له‌سه‌رهێل 42
پێنچ شه‌مه‌ 2 رێبه‌ندان 2720
سازمانی خه‌باتی کوردستانی ئێران
ڕفاندن و ترۆری دژبەرانی ڕژیمی ئاخوندی كردەوەیەكی دژی ئینسانیە

ئامادەكردن: فرمێسك
ڕوحوڵڵای زەم، جەمشید شارمەهد، فەرەجوڵڵا چەعەب، لەوکەسانەن کە لەم ماوەیەدا ڕژیمی ئێران بە فریودان هێناونیە وڵاتانی دراوسێی ئێران و دواتر ڕفاندونی.
ڕفاندنی ئەو کەسانە تاوانێكی دژی ئینسانیە کە تەنانەت لە دادگاێیکی نمایشیدا بەبێ‌ ئەوەی تاوانەكەیان لەسەر سابت ببێ‌، کارێکی نایاساییە و ئەو دەوڵەتانەی کە بە یاسا نێونەتەوەییەکان پێبەندن، دەبێ لەڕێگای یاسایی (ڕادەستكردنەوە) داوای تاوانبارەکان بکەن. 
وڵاتە ئوروپاییەکان و ئەو دەوڵەتانەی کە خاوەن کلتوری مافی سەربەخۆ و پێشکەوتوون لەکاتێکدا بزانن دانەوەی کەسێک مەترسی لەسەر گیانی هەیە، نایدەنەوە بە وڵاتی خۆی. 
بەڵام هەندێک وڵات وەکوو عێراق، کە بەیاسای پێشکەوتووی مافی مرۆڤ پەیوەست نەبووە، بەربەستێکی بۆ دانەوەی کەسێک کە لەوانەیە شکەنجە ویا لەسێدارە بدرێ، نیە. یاسای کۆنوانسیۆنی ئوروپایی مافی مرۆڤ دەڵێ، لەکاتێکدا کە دانەوەی کەسێک ببێتە هۆی لەناوچوونی مافە سەرەتاییەکانیان وەکوو ئەگەری شکەنجە و یان گیان ستاندنیان، دەبێ ئەو وڵاتانە نەیاندەنەوە و ئەم کۆنوانسیۆنە بەپێچەوانەی ئەوەی کە ناوی ئوروپایی هەیە، بەڵام هەندێک لە وڵاتانی غەیری ئوروپاییشی تێدایە وەك تورکیە. 
بە پێی ڕاپۆرتەکان فەرەجوڵڵا چەعەب"ناسراو بە حەبیب ئەسیود ڕێبەری پێشووی جوڵانەوەی ئەلنزال " لەشاری ئیستانبول کە لەلایەن ئافرەتێکەوە فریو درا و بەدەستی قاچاغچیەکی مەوادی هۆشبەر ڕفێندرا بۆ ناوخۆیی ئێران، هیچ بەرپرسێکی فەرمی ئەم کردەوەیەی لەئەستۆ نەگرتووە و ئەمە نەک ناوی (ڕادەستكردنەوە) نیە بەڵکوو ڕفاندنی نێونەتەوەییە. 
هەروەها جەمشیدی شارمەهد و هێنانەوەی لەڕێگای وڵاتی ئیماراتی یەکگرتووی عەرەبی وعومان نەك ڕادەستكردنەوە نەبووە، بەڵكو ئەمەش نموونەێیکی دیکە لە ڕفاندنی نێونەتەوەیی لەخاکی وڵاتانی دراوسێیە.
لەزۆربەی کاتەکان کە ڕژیمی ئاخوندی شانسی گەڕاندنەوەی یاسایی دژبەرانی خۆی نیە، لەڕێگای ڕفاندنی نێونەتەوەیی کارەكەی جێبەجێ دەکات. 
لەم پەیوەندیەدا هەواڵدەری ڕۆیتەرز، ڕۆژی دووشەممە ۲٤ی سەرماوەز، ڕایگەیاند کە گروپێکی یازدە کەسی لە ئیتڵاعاتی ڕژیم كە لەگەڵ قاچاغچیەكی مەوادی هۆشبەر كاریان دەكرد و ئەو قاچاغچیە بەڕێوەبەریان بووە، لە تورکیە دەسبەسەر کراون. 
هەر بەپێی ڕاپۆرتی ئەو هەواڵدەریە، ئەم گروپە ۱۱کەسیە هەوڵی ڕفاندن و ترۆری دژبەرانی ڕژیمی ئێرانیان داوە کە لەلایەن پۆلیسی تورکیە دەسبەسەر کراون. 
بەپێی ئەم ڕاپۆرتە، هەر ئەم گروپە فەرەجوڵڵا چەعەبیان ڕاكێشاوە بۆ تورکیە و پاش ڕفاندنی گواستویانەتەوە بۆ ئێران. 
ئەم گروپە لەژێر دەستی ناجی شەریفی زیندەشتی" قاچاغچی مەوادی هۆشبەرە و لەگەڵ ئیتڵاعاتی ڕژیم لەپێوەندیدا بووە. 
ڕژیمی ئێران لە ڕێگای ئافرەتانێک لە ژێر ناوی پەرەستو( یەڕەسێلكە)، دەیانڕفێنێ وبەردەوامە لە ترۆر و ڕفاندانی دژبەرانی خۆی.
ڕێکه‌وت: 2020-12-16 19:28:41
به‌شی ( سیاسی )





دیمانه

سیاسی