکەوتنی بەرجام وهەروەها بە پێ‌ دانپێدانانی (غەریب ێ‌بادی)نوێنەری هەمیشەیی ڕژیم لە ئاژانسی ناوکەیی وتویە: (کۆماری ئیسلامی) سانتریفیۆژی نوێی ئای ئار ۲ئێم بۆ پیتاندن ئۆرانیوم خستۆتە كار، ئەو ڕاستیە دەسەلمێنێ‌ كە ڕژیمی ئێران چ ئامانجێكی هەیە.ڕاپۆرت، هەواڵ و زانیاری ناوخۆی دەسەڵات، باس لە ڕەوتی بەرزبونەوەی پیلان و ئامانجی گڵاوی بەرپرسانی ڕژیم و هەروەها گەیشتنیان بە بۆمبی ناوکەی بەم نزیكانە دەکات. هەرچەندە خامنەیی ڕێبەری ڕژیم ، بە قسە دەڵێ، بۆمبی ناوکەیی حەرامە بەڵام ئەو قسانە بۆ فریودانی ناوەندە جیهانیە.كانە چۆنکە، ڕاستییەکە ئەوەیە کە ئەم ڕژیمە پێکهێنانی بومبی ناوکەیی بەیەکێک لە ڕێگاکان بۆ دیفاع لە خۆی بەرانبەر هێرشی دژمنانی و بە هۆێك بۆمانەوەی خۆی دەزانێ.بێگومان، ڕژیمی ئاخوندی لە هەوڵی دروستكردنی بۆمبی ناوکەییە، هەر وەك چۆن چەک و موشەکی نائاسایی بەشێوەێیکی بەربڵاو بەرهەم دێنێت. ئەم دەسەڵاتە لە بارودۆخی نالەباری سیاسی جیهان، قەیرانی کۆڕۆنا، ناکۆکی نێوان ووڵاتانی خاوەن هێزی جیهان لەسەر بەرنامەی موشەکی، قەیرانی ئابوری ونەبوونی هاوکاری نێوان ئەندامانی ئەنجومەنی ئاسایش،كەڵك وەردەگرێ‌ بۆ بەرەوپێشبردنی بەرنامەی ناوکەیی، پەڵە دەكابۆ دروست كردنی بۆمبی ئەتۆم. هەلومەرجی سیاسی جیهان و ئاکامی هەڵبژاردنەکانی ئەمریکا کە جۆبایدن پاڵێوڕاوی حیزبی دیمۆکرات، كە خوازیاری گەڕانەوە بۆبەرجام و وتووێژ لەگەڵ ڕژیمی ئێرانە، یەکێکی دیکە لە هۆکانی دڵگەرمی ئاخوندە دەسەڵاتدارەکان و هاندانیانە بۆ بردنە پێشی چالاکیە ئەتۆمییەکان و درووست کردنی بۆمبی ئەتۆم.ئێستا دەبێ ئەو،پرسیارە بکەین کە ئایا بەربەستێکی کاریگەر لە ڕێگای درووستکردنی بۆمبی ئەتۆم لەلایەن ڕژیمی ئێران هەیە؟ لەوڵامدا دەبێت بڵێن کە بەداخەوە بارودۆخی سیاسی جیهانی و ڕەوتی وتووێژلەگەڵ ڕژیمی ئێران لەچەند مانگی داهاتوو لە گەمەی سیاسی جیهان،نزیکەو وەك بە پێ‌ بەراوردو هەڵسەنگاندنەكان لەسەر ڕێگای زیادەڕەویەکانی ڕژیم ، هەوڵەكانی بۆ دروست كردنی بۆمبی ئەتۆمی ڕژیم بەربەستێكی كاریگەر بوونی نابێ، وە ئەگەر تا ئێستا ڕژیمی ئێران دەستی بەبۆمبی ئەتۆم ڕانەگەیشتبێ، لەوانەیە لەمانگەكانی داهاتوو هەواڵی درووستکردنی بۆمبی ئەتۆمی ببیستین. ئاشكرایە كە چەندین ساڵە خەڵکی ئێران، ئەحزابی سیاسی لە جوڵانەوەی کوردستان و سازمان خەبات و شورای مللی مقاومەت و سازمانی موجاهیدین بە کۆمەڵگەی جیهانی رادەگەێینن کەهەر جۆرە وتووێژ لەگەڵ ئاخوندەکان و نەبوونی سیاسەتی کاریگەر بەرانبەر ئەم ڕژیمە، نەتەنیا بە زیانی خەڵكی ئێرانە، بەڵکوو خەسارەتێکی قەرەبوو نەکراوە بە پێکهاتەی کۆمەڵگەی جیهانی و وڵاتای ناوچەی خۆرهەڵاتی ناوەڕاست و هاوسێکانی ئێرانە.خەڵکی ئێران زیاتر لە ٤۱ساڵە سەرەڕای هەموو ستەم و جینایەتێك، لەبەرانبەر ئەم ڕژیمەدا خەبات دەکەن، هەربۆیە ئەگەر ڕژیمێک کەخاوەنی بۆمبی ئەتۆمیش بێ، جیاوازێیکی ئەتۆی بۆیان نیە، چۆنکە خەڵک وئەحزابی شۆڕشگێر بڕیاری لێبڕاوانەیان داوە بۆ لەناوبردنی ئەودەسەڵاتە دواکەوتووە. بەڵام ڕژیمێکی پاوانخواز کە هەوڵی ناردنی ئینقلابی خۆمەینی بۆ وڵاتانی ناوچەکە و،وڵاتانی ئیسلامی هەیە،ئەگەر ببێتە خاوەن بۆمبی ئەتۆمی، چ ئاکامێکی مەترسیداری بۆ کۆمەڵگای جیهانی و وڵاتانی ناوچەکە بەدواوە دەبێ؟ بێگومان ئەگەر کۆمەڵگەی جیهانی بەپەلە لەبەرانبەر زیادەخوازیەکانی دەسەڵاتداری لەئێران،و گەڵاڵە ئەتۆمیەكەی بڕیاری و کردەوەی کاریگەر نەگرنەبەر، ئیتر پەشیمانی لە بێ هەڵوێستی لەبەرانبەر بەرنامە ناوکەییەکانی ڕژیم قەرەبو ناکرێتەوە،(هەر وەك ئاوێک کە ڕژا کۆ ناکرێتەوە). 






















 


















































 
ڕێکه‌وت: 2020-12-04 19:31:42
به‌شی ( سیاسی )





دیمانه

سیاسی